Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Daniel 8;1-27

8  Ke ọyọhọ isua ita tọn̄ọ nte Edidem Belshazzar+ akada ubọn̄, ami Daniel n̄kụt n̄kukụt, ke enye oro n̄kokụtde ke ntọn̄ọ ama ekebe.+  Ndien n̄kụt ke n̄kukụt oro; ndien edikem ke adan̄aemi nsede, n̄kụt ke n̄kodu ke Shushan,+ akwa ufọk ubọn̄, emi odude ke ikpehe obio ukara Elam;+ ndien n̄kụt ke n̄kukụt oro nte ami ndude ke mben akpa mmọn̄ Ulai.+  Ke ini mmenerede enyịn, n̄kụt, ndien, sese! okukịm erọn̄+ ada ke mben akpa mmọn̄ oro, enyene nnụk iba. Ndien nnụk iba oro ẹniọn̄, edi kiet ọniọn̄ akan enye eken, ndien enye emi ọkọniọn̄de akan ekedi nnụk oro eketịbede ke ukperedem.+  Ndien n̄kụt okukịm erọn̄ oro nte onụkde idem aka edem usoputịn ye edem edere ye edem usụk, baba unam kiet inyụn̄ idaha enye ke iso, inyụn̄ idụhe owo eke ekemede ndinyan̄a n̄kpọ nsio enye ke ubọk.+ Enye onyụn̄ anam nte enye amade, onyụn̄ okohode idem.  Ndien ami ntie n̄kere, ndien sese! okpo ebot+ oto ke edem usoputịn asan̄a ke iso ofụri isọn̄ edi, edi enye itụkke isọn̄. Ndien amaedi okpo ebot oro, akamba nnụk odu ke ufọt enyịn esie.+  Ndien enye asan̄a edisịm okukịm erọn̄ oro enyenede nnụk iba, emi n̄kokụtde nte adade ke mben akpa mmọn̄; ndien enye efehe ebịne enye ye ọkpọsọn̄ iyatesịt.  Ndien n̄kụt nte enye asan̄ade ekpere okukịm erọn̄ oro, onyụn̄ ayat esịt ye enye, onyụn̄ ọtọ okukịm erọn̄ oro ọduọk onyụn̄ obụn̄ nnụk esie mbiba, ndien okukịm erọn̄ oro inyeneke odudu ndomokiet ndida enye ke iso. Ntre enye onụk enye ọduọk ke isọn̄ onyụn̄ edịghi enye, inyụn̄ idụhe owo eke anyan̄ade okukịm erọn̄ oro osio enye ke ubọk.+  Ndien okpo ebot oro okohode idem ata etieti;+ edi ke ndondo oro enye akabarede okop odudu, akwa nnụk oro obụn̄ọ, ndien nnụk inan̄, emi ẹsede ofụm mbinan̄ ke ikpaenyọn̄, ẹtịbe ẹwọrọ ẹda ke itie esie.+  Ndien ekpri nnụk+ kiet efen etịbe ke kiet ke otu mmọ emi, enye onyụn̄ ọdọdiọn̄ ọkọri okpon aka edem usụk ye edem usiahautịn, onyụn̄ okpon aka n̄kan̄ N̄kpọmbana.+ 10  Enye onyụn̄ ọdọdiọn̄ okpon tutu esịm udịm enyọn̄,+ onyụn̄ anam ndusụk ke otu udịm oro ye ndusụk ntantaọfiọn̄+ ẹduọn̄ọ ke isọn̄, enye onyụn̄ edịghi mmọ.+ 11  Enye okohode idem tutu esịm Ọbọn̄+ udịm oro, ẹnyụn̄ ẹmen uwa ofụri ini+ ẹkpọn̄ Ọbọn̄ oro, ẹnyụn̄ ẹwụri edisana ebiet emi enye okowụkde.+ 12  Ndien ẹyak udịm oro ẹnọ,+ ọkọrọ ye uwa ofụri ini,+ ke ntak ubiatibet;+ ndien enye ọdọdiọn̄ otop akpanikọ+ ọduọk ke isọn̄,+ onyụn̄ anam n̄kpọ onyụn̄ okụt unen.+ 13  Ekem n̄kop edisana owo+ kiet etịn̄de ikọ, ndien edisana owo efen obụp enye emi eketịn̄de ikọ ete: “N̄kukụt uwa ofụri ini+ ye eke ubiatibet oro adade nsobo edi,+ emi aban̄ade edidịghi edisana ebiet ye udịm oro, edibịghi adan̄a didie?”+ 14  Ntre enye ọdọhọ mi ete: “Tutu esịm mbubreyo ye usenubọk tọsịn iba ikie ita; ndien ẹyenam edisana ebiet afiak edidu ke nnennen idaha esie.”+ 15  Edikem ke adan̄aemi ami Daniel n̄kụtde n̄kukụt oro nnyụn̄ nyomde ndifiọk se enye ọwọrọde,+ n̄kụt, ndien, sese! owo kiet emi ebietde erenowo, adade mi ke iso.+ 16  Ndien n̄kop uyo owo ke ufọt Ulai,+ enye ofiori onyụn̄ ọdọhọ ete: “Gabriel,+ nam owo oro adade do ọfiọk se enye okụtde oro.”+ 17  Ndien enye asan̄a ekpere ebiet emi n̄kadade, edi ke ini enye edide edisịm ndịk anam mi tutu ami nduọ n̄kịbi iso ke isọn̄. Ndien enye ọdọhọ mi ete: “O eyen owo,+ fiọk+ ete ke n̄kukụt oro ana ọnọ utịt ini.”+ 18  Ndien ami n̄kịbi iso ke isọn̄ nde ọkpọsọn̄ idap ke adan̄aemi enye etịn̄de ikọ ye ami.+ Ntre enye otụk mi onyụn̄ anam mi ndaha ndada ke ebiet emi n̄kadade.+ 19  Ndien enye ọdọhọ ete: “Sese ami mmọn̄ nnam fi ọfiọk se iditịbede ke akpatre ini ifụtesịt, koro enye anade ọnọ utịt ini emi ẹkenịmde.+ 20  “Okukịm erọn̄ oro afo okokụtde nte enyenede nnụk iba ada aban̄a ndidem Media ye Persia.+ 21  Ndien idet idet okpo ebot oro ada aban̄a edidem Greece;+ amaedi akamba nnụk oro okodude ke ufọt enyịn esie, emi ada aban̄a akpa edidem.+ 22  Ndien amaedi kiet oro okobụn̄ọde ndien ekem inan̄ ẹtịbe ke itie esie,+ obio ubọn̄ inan̄ ẹyeto ke idụt esie ẹdaha ẹda, edi idisọn̄ke odudu nte enye. 23  “Ndien ke utịt utịt ini ubọn̄ mmọ, ke adan̄aemi mme abiatibet ẹma ẹkebiat ibet ẹma, edidem kiet emi ọsọn̄de iso onyụn̄ ọfiọkde ikọ eke mîn̄wan̄ake owo ayadaha ada.+ 24  Odudu esie oyokpon, edi iditoho ke odudu idemesie.+ Enye oyosobo+ n̄kpọ ke ndyọ-ndyọ usụn̄, oyonyụn̄ okụt unen onyụn̄ anam n̄kpọ uforo uforo. Enye oyonyụn̄ osobo n̄kpọsọn̄ owo ye ndisana owo n̄ko.+ 25  Ndien enye ayada ikike esie anam abian̄a okụt unen ke ubọk esie.+ Enye oyonyụn̄ okohode idem ke esịt esie,+ onyụn̄ osobo ediwak owo ke ini ifụre.+ Enye oyonyụn̄ adaha ada an̄wana ye Ọbọn̄ mbọn̄,+ edi idịghe ubọk owo ke ẹdida ẹbụn̄ enye.+ 26  “Ndien n̄kpọ emi okokụtde aban̄a mbubreyo ye usenubọk, emi ẹketịn̄de, edi akpanikọ.+ Ndien afo, dịp n̄kukụt emi, koro enye anade kan̄a ebet ediwak usen.”+ 27  Ndien ami Daniel n̄kpa mba nnyụn̄ ndọn̄ọ ke ediwak usen.+ Ekem ndaha ke enyọn̄ nnam utom edidem;+ edi n̄kpọ oro n̄kokụtde osụk ananam mi ndịk, edi baba owo kiet ifiọkke n̄kpọ emi.+

Mme Ikọ Idakisọn̄