Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 2;1-37

2  “Ekem nnyịn iwọn̄ọde isan̄a usụn̄ Ididuot Inyan̄ ika wilderness, kpa nte Jehovah ọkọdọhọde mi;+ nnyịn ima inyụn̄ iyo ke edem Obot Seir ke ediwak usen.  Ke akpatre Jehovah ọdọhọ mi ete,  ‘Mbufo ẹmeyo ke edem obot emi ebịghi ekem.+ Ẹwọn̄ọde ẹka edem edere.  Nyụn̄ dọhọ mbio emi ete: “Mbufo ẹmọn̄ ẹsan̄a ẹbe adan̄a nditọete mbufo,+ nditọ Esau,+ emi ẹdụn̄de ke Seir;+ ndien ndịk mbufo ayanam mmọ,+ mbufo ẹnyụn̄ ẹtịm ẹkpeme idem mbufo.  Ẹkûn̄wana ye mmọ, koro ndinọhọ mbufo isọn̄ mmọ ndomo ikpat kiet; koro mmada Obot Seir nnọ Esau ke udeme.+  Udia eke mbufo ẹdibọde mmọ ẹdep ke mbufo ẹdidia; mmọn̄ eke mbufo ẹdinyụn̄ ẹbọde mmọ ẹdep ke mbufo ẹdin̄wọn̄.+  Koro Jehovah Abasi fo ọmọdiọn̄ fi ke kpukpru utom ubọk fo.+ Enye emetịm ọfiọk nte afo asan̄ade ke akwa wilderness emi. Jehovah Abasi fo omodu ye afo ke ofụri isua aba+ emi. Afo unanake n̄kpọ ndomokiet.”’+  Ntre nnyịn isan̄a ibe nditọete nnyịn, nditọ Esau,+ emi ẹdụn̄de ke Seir, ikpọn̄ usụn̄ Arabah,+ ye Elath ye Ezion-geber.+ “Ekem nnyịn iwọn̄ọde isan̄a usụn̄ wilderness Moab.+  Ndien Jehovah ọdọhọ mi ete, ‘Kûfịna Moab, kûnyụn̄ un̄wana ye mmọ, koro ndinọhọ fi isọn̄ mmọ ndomokiet ke udeme, koro mmada Ar+ nnọ nditọ Lot+ ke udeme mmọ. 10  (Mbon Emim+ ẹkedụn̄ do ke eset, mbon emi ẹkopde odudu ẹnyụn̄ ẹwakde ẹnyụn̄ ẹniọn̄de nte nditọ Anak.+ 11  Amaedi mme Rephaim,+ ẹkebat mmọ n̄ko nte nditọ Anak,+ ndien mbon Moab ẹkesikot mmọ mbon Emim. 12  Ndien mme Horite+ ẹkedụn̄ ke Seir ke eset, ndien nditọ Esau+ ẹbọ mmọ isọn̄ mmọ ẹnyụn̄ ẹsobo mmọ ke iso mmọ ẹfep ẹnyụn̄ ẹdụn̄ ke itie mmọ,+ kpa nte Israel ẹdinamde ye isọn̄ emi edide udeme esie, emi Jehovah edinọde mmọ.) 13  Ẹdaha ke enyọn̄ ke emi ẹnyụn̄ ẹbe itịghede mmọn̄ Zered.’ Ntre nnyịn isan̄a ibe itịghede mmọn̄ Zered.+ 14  Ndien ibat isua emi ikadade isan̄a ọtọn̄ọde ke Kadesh-barnea tutu nnyịn ibe itịghede mmọn̄ Zered ekedi isua edịp ye efịteta, tutu ofụri emana irenowo emi ẹsikade ekọn̄ ẹkpan̄a ẹkụre ke nna, kpa nte Jehovah ọkọn̄wọn̄ọde ọnọ mmọ.+ 15  Ndien ubọk+ Jehovah odoro mmọ ke idem man osobo mmọ efep ke nna, tutu mmọ ẹkpan̄a ẹkụre.+ 16  “Edikem ke ndondo oro kpukpru irenowo emi ẹsikade ekọn̄ ẹkpan̄ade ẹkụre ke otu mbio obio,+ 17  Jehovah ọdọhọ mi ete, 18  ‘Afo ọmọn̄ asan̄a mfịn emi ebe ke ikpehe Moab, oro edi, Ar,+ 19  afo nyụn̄ san̄a kpere nditọ Ammon. Kûfịna mmọ, kûnyụn̄ un̄wana ye mmọ, koro ndinọhọ fi isọn̄ nditọ Ammon ndomokiet ke udeme, koro mmada enye nnọ nditọ Lot ke udeme.+ 20  Ẹkebat enye n̄ko nte isọn̄ Rephaim.+ (Mme Rephaim ẹkedụn̄ do ke eset, ndien nditọ Ammon ẹkesikot mmọ Zamzummim. 21  Mmọ ẹma ẹkop odudu ẹnyụn̄ ẹwak ẹnyụn̄ ẹniọn̄ nte nditọ Anak;+ ndien Jehovah ama osobo+ mmọ efep ke iso mmọ, man mmọ ẹbọ mmọ isọn̄ ẹnyụn̄ ẹdụn̄ ke itie mmọ; 22  kpa nte enye akanamde ọnọ nditọ Esau, emi ẹdụn̄de ke Seir,+ ke ini enye okosobode mme Horite+ efep ke iso mmọ, man mmọ ẹkpebọ mmọ isọn̄ ẹnyụn̄ ẹdụn̄ ke itie mmọ tutu esịm mfịn emi. 23  Amaedi mme Avvim+ emi ẹkedụn̄de ke mme obio-in̄wan̄ tutu esịm Gaza,+ mme Caphtorim,+ emi ẹketode Caphtor+ ẹdi, ẹma ẹsobo mmọ, man mmọ ẹdụn̄ ke itie mmọ.) 24  “‘Ẹdaha ke enyọn̄ ẹsan̄a ẹbe itịghede mmọn̄ Arnon.+ Sese, mmada Sihon,+ edidem Heshbon, owo Amorite, nsịn fi ke ubọk. Ntre tọn̄ọ ndida isọn̄ esie, nyụn̄ n̄wana ekọn̄ ye enye. 25  Mfịn emi mmọn̄ ntọn̄ọ ndinam uten̄e fo ye ndịk fo odoro mme owo emi ẹdude ke ofụri idak ikpaenyọn̄, eke ẹdikopde etop fo; ndien mmọ ẹyedu ke ndutịme ye ubiak, nte ubiak uman ke ntak fo.’+ 26  “Ndien mma ntie ke wilderness Kedemoth+ nsio mme isụn̄utom ndọn̄ ẹka ke ọtọ Sihon+ edidem Heshbon ẹketịn̄ ikọ emem emem,+ ẹte, 27  ‘Yak mi nsan̄a ke isọn̄ fo mbe. Ndisan̄a ke usụn̄ kpọt mbe. Ndiwahake ndụk nnasia m̀mê ufien.+ 28  Udia eke afo edinyamde ọnọ mi ke ndidia; mmọn̄ eke afo edinyụn̄ anyamde ọnọ mi ke ndin̄wọn̄. Kam yak mi nsan̄a ke ukot mbe,+ 29  kpa nte nditọ Esau emi ẹdụn̄de ke Seir+ ye mbon Moab+ emi ẹdụn̄de ke Ar ẹkenamde ye ami, tutu nsan̄a mbe Jordan ndụk isọn̄ oro Jehovah Abasi nnyịn ọnọde nnyịn.’+ 30  Edi Sihon edidem Heshbon ikayakke nnyịn isan̄a ke isọn̄ esie ibe, koro Jehovah Abasi fo akayakde enye ọsọn̄ ibuot+ onyụn̄ ọsọn̄ esịt, man ada enye esịn fi ke ubọk kpa nte edide mfịn emi.+ 31  “Ndien Jehovah ọdọhọ mi ete, ‘Sese, mmọtọn̄ọ ndiyak Sihon ye isọn̄ esie nsịn fi ke ubọk. Tọn̄ọ ndida isọn̄ esie nnyene.’+ 32  Ke ini Sihon ye ofụri ikọt esie ẹwọrọde ẹdi ndin̄wana ekọn̄ ye nnyịn ke Jahaz,+ 33  Jehovah Abasi nnyịn ayak enye esịn nnyịn ke ubọk,+ ntre nnyịn ikan enye+ ye nditọiren esie ye ofụri ikọt esie. 34  Ndien nnyịn ima ikan kpukpru mme obio esie ini oro, inyụn̄ isobo kpukpru mme obio,+ irenowo ye iban ye n̄kpri nditọwọn̄. Nnyịn ikosụhọke baba owo kiet. 35  Ufene kpọt ke nnyịn ikobụme ke idem nnyịn, ọkọrọ ye mbụme obio oro nnyịn ikakande.+ 36  Ọtọn̄ọde ke Aroer,+ emi odude ke mben itịghede mmọn̄ Arnon, ye obio emi odude ke itịghede mmọn̄, tutu esịm Gilead, idụhe obio ndomokiet emi ọkọsọn̄de akan nnyịn.+ Jehovah Abasi nnyịn ama ayak kpukpru mmọ esịn nnyịn ke ubọk. 37  Edi afo ukukam usan̄ake ukpere isọn̄ nditọ Ammon,+ ofụri mben itịghede mmọn̄ Jabbok,+ m̀mê mme obio oro ẹdude ke ikpehe emi etiede obot obot, m̀mê n̄kpọ ekededi emi Jehovah Abasi nnyịn okowụkde.

Mme Ikọ Idakisọn̄