Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 24;1-22

24  “Edieke owo ọdọde n̄wan ndien ekem enye imaha n̄wan oro aba koro okụtde enye mbubiam n̄kpọ ke idem,+ enye enyene ndiwet n̄wed usiondọ+ nsịn enye ke ubọk nnyụn̄ nsio enye ke ufọk esie.+  Ndien n̄wan oro enyene ndiwọrọ ke ufọk esie n̄kọdọ owo efen.+  Edieke obufa ebe oro asuade n̄wan emi onyụn̄ ewetde n̄wed usiondọ esịn enye ke ubọk onyụn̄ osiode enye ke ufọk esie, mîdịghe edieke obufa ebe oro ọkọdọde enye akpade,  akpa ebe oro okosiode n̄wan emi ndọ idikemeke aba ndifiak ndọ enye ke ẹma ẹkesabade enye;+ koro emi edi mbubiam n̄kpọ ke enyịn Jehovah, ndien kûnam isọn̄ emi Jehovah Abasi fo ọnọde fi ke udeme edue isop idiọkn̄kpọ.  “Edieke owo ọdọde n̄wan obufa,+ enye inyeneke ndika ekọn̄, owo inyụn̄ inyeneke ndinọ enye utom efen ekededi. Ẹyak enye odu ke ufọk esie ke ofụri isua kiet, enye onyụn̄ enyene ndinam esịt adat n̄wan esie.+  “Owo baba kiet inyeneke ndibọ owo eka itiat m̀mê eyen itiat ukọkn̄kpọ nte n̄kpọ ubiọn̄,+ koro uwem* owo ke enye ọbọ oro nte n̄kpọ ubiọn̄.  “Edieke ẹkụtde nte owo omụmde+ ukpọn̄ ke ukat ke otu nditọete esie kpa nditọ Israel, onyụn̄ efịkde enye onyụn̄ anyamde enye,+ andimụm ukpọn̄ oro enyene ndikpa. Ntem ke afo edisio se idiọkde efep ke otu mbufo.+  “Ẹkpeme idem ye udọn̄ọ akpamfia+ ẹnyụn̄ ẹkpeme ndinam nte mme oku, kpa nditọ Levi, ẹditemede mbufo.+ Mbufo ẹtịn̄ enyịn ẹnam kpa nte n̄ketemede mbufo.+  Mbufo ẹti se Jehovah Abasi mbufo akanamde Miriam ke usụn̄ ke ini mbufo ẹkewọn̄ọde ke Egypt.+ 10  “Edieke afo ọnọde ekemmọ owo n̄kpọ ekededi ke ebuọt,+ kûdụk ufọk esie ukumen se enye adade enịm ubiọn̄.+ 11  Da ke an̄wa, ndien owo emi afo ọnọde n̄kpọ ke ebuọt eyemen se enye adade enịm ubiọn̄ ọwọrọ edinọ fi. 12  Ndien edieke n̄kpọ ọsọn̄de ye owo oro, kûyak se enye adade enịm ubiọn̄ odu ye afo eyo esiere.+ 13  Fiak yak se enye adade enịm ubiọn̄ nọ enye ke ndondo oro utịn osopde,+ man enye enyene ọfọn̄ eke enye ofụhọde ede idap,+ onyụn̄ ọdiọn̄+ fi; ndien ẹyebat oro ẹnọ fi ke edinen ido ke iso Jehovah Abasi fo.+ 14  “Kûtụk owoutom emi n̄kpọ ọsọn̄de ye enye, emi onyụn̄ ebuenede, edide enye edi eyenete fo m̀mê esenowo emi odụn̄de ke isọn̄ fo, ke obio fo.+ 15  Nọ enye okụkutom esie kpa ke usen oro,+ utịn okûnyụn̄ osop edisịm fi okụk esie ke ubọk, koro n̄kpọ ọsọn̄de ye enye, onyụn̄ ọdọn̄de ukpọn̄ esie ndibọ okụkutom esie; mbak enye ediseme ọnọ Jehovah aban̄a fi,+ ndien ẹyebat oro ẹnọ fi ke idiọk.+ 16  “Ẹkûwot mme ete ẹban̄a idiọkn̄kpọ nditọ, ẹkûnyụn̄ ẹwot nditọ ẹban̄a idiọkn̄kpọ mme ete.+ Ẹdiwot owo kiet kiet ke idiọkn̄kpọ esiemmọ.+ 17  “Kûkwan̄a ikpe esenowo+ m̀mê eke eyenakpa,+ kûnyụn̄ ubọ ebeakpa ọfọn̄ esie ke ubiọn̄.+ 18  Ti ete ke afo ekedi ofụn ke Egypt, ndien Jehovah Abasi fo ama afak fi osio do.+ Ntak edi oro ami n̄wụkde fi nte anam n̄kpọ emi. 19  “Ke ini afo ekpen̄ede ukpen̄e ke in̄wan̄ fo,+ ndien afo efre ebek kiet ke in̄wan̄, kûfiak ukumen. Yak ana do ọnọ esenowo, ye eyenakpa ye ebeakpa;+ man Jehovah Abasi fo ọdiọn̄ fi ke kpukpru ubọk fo emi afo edinamde.+ 20  “Ke ini afo eyịbide eto olive, kûfiak ukutet se isụhọde ke n̄kọk. Yak odu ọnọ esenowo, ye eyenakpa ye ebeakpa.+ 21  “Ke ini afo etetde mfri in̄wan̄ vine fo, kûtan̄ se isụhọde. Yak mmọ ẹdu ẹnọ esenowo, ye eyenakpa ye ebeakpa. 22  Ti ete ke afo ekedi ofụn ke isọn̄ Egypt.+ Ntak edi oro ami n̄wụkde fi nte anam n̄kpọ emi.+

Mme Ikọ Idakisọn̄

At. Ed., “ukpọn̄.”