Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 13;1-18

13  “Edieke prọfet+ m̀mê adaba ndap+ adahade ada ke otu mbufo owụt fi idiọn̄ọ m̀mê utịben̄kpọ,+  ndien idiọn̄ọ m̀mê utịben̄kpọ oro osu, emi enye eketịn̄de ọnọ fi,+ ete, ‘Ẹyak nnyịn itiene mme abasi efen, emi afo mûfiọkke, ẹnyụn̄ ẹyak nnyịn inam n̄kpọ mmọ,’  kûkpan̄ utọn̄ ke ikọ prọfet oro m̀mê eke adaba ndap+ oro, koro Jehovah Abasi mbufo odomode+ mbufo ete ifiọk m̀mê mbufo ẹmema Jehovah Abasi mbufo ke ofụri esịt mbufo ye ke ofụri ukpọn̄ mbufo.+  Mbufo ẹnyene ndisan̄a ye Jehovah Abasi mbufo, nnyụn̄ mbak enye, mbufo ẹnyụn̄ ẹnyene ndinịm mme ibet esie nnyụn̄ n̄kop uyo esie nnyụn̄ nnam n̄kpọ esie nnyụn̄ nyịre ye enye.+  Ndien ẹnyene ndiwot prọfet oro+ m̀mê adaba ndap oro,+ koro enye ọkọdọhọde mbufo ẹwọn̄ọde ẹkpọn̄ Jehovah Abasi mbufo, emi okosiode mbufo ke isọn̄ Egypt onyụn̄ afakde fi osio ke ufọk ufụn, man anam fi ọwọn̄ọde ọkpọn̄ usụn̄ emi Jehovah Abasi fo okowụkde fi ete asan̄a;+ ndien afo enyene ndisio se idiọkde mfep ke otu fo.+  “Edieke eyeneka fo, emi eka fo amande, m̀mê eyeneren fo m̀mê eyenan̄wan fo m̀mê edima an̄wan fo m̀mê ufan fo emi afo amade nte ukpọn̄ fo,+ odomode nditap fi ke ndịbe onyụn̄ ọdọhọde ete, ‘Ẹyak nnyịn ika ikanam n̄kpọ mme abasi efen,’+ emi afo m̀mê mme ete ete fo mîkọfiọkke,  ndusụk ke otu mme abasi mbon oro ẹkande mbufo ẹkụk, mbon oro ẹkperede fi m̀mê oro ẹyomde usụn̄ ẹkpọn̄ fi, emi ẹdude ọtọn̄ọde ke utịt isọn̄ kiet tutu esịm utịt isọn̄ eken,  kûnyịme unọ enye kûnyụn̄ ukpan̄ utọn̄ unọ enye,+ kûseme enye kûnyụn̄ utua enye mbọm,+ kûnyụn̄ udịp enye;  kûtre ndiwot enye.+ Yak edi ubọk fo ebem iso odoro enye ke idem ndiwot enye, ndien ubọk kpukpru mbon eken ẹyetiene.+ 10  Tọn̄ọ enye ke itiat, ndien enye enyene ndikpa,+ koro enye okoyomde ndiwọn̄ọde fi n̄kpọn̄ Jehovah Abasi fo, emi okosiode fi ke isọn̄ Egypt, ke ufọk ufụn.+ 11  Ndien ofụri Israel ẹyekop ẹnyụn̄ ẹdịghe, mmọ idinyụn̄ itọn̄ọke aba ntak inam n̄kpọ ekededi eke ọdiọkde ntem ke otu fo.+ 12  “Edieke afo edikopde nte ẹdọhọde ke kiet ke otu mme obio fo emi Jehovah Abasi fo ọnọde fi odụn̄, ẹte, 13  ‘Mbukpo owo ẹmedaha ẹda ke otu mbufo+ man ẹwọn̄ọde mbio obio mmọ ẹkpọn̄ usụn̄,+ ẹdọhọde ẹte: “Ẹyak nnyịn ikanam n̄kpọ mme abasi efen,” emi mbufo mîfiọkke,’ 14  afo n̄ko enyene ndiyom, nnyụn̄ ndụn̄ọde nnyụn̄ ntịm mbụp;+ ndien edieke edide akpanikọ nte ke ẹnam mbubiam n̄kpọ emi ke otu fo, 15  kûtre ndisobo mbio obio oro ke iso akan̄kan̄.+ Sobo obio oro ye kpukpru se idude ke esịt, ye ufene emi ẹdude ke esịt,+ ke iso akan̄kan̄. 16  Nyụn̄ tan̄ kpukpru mbụme obio oro wọrọ di ke an̄wa obio, nyụn̄ fọp obio oro+ ye kpukpru mbụme esie ke ikan̄ nte ofụri uwa nọ Jehovah Abasi fo, ndien enye ayakabade edi ibombom n̄wụre ke nsinsi.+ Yak owo okûtọn̄ọ aba ntak ọbọp enye. 17  Kûnyụn̄ uda n̄kpọ nsobo oro ndomokiet,+ man Jehovah akpakabade ọkpọn̄ ikan̄-ikan̄ iyatesịt+ esie onyụn̄ atua fi mbọm, onyụn̄ owụt fi mbọm+ onyụn̄ anam fi ọtọt, kpa nte enye ọkọn̄wọn̄ọde ọnọ mme ete ete fo.+ 18  Koro afo enyene ndikop uyo Jehovah Abasi fo ke ndinịm kpukpru mme ewụhọ+ esie emi ami ntemede fi mfịn emi, man afo akpanam se inende ke enyịn Jehovah Abasi fo.+

Mme Ikọ Idakisọn̄