Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Deuteronomy 15;1-23

15  “Ke utịt kpukpru isua itiaba afo enyene ndidahado ke isọn emi owo akamade fi.  Edidahado oro edisan̄a ntem:+ owo kiet kiet emi ọkọnọde ekemmọ owo n̄kpọ ke ebuọt ayadahado ke isọn oro. Enye inyeneke ndinyịk ekemmọ owo m̀mê eyenete esie ete ekpe se akamade,+ koro ẹdikot emi edidahado ke iso Jehovah.+  Emekeme ndinyịk owo esenidụt+ ete ekpe se enye akamade; edi dahado ke isọn ekededi oro eyenete fo akamade.  Edi yak ubuene okûdu ke otu mbufo, koro Jehovah iditreke ndidiọn̄+ fi ke isọn̄ oro Jehovah Abasi fo ọnọde fi ete ada enyene nte udeme,+  ama akam edi afo oyokop uyo Jehovah Abasi fo onyụn̄ etịm ekpeme ndinam kpukpru ewụhọ emi ntemede fi mfịn emi.+  Koro Jehovah Abasi fo ọyọdiọn̄ fi kpa nte enye ọkọn̄wọn̄ọde ọnọ fi, ndien afo ọyọnọ ediwak idụt n̄kpọ ke ebuọt,+ edi afo udubọhọ n̄kpọ ndomokiet ke ebuọt; ndien afo ayakara ediwak idụt, edi mmọ idikarake fi.+  “Edieke owo ke otu nditọete fo emi odude ke kiet ke otu mme obio fo akabarede ebuene ke isọn̄ fo emi Jehovah Abasi fo ọnọde fi, kûsọn̄ esịt ye enye, kûnyụn̄ ufam ubọk utre ndin̄wam eyenete fo emi edide ubuene.+  Koro afo enyene nditat ubọk fo n̄n̄wam enye+ nnyụn̄ nnọ enye se ededi oro enye oyomde, emi ananade enye, ke ubiọn̄.  Kpeme idem fo mbak idiọk ikọ edidụk fi esịt,+ ete, ‘Ọyọhọ isua itiaba, emi edide isua edidahado, amasan̄a ekpere,’+ ndien enyịn fo etre nditua ubuene eyenete fo mbọm,+ afo unyụn̄ unọhọ enye baba n̄kpọ kiet, ndien enye eseme ọnọ Jehovah aban̄a fi,+ ndien emi akabade edi idiọkn̄kpọ ọnọ fi.+ 10  Kûtre ndinọ enye n̄kpọ,+ kûnyụn̄ uyak esịt fo anam fi afam ubọk ke ini ọnọde enye n̄kpọ, koro Jehovah Abasi fo edida emi ọdiọn̄ fi ke kpukpru utom fo ye ke kpukpru se afo anamde.+ 11  Koro mme ubuene iditreke ndidu ke isọn̄.+ Ntak edi oro ntemede fi nte, ‘Afo enyene nditat ubọk fo n̄n̄wam owo ukụt ye eyenete fo emi edide ubuene ke isọn̄ fo.’+ 12  “Edieke ẹnyamde eyenete fo ẹnọ fi, eren m̀mê n̄wan emi edide eyen Hebrew,+ ndien enye anam utom ọnọ fi ke isua itiokiet, afo enyene ndisio enye unyọn̄ ke ọyọhọ isua itiaba nte owo emi ọwọrọde ufụn.+ 13  Ndien edieke osiode enye unyọn̄ nte owo emi ọwọrọde ufụn, afo unyeneke ndinọ enye ọnyọn̄ ubọk ubọk.+ 14  Kûtre ndisio n̄kpọ ke otuerọn̄ fo ye ke ọtọ udịghi wheat fo ye ke ọtọ unyịmi aran fo ye ke obube unyịmi wine fo nnọ enye. Afo edinọ enye kpa nte Jehovah Abasi fo ọdiọn̄de fi.+ 15  Nyụn̄ ti ete ke afo ekedi ofụn ke isọn̄ Egypt ndien Jehovah Abasi fo ama afak fi.+ Ntak edi oro ntemede fi n̄kpọ emi mfịn emi. 16  “Ndien ama ekem edieke enye edidọhọde fi ete, ‘Ndiwọrọke n̄kpọn̄ fi!’ koro enye amade fi ye mbonufọk fo, sia n̄kpọ ọkọfọnde ye enye ke ini emi enye okodụn̄de ye afo,+ 17  afo enyene ndida utịbin̄kpọ ntịbi enye utọn̄ ndian ke itịm, ndien enye enyene ndidi ofụn fo ke nsinsi.+ Nyụn̄ nam ntem n̄ko ye ofụn an̄wan fo. 18  Kûyak edi ọkpọsọn̄ n̄kpọ ke enyịn fo ndisio enye unyọn̄ nte owo emi ọwọrọde ufụn;+ koro utom eke enye akanamde ke isua itiokiet ọnọ fi okpon utịm ikaba akan eke owo emi ẹkpede utom,+ ndien Jehovah Abasi fo ọmọdiọn̄ fi ke kpukpru se afo anamde.+ 19  “Sio akpa ayara eke amanade ke otu enan̄ fo ye ke otu erọn̄ fo nọ Jehovah Abasi fo.+ Kûda akpa ayara eyen enan̄ fo unam utom, kûnyụn̄ ufat idet akpa eyenerọn̄ fo.+ 20  Afo enyene ndita enye ke iso Jehovah Abasi fo kpukpru isua ke ebiet emi Jehovah edimekde,+ afo ye mbonufọk fo. 21  Ndien edieke enye obiomode ndo, edide mbụn̄ọ m̀mê nnan, m̀mê obiomode idiọk ndo ekededi, kûwa enye unọ Jehovah Abasi fo.+ 22  Ke obio fo ke afo edita enye, owo eke edehede ye owo eke asanade ẹdita,+ kpa nte ẹtade akan̄ ye edop.+ 23  Iyịp esie kpọt ke afo mûdudiaha.+ Duọk enye ke isọn̄ nte mmọn̄.+

Mme Ikọ Idakisọn̄