Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Daniel 7;1-28

7  Ke akpa isua Belshazzar+ edidem Babylon, Daniel adaba ndap onyụn̄ okụt n̄kukụt ke bed esie.+ Ndien enye ewet ndap oro enịm.+ Enye onyụn̄ obụk ofụri n̄kpọ oro.  Daniel ọdọhọ ete: “N̄kụt ke n̄kukụt mi ke okoneyo, ndien, sese! ofụm mbinan̄+ ke ikpaenyọn̄ ẹtịmede akwa inyan̄.+  Ndien ikpọ unam inan̄+ ẹwọn̄ọ ke inyan̄+ ẹdọk ẹdi, kiet okpụhọde+ ye eken.  “Akpa unam ekebiet ekpe,+ enye onyụn̄ enyene mba ntrukpom.+ N̄kụt tutu ẹsịbe mba esie, ẹnyụn̄ ẹmenede enye ẹkpọn̄ isọn̄+ ẹnam adada ke ukot esie mbiba nte owo, ẹnyụn̄ ẹnọ enye esịt owo.+  “N̄kụt, ndien sese! unam efen, ọyọhọ iba, emi ebietde bear.+ Ndien ẹmenede enye ke n̄kan̄ kiet,+ ọkpọn̄kan̄ ita ẹnyụn̄ ẹdu enye ke inua ke ufọt edet esie; ndien mmọ ẹdọhọ enye ẹte, ‘Daha ke enyọn̄, ta ediwak unam.’+  “Ke emi ama ekebe, n̄kụt, ndien, sese! unam efen, emi ebietde anawụri ekpe,+ edi enye enyene mba inan̄ ke edem esie emi ebietde edibotn̄kpọ eke efede. Unam oro onyụn̄ enyene ibuot inan̄,+ ndien ẹnọ enye ukara.  “Ke emi ama ekebe, n̄kụt ke n̄kukụt okoneyo, ndien, sese! ọyọhọ unam inan̄, enyene uten̄e onyụn̄ enyene ndịk onyụn̄ okop odudu etieti.+ Ndien enye enyene ikpọ edet ukwak. Enye ata onyụn̄ anuak, onyụn̄ edịghi se isụhọde ke ikpat. Enye onyụn̄ okpụhọde ye kpukpru unam eken emi ẹkedude mbemiso enye, onyụn̄ enyene nnụk duop.+  Nsụk nse mme nnụk oro, ndien, sese! ekpri nnụk+ efen etịbe ke ufọt mmọ, ẹma ẹnyụn̄ ẹbụn̄ nnụk ita ke otu nnụk oro ẹkedude mbemiso enye. Ndien, sese! enyịn eke ẹbietde enyịn owo ẹdu ke nnụk emi, ye inua eke etịn̄de ikpọ n̄kpọ.+  “N̄kụt tutu ẹdiọk ebekpo+ ndien Andisọn̄ọ Usen+ osụhọde etie. Edisịnen̄kpọ esie afia nte snow,+ idet ibuot esie onyụn̄ etie nte afia idet erọn̄.+ Ebekpo esie edi edemeikan̄;+ mme wheel esie ẹdi ikan̄ eke asakde.+ 10  Ikan̄ oto enye ke iso ewet nte akpa mmọn̄.+ Tọsịn ke itie tọsịn ẹnam n̄kpọ ẹnọ enye,+ tọsịn duop ke itie tọsịn duop ẹnyụn̄ ẹda enye ke iso.+ Esop+ odụk, ndien ẹkụbọde mme n̄wed. 11  “Mma nse ke ini oro ke ntak uyom ikpọ ikọ emi nnụk oro etịn̄de;+ nse tutu ẹwot unam oro ẹnyụn̄ ẹsobo okpo esie ẹnyụn̄ ẹsịn enye ke ikan̄ eke asakde.+ 12  Edi amaedi mme unam eken,+ ẹma ẹbọ mmọ ukara mmọ, ẹnyụn̄ ẹyak uwem mmọ ebịghi ke ini kiet ye eyo kiet.+ 13  “N̄kụt ke n̄kukụt okoneyo, ndien, sese! owo eke ebietde eyen owo+ asan̄a ke obubịt enyọn̄+ edi; ẹnyụn̄ ẹyak enye ebe ekesịm Andisọn̄ọ Usen,+ ndien mmọ ẹda enye ẹdọk ẹdi ke iso Esie.+ 14  Ndien ẹnọ enye ukara+ ye itie ukpono+ ye obio ubọn̄,+ ẹte kpukpru owo ye mme idụt ye usem ẹnam n̄kpọ ẹnọ enye.+ Ukara esie edi nsinsi ukara emi mîdibehe ifep, obio ubọn̄ esie onyụn̄ edi obio ubọn̄ oro owo mîdisoboke.+ 15  “Ndien esịt etịmede mi Daniel aban̄a n̄kpọ emi, n̄kukụt emi n̄kokụtde ẹnyụn̄ ẹnam mi ndịk.+ 16  Ndien nsan̄a n̄kpere owo kiet ke otu mmọ oro ẹdade do, man n̄kpobụp enye mbụk akpanikọ emi aban̄ade ofụri n̄kpọ emi.+ Ndien enye asian mi onyụn̄ anam mi mfiọk se mme n̄kpọ emi ẹdiwọrọde, ete, 17  “‘Amaedi ikpọ unam oro, sia mmọ ẹdide inan̄,+ ndidem inan̄ ẹyedaha ẹda ke isọn̄.+ 18  Edi ndisana ikọt+ N̄kon̄n̄kan Abasi+ ẹyebọ obio ubọn̄,+ ndien mmọ ẹyeda obio ubọn̄ ẹnyene ke nsinsi nsinsi.’ 19  “Ekem nyom nditịm mfiọk n̄kpọ mban̄a ọyọhọ unam inan̄ oro, emi okpụhọrede ye kpukpru mme unam eken, onyụn̄ enyenede uten̄e etieti, emi edet esie ẹdide ukwak, mbara esie ẹnyụn̄ ẹdide okpoho, emi atade onyụn̄ anuakde onyụn̄ edịghide se isụhọde ke ikpat;+ 20  ye nnụk duop oro ẹtịbede ke ibuot esie,+ ye nnụk enye eken emi eketịbede,+ emi ita ẹkeduọn̄ọde ke iso esie,+ kpa nnụk oro ekenyenede enyịn ye inua eke etịn̄de ikpọ n̄kpọ+ onyụn̄ okponde akan eke mme nsan̄a esie. 21  “Mma nse ke ini emi nnụk oro an̄wanade ekọn̄ ye ndisana ikọt Abasi, onyụn̄ akande mmọ,+ 22  tutu Andisọn̄ọ Usen+ edi, ẹnyụn̄ ẹnam ikpe etebe ndisana ikọt N̄kon̄n̄kan Abasi,+ ndien ke edikem ini esịmde ndisana ikọt emi ẹda obio ubọn̄ ẹnyene.+ 23  “Ntem ke enye ọdọhọ ete, ‘Amaedi ọyọhọ unam inan̄ oro, ọyọhọ obio ubọn̄ inan̄ oyodu ke isọn̄, emi edikpụhọrede ye kpukpru mme obio ubọn̄ eken; ndien enye ayata onyụn̄ edịghi onyụn̄ anuak ofụri isọn̄.+ 24  Ndien amaedi nnụk duop oro, ndidem duop ẹyedaha ẹda ke obio ubọn̄ oro;+ ndien efen ayadaha ada etiene mmọ edem, ndien enye oyokpụhọde ye mbon oro ẹkebemde iso,+ enye oyonyụn̄ esuene ndidem ita.+ 25  Ndien enye eyetịn̄ ikọ adian Ata Edikon̄,+ onyụn̄ ọdọdiọn̄ afịna ndisana ikọt N̄kon̄n̄kan Abasi.+ Enye oyonyụn̄ oyom ndikpụhọde mme ini+ ye ibet,+ ndien ẹyeyak mmọ ẹsịn enye ke ubọk ke ini kiet ye mme ini ye ubak ini.+ 26  Ndien Esop odụk,+ mmọ ẹnyụn̄ ẹbọ enye ukara esie ke akpatre, man ẹwot ẹnyụn̄ ẹsobo enye ofụri ofụri.+ 27  “‘Ndien ẹda obio ubọn̄ ye ukara ye itie ukpono mme obio ubọn̄ emi ẹdude ke idak ofụri enyọn̄ ẹnọ mbon oro ẹdide ndisana ikọt N̄kon̄n̄kan Abasi.+ Obio ubọn̄ mmọ edi obio ubọn̄ emi odude ke nsinsi,+ ndien kpukpru ukara ẹyenam n̄kpọ ẹnọ mmọ ẹnyụn̄ ẹkop uyo mmọ.’+ 28  “Utịt n̄kpọ oro edi emi. Amaedi ami, Daniel, se n̄kerede anam mi ndịk etieti, tutu iso okpụhọde mi; edi ami mmụm n̄kpọ emi n̄kama ke esịt mi.”+

Mme Ikọ Idakisọn̄