Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 18;1-22

18  “Mme oku, kpa nditọ Levi, ofụri esien Levi,+ idinyeneke udeme m̀mê n̄kpọ-akpa ke Israel. Mme uwa oro ẹwade ke ikan̄ ẹnọ Jehovah, kpa udeme esie, ke mmọ ẹdidia.+  Ntre enye idinyeneke udeme ke otu nditọete esie. Jehovah edi udeme esie,+ kpa nte enye ọkọdọhọde enye.  “Emi edidi se mme oku ẹnyenede ndibọ mme owo emi ẹwade uwa, edide ayara enan̄ m̀mê erọn̄: Owo enyene ndinọ oku afara ye mban̄ ye akpa.  Afo enyene ndinọ enye akpa wheat fo ye obufa wine fo ye aran fo ye akpa idet erọn̄ fo emi afo afatde.+  Koro enye ye nditọiren esie ke Jehovah Abasi fo emek ke otu kpukpru mme esien fo ete ẹnam n̄kpọ ke enyịn̄ Jehovah kpukpru ini.+  “Ndien edieke eyen Levi ọwọrọde ke kiet ke otu mme obio Israel, emi enye okodụn̄de ke esisịt ini,+ koro ọdọn̄de ukpọn̄ esie ndidi ebiet emi Jehovah emekde,+  enye n̄ko enyene ndinam utom ke enyịn̄ Jehovah Abasi esie ukem nte kpukpru nditọete esie, nditọ Levi, emi ẹdade do ke iso Jehovah.+  Udeme eke enye edidiade edidi ukem,+ ọkọrọ ye se enye enyenede oto mme n̄kpọ ete ete esie emi enye anyamde.  “Ke ini afo odụkde isọn̄ oro Jehovah Abasi fo ọnọde fi, kûkpep ndinam mme mbubiam n̄kpọ mme idụt oro.+ 10  Kûyak ẹkụt owo ekededi ke otu fo emi ọfọpde eyeneren esie m̀mê eyenan̄wan esie ke ikan̄,*+ m̀mê owo ekededi emi ebrede idiọn̄,+ m̀mê ebre mfọni+ m̀mê owo ekededi emi omụmde ndomo+ m̀mê abiaidiọn̄,+ 11  m̀mê owo emi ọkọkde nduọhọ+ ọnọ owo m̀mê obụp ekpo+ m̀mê etịn̄ ini iso+ m̀mê owo ekededi emi akade okobụp mme akpan̄kpa n̄kpọ.+ 12  Koro kpukpru owo eke ẹnamde n̄kpọ emi ẹdi mbubiam n̄kpọ ke enyịn Jehovah, ndien ke ntak mbubiam n̄kpọ emi Jehovah Abasi fo emebịn mmọ efep ke iso fo.+ 13  Afo enyene ndinana ndudue ke enyịn Jehovah Abasi fo.+ 14  “Koro mme idụt emi afo ọbọde mmọ isọn̄ ẹsikpan̄de utọn̄ ẹnọ mme ebre mfọni+ ye mme ebreidiọn̄;+ edi amaedi afo, Jehovah Abasi fo inyịmeke fi anam n̄kpọ ekededi eke etiede ntem.+ 15  Jehovah Abasi fo ayanam prọfet eke ebietde mi adaha ada ọnọ fi ke otu fo, ke otu nditọete fo—mbufo ẹkpan̄ utọn̄ ẹnọ enye+ 16  ke ibọrọ eben̄e oro afo ekeben̄ede Jehovah Abasi fo ke Horeb ke usen esop,+ ete, ‘Kûyak mi ntọn̄ọ ntak n̄kop uyo Jehovah Abasi mi, kûnyụn̄ uyak mi ntọn̄ọ ntak n̄kụt akwa ikan̄ emi, mbak ndikpa.’+ 17  Ndien Jehovah ọdọhọ mi ete, ‘Se mmọ ẹdọhọde ọfọn.+ 18  Nyanam prọfet eke ebietde fi adaha ada ọnọ mmọ ke otu nditọete mmọ;+ ndien ami nyesịn ikọ mi ke inua esie,+ enye oyonyụn̄ etịn̄ kpukpru ikọ eke nditemede enye ọnọ mmọ.+ 19  Ndien owo eke mîdikopke uyo mi eke enye editịn̄de ke enyịn̄ mi, ami nyokot enye edinam ibat.+ 20  “‘Edi prọfet eke edisọn̄de enyịn ada enyịn̄ mi etịn̄ ikọ eke mmen̄kọdọhọke enye etịn̄+ m̀mê editịn̄de ikọ ke enyịn̄ mme abasi efen,+ prọfet oro enyene ndikpa.+ 21  Edi edieke afo edidọhọde ke esịt fo ete: “Nnyịn idisan̄a didie ifiọk ikọ eke Jehovah mîtịn̄ke?”+ 22  ke ini prọfet etịn̄de ikọ ke enyịn̄ Jehovah ndien ikọ oro iwọrọke idi ntre inyụn̄ isụhu, oro edi ikọ emi Jehovah mîketịn̄ke. Prọfet oro eketịn̄ ikọ oro ke iseri.+ Ẹkûfehe enye.’+

Mme Ikọ Idakisọn̄

At. Ed., “anamde ebe ke ikan̄.”