Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Daniel 6;1-28

6  Darius okụt ke ọfọn imọ ndinịm satrap ikie ye edịp ke obio ubọn̄ man mmọ ẹse ẹban̄a ofụri obio ubọn̄ oro;+  enye onyụn̄ enịm ikpọ owo ita, emi Daniel edide kiet ke otu mmọ,+ ete ẹse mmọ enyịn, man mme satrap+ emi ẹkpetịn̄ nte n̄kpọ etiede ẹnọ mmọ mbak edidem ẹdikụt ntakurua.+  Daniel emi ọwọrọ ada san̄asan̄a+ ke otu ikpọ owo ye mme satrap, koro enye ekenyenede n̄wọrọnda spirit;+ ndien edidem oyom ndimenede enye itie n̄kan kpukpru owo ke ofụri obio ubọn̄ oro.  Ke ini oro ikpọ owo ye mme satrap ẹdọdiọn̄ ẹyom n̄kpọ oro aban̄ade obio ubọn̄ ndida mmụm Daniel;+ edi mmọ ikwe n̄kpọ m̀mê idiọkido ndomokiet, koro enye ekedide owo akpanikọ, owo inyụn̄ ikwe nte enye etrede nditịn̄ enyịn ke utom m̀mê anamde idiọkido ndomokiet.+  Ntem irenowo emi ẹdọhọ ẹte: “Nnyịn idikwe n̄kpọ eke idade imụm Daniel emi, ibọhọke nnyịn iyom n̄kpọ ke ibet Abasi esie.”+  Ekem ikpọ owo emi ye mme satrap ẹbụn̄ọ ẹdụk ẹbịne edidem,+ ẹnyụn̄ ẹkedọhọ enye ẹte: “O Edidem Darius, yak itọn̄ uwem ọsọn̄ fi ke nsinsi.+  Kpukpru ikpọ owo obio ubọn̄ emi, mme etubom ye mme satrap, ikpọ mbọn̄ ye mme andikara, ẹdụk ediomi ndiwụk ewụhọ edidem+ nnyụn̄ nnam ẹnịm ibet, nte ke owo ekededi eke eben̄ede abasi m̀mê owo efen ekededi n̄kpọ ke usen edịp ye duop ke mîbọhọke afo, O edidem, ẹnyene nditop enye nsịn ke obube ekpe.+  Ntem, O edidem, sọn̄ọ ewụhọ emi nyụn̄ sịn ubọk ke n̄wed+ emi, mbak owo edikpụhọ enye, nte ibet mbon Media ye Persia+ edide, emi owo mîkemeke ndibiat mfep.”+  Ntem, Edidem Darius esịn ubọk ke n̄wed ye ke ibet oro.+ 10  Edi ke ndondo oro Daniel ọfiọkde ete ke ẹma ẹsịn ubọk ke n̄wed, enye odụk ufọk esie, mme window ubet enyọn̄ ufọk esie emi ẹsede Jerusalem+ ẹnyụn̄ ẹna in̄wan̄, enye onyụn̄ ọtọn̄ọ edọn̄ ọbọn̄ akam+ utịm ikata ke usen+ onyụn̄ otoro Abasi esie,+ kpa nte enye akam esinamde kpukpru ini mbemiso emi.+ 11  Ke ini oro mbon oro ẹbụn̄ọ ẹdụk ẹdikụt Daniel anamde eben̄e onyụn̄ ekpede Abasi esie ubọk.+ 12  Ekem mmọ ẹsan̄a ẹkpere ẹnyụn̄ ẹdidọhọ ke iso edidem ẹban̄a ibet edidem oro ẹte: “Nte afo ukusịnke ubọk ke ibet ute owo ekededi eke eben̄ede abasi m̀mê owo efen ekededi n̄kpọ ke usen edịp ye duop ke mîbọhọke afo, O edidem, yak ẹtop enye ẹsịn ke obube ekpe?”+ Edidem ọbọrọ onyụn̄ ọdọhọ ete: “Ẹtịm ẹsọn̄ọ ikọ oro nte ibet mbon Media ye Persia edide, emi owo mîkemeke ndibiat mfep.”+ 13  Kpa idahaoro mmọ ẹbọrọ ẹnyụn̄ ẹdọhọ ke iso edidem ẹte: “Daniel,+ emi edide kiet ke otu mbon ntan̄mfep Judah,+ ibatke fi ke baba n̄kpọ kiet, O edidem, inyụn̄ idọn̄ke enyịn ke ibet oro afo ekesịnde ubọk, edi enye ke ananam n̄kpeubọk esie utịm ikata ke usen.”+ 14  Mmọdo ke ndondo oro edidem okopde ikọ emi, n̄kpọ oro ọdiọk edidem esịt etieti,+ enye onyụn̄ esịn esịt ekere nte akpanyan̄ade Daniel;+ ndien enye osụk an̄wana oyom usụn̄ ndinyan̄a enye tutu esịm ini emi utịn osopde. 15  Ke akpatre irenowo emi ẹbụn̄ọ ẹdụk ẹbịne edidem, ẹnyụn̄ ẹdidọhọ edidem ẹte: “O edidem, fiọk ete ke ibet mbon Media ye Persia edi nte ke owo inyeneke ndikpụhọde ibet+ m̀mê ewụhọ ekededi oro edidem ama ọkọsọn̄ọ.”+ 16  Ntre edidem ọnọ uyo, ndien mmọ ẹmụm Daniel ẹketop ẹsịn ke obube ekpe.+ Edi edidem ọbọrọ onyụn̄ ọdọhọ Daniel ete: “Abasi fo emi afo anamde n̄kpọ esie kpukpru ini ayanyan̄a fi.”+ 17  Ndien ẹmen itiat ẹdikịbi ke inua obube oro, edidem onyụn̄ ada n̄kpanuen ufịk idiọn̄ọ esie ye n̄kpanuen ufịk idiọn̄ọ eke ikpọ owo esie efịk idiọn̄ọ, mbak owo edikpụhọde baba n̄kpọ kiet emi aban̄ade Daniel.+ 18  Ndien edidem afiak ọnyọn̄ ufọk ubọn̄ esiemmọ onyụn̄ eketre udia+ ofụri okoneyo oro, owo inyụn̄ idaha n̄kpọ ubre ikwọ idụk idi enye ke iso, enye inyụn̄ ikemeke ndide idap.+ 19  Ekem edidem adaha ke enyọn̄ ke usiere ke eyo ama akan̄wan̄a ọsọp aka obube ekpe. 20  Nte enye asan̄ade ekpere obube oro, enye ofiori ke uyo mbọm okot Daniel. Edidem onyụn̄ obụp Daniel ete: “O Daniel, asan̄autom odu-uwem Abasi, nte Abasi fo emi afo anamde n̄kpọ esie kpukpru ini+ emekeme ndinyan̄a fi nsio mme ekpe ke inua?”+ 21  Kpa idahaoro Daniel ọbọrọ edidem ete: “O edidem, yak itọn̄ uwem ọsọn̄ fi ke nsinsi. 22  Abasi mi+ ama ọdọn̄ angel+ esie edikịbi mme ekpe inua,+ ndien mmọ inamke mi n̄kpọ, koro mmenyeneke se nduede ke iso esie;+ n̄ko nnyụn̄ nnamke baba idiọkn̄kpọ kiet ke iso fo, O edidem.”+ 23  Ndien edidem adat esịt etieti,+ onyụn̄ ọnọ uyo ete ẹkot Daniel ẹsio ke obube. Ndien ẹkot Daniel ẹsio ke obube, owo inyụn̄ ikwe enye baba nde unan kiet ke idem, koro enye ọbuọtde idem ye Abasi esie.+ 24  Ndien edidem ọnọ uyo, ndien ẹda mbon oro ẹkedoride Daniel ikọ+ ẹdi, ẹnyụn̄ ẹtop mmọ ye nditọiren mmọ ye iban mmọ ẹdọn̄ ke obube ekpe;+ ndien mmọ ikakam isịmke kan̄a isọn̄ obube ke mme ekpe ẹwaide mmọ, ẹnyụn̄ ẹnuakde kpukpru ọkpọ mmọ.+ 25  Do ndien edidem Darius ewet n̄wed ọnọ ẹsọk mme owo ke kpukpru mme idụt ye usem emi ẹdụn̄de ke ofụri isọn̄,+ ete: “Emem mbufo akpakam ọdọdiọn̄ okpon!+ 26  Mmowụk ewụhọ+ nte, ke ofụri ikpehe ukara obio ubọn̄ mi, yak mme owo ẹnyek ẹnyụn̄ ẹbak Abasi Daniel.+ Koro enye edide odu-uwem Abasi ye Enye emi odude ke nsinsi,+ obio ubọn̄ esie+ edi obio ubọn̄ eke owo mîdisoboke,+ ukara esie onyụn̄ odu ke nsinsi.+ 27  Enye afak onyụn̄ anyan̄a+ ikọt esie onyụn̄ anam mme idiọn̄ọ ye mme utịben̄kpọ ke enyọn̄+ ye ke isọn̄,+ koro enye anyan̄ade Daniel osio mme ekpe ke ubọk.” 28  Ndien amaedi Daniel emi, enye oforo ke obio ubọn̄ Darius+ ye ke obio ubọn̄ Cyrus owo Persia.+

Mme Ikọ Idakisọn̄