Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Daniel 9;1-27

9  Ke akpa isua Darius+ eyen Ahasuerus eke mfri mbon Media,+ emi ẹkenamde edi edidem ke obio ubọn̄ mbon Chaldea;+  ke akpa isua ukara esie, ami Daniel nda mme n̄wed ntịm mfiọk ibat isua emi uyo Jehovah ekesịmde prọfet Jeremiah,+ ete ke n̄wụre Jerusalem+ ọyọyọhọ isua ata ye duop.+  Ndien ami n̄wụk iso+ mi nse Jehovah, kpa ata Abasi, man nda akam+ ye n̄kpeubọk, ye utreudia ye ọfọn̄ ntuan̄a ye ntọn̄+ nyom enye.  Ndien ami mbọn̄ akam nnọ Jehovah Abasi mi, nyarade idiọkn̄kpọ nnyụn̄ ndọhọ nte:+ “Ah Jehovah ata Abasi, Enye emi okponde+ ye Enye emi enyenede uten̄e onyụn̄ enịmde ediomi+ ye ima-mfọnido+ ọnọ mbon oro ẹmade enye ye mbon oro ẹnịmde mme ewụhọ esie,+  nnyịn imanam idiọkn̄kpọ+ ye ukwan̄n̄kpọ inyụn̄ inam obukpo ido inyụn̄ isọn̄ ibuot;+ imọwọn̄ọde ikpọn̄ mme ewụhọ fo ye mme ubiereikpe fo.+  Nnyịn inyụn̄ ikpan̄ke utọn̄ inọ mme asan̄autom fo emi ẹdide mme prọfet,+ emi ẹketịn̄de ikọ ke enyịn̄ fo ẹnọ ndidem nnyịn ye mbọn̄ nnyịn ye mme ete ete nnyịn ye kpukpru mbio obio.+  O Jehovah edinen ido enyene fi, edi nte edide mfịn emi, bụt anam nnyịn+ ye mbon Judah ye mme andidụn̄ Jerusalem ye kpukpru mbon Israel, mbon oro ẹdude n̄kpet n̄kpet ye mbon oro ẹdude nsannsan ke kpukpru mme idụt emi afo ebịnde mmọ ọdọn̄ ke ntak emi mmọ mîkanamke akpanikọ inọ fi.+  “O Jehovah, bụt anam nnyịn ye ndidem nnyịn ye mbọn̄ nnyịn ye mme ete ete nnyịn, koro nnyịn imanam idiọkn̄kpọ idue fi.+  Mbọm+ ye mme edinam edifen nnọ+ enyene Jehovah Abasi nnyịn, koro nnyịn imọsọn̄ ibuot ye enye.+ 10  Nnyịn inyụn̄ ikopke uyo Jehovah Abasi nnyịn ke ndisan̄a ke mme ibet esie oro enye akadade mme asan̄autom esie emi ẹdide mme prọfet ọnọ nnyịn.+ 11  Ndien kpukpru owo ke Israel ẹmebiat ibet fo ẹnyụn̄ ẹwọn̄ọde ẹkpọn̄ usụn̄ ẹtre ndikop uyo fo,+ tutu afo an̄wan̄a isụn̄i ye un̄wọn̄ọ+ emi ẹwetde ke ibet Moses, kpa asan̄autom ata Abasi, ofụk nnyịn ke idem, koro nnyịn imanam idiọkn̄kpọ idue fi. 12  Ndien afo anam ikọ fo emi afo eketịn̄de aban̄a nnyịn+ ye mme ebiereikpe nnyịn emi ẹkpede ikpe nnyịn,+ ke ndida akwa afanikọn̄ ntiene nnyịn, utọ oro akanam mîtịbeke ke idak ofụri ikpaenyọn̄ nte oro ẹnamde ke Jerusalem.+ 13  Kpa nte ẹwetde ke ibet Moses,+ ofụri afanikọn̄ emi ẹmesịm nnyịn,+ ndien nnyịn inamke n̄kpọ ndisụk Jehovah Abasi nnyịn esịt ke ndiwọn̄ọde n̄kpọn̄ ndudue+ nnyịn nnyụn̄ n̄wụt ke imọfiọk akpanikọ fo.+ 14  “Ndien Jehovah eben̄e idem ndida afanikọn̄ oro ndi onyụn̄ anam enye esịm nnyịn ke akpatre,+ koro Jehovah Abasi nnyịn enende ke kpukpru utom esie emi enye anamde; edi nnyịn ikopke uyo esie.+ 15  “Ndien ke emi, O Jehovah Abasi nnyịn, afo emi akadade ọkpọsọn̄ ubọk+ osio ikọt fo ke Egypt onyụn̄ anamde enyịn̄ ọnọ idemfo kpa nte edide mfịn emi,+ nnyịn imanam idiọkn̄kpọ,+ nnyịn imanam obukpo ido. 16  O Jehovah, mbọk nam iyatesịt fo ye ifụtesịt fo ẹkabade ẹkpọn̄ obio fo Jerusalem, edisana obot fo,+ kpa nte kpukpru edinam edinen ido fo ẹsan̄ade;+ koro oto ke mme idiọkn̄kpọ nnyịn ye mme ndudue mme ete ete nnyịn,+ Jerusalem ye ikọt fo ẹmekabade ẹdi n̄kpọ esuene ke iso kpukpru mbon oro ẹkande nnyịn ẹkụk.+ 17  Ndien ke emi, O Abasi nnyịn, biọn̄ utọn̄ ke akam asan̄autom fo ye n̄kpeubọk esie, nyụn̄ yak iso fo ayama+ ọnọ edisana ebiet fo emi anade ndon,+ ke ntak fo, O Jehovah. 18  Biọn̄ utọn̄, O Abasi mi, nyụn̄ kop.+ Tat enyịn fo nyụn̄ se idiọk idaha nnyịn ye obio emi ekerede enyịn̄ fo;+ koro nnyịn inamke n̄kpeubọk ke iso fo ke ntak ndinen edinam nnyịn,+ edi inam ke ntak uwak mbọm fo.+ 19  O Jehovah, kop.+ O Jehovah, fen nọ nnyịn.+ O Jehovah, nọ ntịn̄enyịn nyụn̄ nam n̄kpọ ban̄a.+ Kûnam ubịghi,+ ke ntak fo, O Abasi mi, koro obio fo emi ye ikọt fo emi ẹkerede enyịn̄ ẹdian fi.”+ 20  Ke adan̄aemi nsụk ntịn̄de ikọ nnyụn̄ mbọn̄de akam nnyụn̄ nyararede idiọkn̄kpọ mi+ ye idiọkn̄kpọ orụk mi Israel+ nnyụn̄ nnamde eben̄e mi ke iso Jehovah Abasi mi nyom mfọn, mban̄a edisana obot+ Abasi mi, 21  ndien ke adan̄aemi nsụk mbọn̄de akam, sese, eren oro, Gabriel,+ emi n̄kokụtde ke n̄kukụt ke ntọn̄ọ,+ ke ini n̄kakpade mba nnyụn̄ n̄kopde mmemidem, oto edisịm mi ke ini uwa enọ mbubreyo.+ 22  Ndien enye asian mi onyụn̄ eneme nneme ye ami onyụn̄ ọdọhọ mi ete: “O Daniel, mmedi ke emi ndinam fi enyene ikike ye ifiọk.+ 23  Uyo ama ọwọrọ ke ini ọkọtọn̄ọde n̄kpeubọk fo, ndien ami mmedi nditọt fi, koro afo edide owo emi ẹmade etieti.+ Ntre tịm kere n̄kpọ oro,+ nyụn̄ fiọk n̄kpọ emi afo okụtde. 24  “Ẹbiere urua ata ye duop ẹnịm ẹnọ orụk fo+ ye edisana obio+ fo, man ẹnam ubiatibet etre,+ ẹnyụn̄ ẹmen idiọkn̄kpọ ẹfep,+ ẹnyụn̄ ẹsio isop ndudue,+ ẹnyụn̄ ẹda edinen ido ẹdi ke nsinsi,+ ẹnyụn̄ ẹfịk ufịkn̄kpọ+ ke n̄kukụt ye ke ntịn̄nnịm ikọ, ẹnyụn̄ ẹda aran ẹyet Ata Edisana.+ 25  Ndien afo enyene ndifiọk nnyụn̄ nnyene ikike nte ke ọtọn̄ọde ke ini emi uyo ọwọrọde+ ete ẹtọn̄ọ ntak ẹdiọn̄ ẹnyụn̄ ẹbọp Jerusalem+ tutu Messiah+ Adausụn̄+ edi, edidi urua itiaba ye urua ata ye iba.+ Ẹyetọn̄ọ ntak ẹdiọn̄ ẹnyụn̄ ẹbọp enye ọkọrọ ye an̄wa obio ye ukpe, edi edidi ke ini nnanenyịn. 26  “Ndien ke ini urua ata ye iba oro ẹkụrede, ẹyesịbe Messiah ẹfep,+ edi idisụhọke n̄kpọ ndomokiet inọ enye.+ “Ndien ikọt adausụn̄ oro ẹdidide ẹyesobo+ obio ye edisana ebiet.+ Ndien utịt esie edidi ke ukwọ. Ekọn̄ oyonyụn̄ odu tutu esịm utịt; ndien se ẹbierede edi nsobo.+ 27  “Ndien enye ọyọsọn̄ọ ediomi+ ọnọ ediwak owo ke urua kiet;+ ndien ke ubak urua enye ayanam uwa ye uwa enọ ẹtre.+ “Ndien andisobo oyodoro ke mba mbubiam n̄kpọ;+ ndien ẹyen̄wan̄a n̄kpọ oro ẹbierede ẹduọk enye emi anade ndon, tutu nsobo okụre.”+

Mme Ikọ Idakisọn̄