Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Daniel 5;1-31

5  Ndien Edidem Belshazzar+ anam akwa usọrọ ọnọ tọsịn ikpọ owo ukara esie, onyụn̄ etie ke iso tọsịn owo oro ọn̄wọn̄ wine.+  Ke enyịn mmịn,+ Belshazzar ọdọhọ ẹkeda mme n̄kpoduoho gold ye eke silver+ emi Nebuchadnezzar ete* esie akatan̄de ke temple emi okodude ke Jerusalem ẹdi, man edidem ye ikpọ owo ukara esie ye ibanesa esie ye mme udiana iban esie ẹkpeda ẹn̄wọn̄ n̄kpọ.+  Ndien mmọ ẹda mme n̄kpoduoho gold oro mmọ ẹketan̄de ke temple ufọk Abasi oro okodude ke Jerusalem ẹdi, ndien edidem ye ikpọ owo ukara esie ye ibanesa esie ye mme udiana iban esie ẹda mmọ ẹn̄wọn̄ n̄kpọ.  Mmọ ẹn̄wọn̄ wine, ẹnyụn̄ ẹtoro mme abasi gold ye eke silver ye eke okpoho ye eke ukwak ye eke eto ye eke itiat.+  Kpa idaha oro nnuenubọk owo ọwọrọ ediwet n̄kpọ ke ibibene ufọk ubọn̄ edidem+ emi ẹyọn̄ọde ke iso itie uwụk utuenikan̄, ndien edidem okụt edem ubọk oro ewetde n̄kpọ.  Ndien iso edidem okpụhọde, se enye ekerede onyụn̄ anam enye ndịk,+ ikek isịn esie emem,+ edọn̄ esie ẹnyụn̄ ẹtuaha ye kiet eken.+  Edidem ofiori ete ẹda mme ọkọk-ibọk ye mme Chaldean ye mme asiak ntantaọfiọn̄+ ẹdi. Edidem ọbọrọ onyụn̄ ọdọhọ mbon ọniọn̄ Babylon ete: “Owo ekededi eke edikotde se ẹwetde emi, edinyụn̄ asiande mi se enye ọwọrọde, ẹyesịne enye ọfọn̄ uduot mmọn̄ibọn̄+ ẹnyụn̄ ẹkọn̄ọ enye n̄kpọitọn̄ gold ke itọn̄, enye oyonyụn̄ akara nte ọyọhọ owo ita ke obio ubọn̄ emi.”+  Ndien kpukpru mbon ọniọn̄ edidem ẹdụk ẹdi, edi mmọ ikemeke ndikot se ẹwetde m̀mê ndisian edidem se enye ọwọrọde.+  Mmọdo ndịk anam Edidem Belshazzar ata etieti, iso esie onyụn̄ okpụhọde; ekikere onyụn̄ etịmede ikpọ owo ukara esie.+ 10  Uyo edidem ye eke ikpọ owo ukara esie esịn ọbọn̄ an̄wan odụk edi ubet usọrọ oro. Ọbọn̄ an̄wan oro ọbọrọ onyụn̄ ọdọhọ ete: “O edidem, yak itọn̄ uwem ọsọn̄ fi ke nsinsi.+ Kûyak se afo ekerede anam fi ndịk, kûnyụn̄ uyak iso okpụhọde fi. 11  Odu eren kiet ke obio ubọn̄ fo emi enyenede ukeme, spirit ndisana abasi onyụn̄ odude enye ke idem;+ ke eyo ete* fo, ẹma ẹkụt ke enye enyene un̄wana ye ikike ye ọniọn̄ eke ebietde ọniọn̄ mme abasi, ndien, Edidem Nebuchadnezzar ete fo ama emenede enye itie nte etubom+ mme oku mfọni ye mme ọkọk-ibọk ye mme Chaldean ye mme asiak ntantaọfiọn̄, O edidem; 12  koro ẹma ẹkụt ke Daniel, emi edidem okosiode enye enyịn̄ Belteshazzar,+ enyene n̄wọrọnda spirit ye ifiọk ye ikike ndisiak ndap+ nnyụn̄ n̄kabade n̄ke nnyụn̄ ntat n̄kpọsọn̄ ikọ.+ Ntre yak ẹkot Daniel edi, man enye editịn̄ se ikọ emi ọwọrọde.” 13  Ekem ẹda Daniel ẹdi ke iso edidem. Ndien edidem ọbọrọ onyụn̄ ọdọhọ Daniel ete: “Ndi afo edi Daniel emi edide kiet ke otu mbon ntan̄mfep Judah,+ emi ete mi, edidem, akadade ke Judah edi?+ 14  Mmokop n̄ko mban̄a fi nte ke spirit mme abasi odu fi ke idem,+ ye nte ke ẹmekụt ke afo emenyene un̄wana ye ikike ye n̄wọrọnda ọniọn̄.+ 15  Ndien, sese, ẹmeda mbon ọniọn̄ ye mme ọkọk-ibọk ẹdi ke iso mi, ẹte mmọ ẹkot se ẹwetde emi, ẹnyụn̄ ẹsian mi se enye ọwọrọde; edi mmọ ikemeke nditịn̄ se ikọ emi ọwọrọde.+ 16  Ndien mmokop mban̄a fi nte ke afo emekeme nditịn̄ se n̄kpọ ọwọrọde+ onyụn̄ ekeme nditat n̄kpọsọn̄ ikọ. Ntem edieke afo ekemede ndikot se ẹwetde emi nnyụn̄ nsian mi se enye ọwọrọde, ẹyesịne fi ọfọn̄ uduot mmọn̄ibọn̄ ẹnyụn̄ ẹkọn̄ọ fi n̄kpọitọn̄ gold ke itọn̄, afo oyonyụn̄ akara nte ọyọhọ owo ita ke obio ubọn̄ emi.”+ 17  Ndien Daniel ọbọrọ onyụn̄ ọdọhọ edidem ete: “Nịm enọ fo nọ idemfo, nyụn̄ da enọ fo nọ mbio en̄wen.+ Edi nyokot se ẹwetde emi nnọ edidem, nyonyụn̄ nnam enye ọdiọn̄ọ se n̄kpọ emi ọwọrọde.+ 18  Amaedi afo, O edidem, Ata Edikon̄ Abasi+ ama ọnọ Nebuchadnezzar ete fo+ obio ubọn̄ ye ubom ye uku ye uten̄e.+ 19  Ndien ke ntak oro Enye akanamde enye okpon, kpukpru obio ye idụt ye usem ẹma ẹnyek idem ẹnyụn̄ ẹdịghe ke iso esie.+ Enye ama owot owo eke enye oyomde ndiwot; osobo owo eke enye oyomde ndisobo; emenede owo eke enye oyomde ndimenede itie; onyụn̄ osụhọde owo eke enye oyomde ndisụhọde itie.+ 20  Edi ke ini esịt esie eseride iseri, spirit esie onyụn̄ akabarede ọsọn̄, enye anam n̄kpọ ke iseri,+ ndien ẹdorode enye ẹfep ke ebekpo ubọn̄ esie, ẹnyụn̄ ẹbọ enye uku esie.+ 21  Ndien ẹbịn enye ẹsio ke otu ubonowo, ẹnyụn̄ ẹnam esịt esie etie nte eke unam, enye onyụn̄ odụn̄ ye mme ass ikọt.+ Mmọ ẹnọ enye mbiet ata nte enan̄, mbara enyọn̄ onyụn̄ ebịt enye idem,+ tutu enye edifiọk ete ke Ata Edikon̄ Abasi edi Andikara ke obio ubọn̄ ubonowo, onyụn̄ emen owo eke enye amade odori.+ 22  “Edi afo Belshazzar,+ eyen* esie, usụhọkede esịt fo,+ kpa ye oro ọfiọkde kpukpru emi.+ 23  Edi afo emenede idem an̄wana ye Ọbọn̄ enyọn̄,+ mmọ ẹnyụn̄ ẹda mme n̄kpoduoho ufọk esie ẹdi ke iso fo;+ ndien afo ye ikpọ owo ukara fo ye ibanesa fo ye mme udiana iban fo ẹda mmọ ẹn̄wọn̄ wine, ndien afo otoro mme abasi silver ye eke gold ye eke okpoho ye eke ukwak ye eke eto ye eke itiat,+ emi mîkwe n̄kpọ mînyụn̄ ikopke n̄kpọ mînyụn̄ ifiọkke n̄kpọ ndomokiet;+ edi afo unyụn̄ ukponoke+ Abasi emi ibifịk uwem fo+ ye kpukpru usụn̄ fo ẹsịnede enye ke ubọk.+ 24  Mmọdo enye ọdọn̄ ubọk emi ediwet n̄kpọ emi.+ 25  Ndien se ẹwetde edi emi: MENE, MENE, TEKEL ye PARSIN. 26  “Se ikọ emi ọwọrọde edi emi: MENE, Abasi amabat mme usen obio ubọn̄ fo onyụn̄ anam enye okụre.+ 27  “TEKEL, ẹmedomo fi ke udomon̄kpọ ẹnyụn̄ ẹkụt ke afo ukemke.+ 28  “PERES, ẹmebahade obio ubọn̄ fo ẹmen ẹnọ mbon Media ye Persia.”+ 29  Ke ini oro Belshazzar ọnọ uyo, ndien ẹda ọfọn̄ uduot mmọn̄ibọn̄ ẹdisịne Daniel ẹnyụn̄ ẹkọn̄ọ enye n̄kpọitọn̄ gold ke itọn̄; ndien mmọ ẹtan̄a ẹte ke enye akabade edi ọyọhọ andikara ita ke obio ubọn̄.+ 30  Kpa ke okoneyo oro ẹwot Belshazzar edidem Chaldea+ 31  ndien Darius+ owo Media emi ekedide n̄kpọ nte isua ata ye iba ke emana ọbọ obio ubọn̄ oro ada.

Mme Ikọ Idakisọn̄

M̀mê, “ete ete.”
M̀mê, “ete ete.”
M̀mê, “eyeyen.”