Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 23;1-25

23  “Eren emi ẹsiode enye osio+ emi nsen ekpọrọ esie anuahade+ m̀mê emi ẹsịbede enye idem erenowo inyeneke ndidụk esop Jehovah.  “Eyen akpara+ okûdụk esop Jehovah. Ọkpọkọm ke ọyọhọ emana duop, owo esie inyeneke ndidụk esop Jehovah.  “Eyen Ammon m̀mê eyen Moab inyeneke ndidụk esop Jehovah.+ Ọkpọkọm ke ọyọhọ emana duop, ubon mmọ inyeneke ndidụk esop Jehovah ke nsinsi,  koro mmọ mîkadaha uyo ye mmọn̄ iwọrọ idinọ mbufo+ ke usụn̄ ke ini mbufo ẹkewọn̄ọde ke Egypt,+ n̄ko koro mmọ ẹkekpede Balaam eyen Beor, owo Pethor eke Mesopotamia ẹte edisụn̄i mbufo.+  Ndien Jehovah Abasi fo ikenyịmeke inọ Balaam;+ edi Jehovah Abasi fo ama anam isụn̄i oro akabade edidiọn̄,+ koro Jehovah Abasi fo amade fi.+  Kûnam n̄kpọ uyom emem ye uforo mmọ ke ofụri usen uwem fo ke nsinsi.+  “Kûsua eyen Edom, koro enye edide eyenuka.+ “Kûsua eyen Egypt, koro afo ekedide esenowo ke idụt esie.+  Nditọiren ọyọhọ emana ita emi ẹdimanade ẹnọ mmọ ẹkeme ndidụk esop Jehovah.  “Edieke afo anamde nna oyom ndin̄wana ye mme asua fo, afo n̄ko enyene ndikpeme mbak udunam n̄kpọ ekededi eke ọdiọkde.+ 10  Edieke owo eke edehede odude ye afo, koro n̄kpọ emi asabarede owo eketịbede ke okoneyo,+ enye n̄ko enyene ndiwọrọ n̄ka edem itienna. Enye ididụkke idi itienna.+ 11  Ndien ama ekem ke mfụn̄mfụn̄ mbubreyo enye eyeyere mmọn̄, ndien ke utịn osopde enye ekeme ndidụk ndi itienna.+ 12  Ndien afo enyene ndisio ebiet kiet nnịm san̄asan̄a ke edem itienna, afo onyụn̄ enyene ndiwọrọ n̄ka do. 13  Eto utịbi isọn̄ onyụn̄ enyene ndidu ke otu n̄kpọutom fo, ndien ama ekem ke ini ọsọrọde ke edem itienna, afo onyụn̄ enyene ndida enye ntịbi isọn̄ mfụk ifuọ+ fo. 14  Koro Jehovah Abasi fo asan̄ade ke itienna man anyan̄a fi+ onyụn̄ ayak mme asua fo esịn fi ke ubọk;+ itienna fo onyụn̄ enyene ndisana,+ mbak enye edikụt n̄kpọ ndek ke otu mbufo ndien etre nditiene fi.+ 15  “Kûyak ofụn unọ eteufọk esie ke ini enye ọbọhọde eteufọk efehe etiene fi.+ 16  Yak enye odụn̄ ye afo ke otu mbufo ke ọtọ ekededi eke enye edimekde ke kiet ke otu mme obio fo,+ ke ebiet ekededi eke enye amade. Kûfiomo enye.+ 17  “Eyenan̄wan baba kiet ke Israel inyeneke ndikabade ndi akpara temple,+ eyeneren baba kiet ke Israel inyụn̄ inyeneke ndikabade ndi akpara temple.+ 18  Kûda okụk+ akpara m̀mê okụk ebua+ udụk ufọk Jehovah Abasi fo nte akan̄a, koro mmọ mbiba ẹdide mbubiam n̄kpọ ke enyịn Jehovah Abasi fo. 19  “Kûbọ eyenete fo udori,+ udori ke okụk, ye udori ke udia,+ ye udori ke n̄kpọ kiet ekededi emi owo ekemede ndibọ udori. 20  Afo emekeme ndibọ owo esenidụt+ udori, edi kûbọ eyenete fo udori;+ man Jehovah Abasi fo ọkpọdiọn̄ fi ke kpukpru se afo anamde ke isọn̄ emi afo akade do ndida nnyene.+ 21  “Edieke afo akan̄ade akan̄a ọnọ Jehovah+ Abasi fo, kûbịghi ndisio akan̄a fo,+ koro Jehovah Abasi fo mîditreke ndiyom enye ke ubọk fo, emi oyonyụn̄ akabade edi idiọkn̄kpọ ọnọ fi.+ 22  Edi edieke etrede ndikan̄a akan̄a, emi ididịghe idiọkn̄kpọ inọ fi.+ 23  Nam se afo eketịn̄de ke n̄kpọkinua fo,+ nyụn̄ nam kpa nte afo akadade inua fo akan̄a ọnọ Jehovah Abasi fo nte uwa unyịmesịt.+ 24  “Edieke afo odụkde in̄wan̄ vine ekemmọ owo, dia mfri eke ekemde ndiyụhọ ukpọn̄ fo, edi kûsịn ndomokiet ke ekpat fo.+ 25  “Edieke afo odụkde in̄wan̄ ekemmọ owo emi wheat ẹdade ke etak, da ubọk kpọt kịbi mbuot wheat eke adatde, edi kûsịn ikwa ukpen̄e wheat esie emi ẹdade ke etak.+

Mme Ikọ Idakisọn̄