Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Daniel 10;1-21

10  Ke ọyọhọ isua ita emi Cyrus+ edidem Persia akarade, ẹma ẹyarade n̄kpọ ẹnọ Daniel, emi ekekerede Belteshazzar;+ ndien n̄kpọ emi ekedi akpanikọ, onyụn̄ abuana akwa ekọn̄.+ Ndien n̄kpọ emi ama an̄wan̄a enye, enye ama onyụn̄ ọfiọk se enye okokụtde.+  Ke mme usen oro, ami Daniel mma mfụhọ+ ke ofụri urua ita.  N̄kataha edinem uyo, unam m̀mê wine ndomokiet ikonyụn̄ idụkke mi inua, n̄konyụn̄ mfiọn̄ọke aran ke idem tutu ofụri urua ita oro ẹkụre.+  Ndien edikem ke ọyọhọ usen edịp ye inan̄ ke akpa ọfiọn̄, ke adan̄aemi ndude ke mben akwa akpa, oro edi, Hiddekel,+  mma mmenede enyịn n̄kụt, ndien sese eren kiet esịne linen,+ onyụn̄ ọbọbọ+ gold Uphaz+ ke isịn.  Ndien idem esie etie nte chrysolite,+ iso esie ebiet emịnen̄mịnen̄,+ enyịn esie onyụn̄ ebiet nsadan̄ ikan̄ eke asakde,+ ubọk esie ye ukot esie ẹbiet okpoho+ eke esemde, uyo ikọ esie onyụn̄ ebiet uyom otuowo.  Ndien ami Daniel ikpọn̄ n̄kokụt n̄kukụt oro; edi mbon oro ẹkedude ye ami ikekwe.+ Edi idem ama enyek mmọ etieti tutu mmọ ẹfen̄e ẹkedịbe.  Ndien ami ikpọn̄ n̄kosụhọ nnyụn̄ n̄kụt akamba n̄kukụt emi. Ndien odudu okụre mi ke idem, uyai mi onyụn̄ akpa mmọn̄, odudu inyụn̄ idụhe mi aba ke idem.+  Ndien n̄kop uyo ikọ esie; ndien ke adan̄aemi nsụk n̄kopde uyo ikọ esie, n̄kịbi iso ke isọn̄+ nde ọkpọsọn̄ idap.+ 10  Ndien sese! ubọk otụk mi,+ onyụn̄ enyen̄e mi anam ndaha n̄wụk edọn̄ ye ekaubọk ke isọn̄. 11  Ndien enye ọdọhọ mi ete: “O Daniel, afo emi ẹmade etieti,+ fiọk se ikọ emi ntịn̄de nnọ fi ọwọrọde,+ nyụn̄ daha dada ke ebiet emi afo akadade, koro ẹdọn̄de mi ke emi ntiene fi.” Ndien ke ini enye etịn̄de ikọ emi ye ami, ami ndaha nda, idem onyụn̄ enyek mi. 12  Ndien enye ọdọhọ mi ete: “Kûfehe ndịk,+ O Daniel, koro ọtọn̄ọde ke akpa usen emi afo eketịmde esịt fo man ọfiọk n̄kpọ,+ okonyụn̄ osụhọrede idem ke iso Abasi fo,+ ẹma ẹkop ikọ fo, ndien ami mmedi ke ntak ikọ fo oro.+ 13  Edi ọbọn̄+ obio ukara Persia+ ama ọbiọn̄ọ+ mi ke usen edịp ye kiet, ndien sese! Michael,+ kiet ke otu mme ebeiso mbọn̄,+ ekedi edin̄wam mi; ndien ami nsụk nda do ke n̄kan̄ ndidem Persia.+ 14  Ndien mmedi ndinam fi ọfiọk se idiwọrọde inọ orụk+ fo ke mme akpatre usen,+ koro emi edi n̄kukụt+ emi anade kan̄a ọnọ mme usen emi ẹdide ke iso.”+ 15  Edikem ke ini enye etịn̄de orụk ikọ ntem ye ami, n̄kịbi iso ke isọn̄+ nnyụn̄ n̄kemeke nditịn̄ ikọ. 16  Ndien, sese! owo emi ebietde nditọ owo otụk mi n̄kpọkinua,+ ndien ami ntọn̄ọ nditat inua ntịn̄ ikọ+ nnyụn̄ ndọhọ owo oro akadade mi ke iso nte: “O ọbọn̄ mi,+ n̄kukụt oro n̄kụtde esịn idem enyek mi tutu nnyeneke aba odudu.+ 17  Ntre asan̄autom ọbọn̄ mi emi ekekeme didie nditịn̄ ikọ ye ọbọn̄ mi emi?+ Ndien amaedi ami, tutu esịm emi odudu idụhe mi ke idem, ibifịk ndomokiet inyụn̄ isụhọke mi ke idem.”+ 18  Ndien enye emi ebietde owo ọtọn̄ọ ntak otụk mi onyụn̄ ọsọn̄ọ mi idem.+ 19  Ekem enye ọdọhọ ete: “Kûfehe ndịk,+ O owo emi ẹmade etieti.+ Afo akpakam enyene emem.+ Kop odudu, ih, kop odudu.”+ Ndien ke ndondo oro enye etịn̄de ikọ ye ami, n̄n̄wana nsọn̄ idem nnyụn̄ ndọhọ ke akpatre nte: “Yak ọbọn̄ mi etịn̄ ikọ,+ koro afo ọmọsọn̄ọ mi idem.”+ 20  Ntre enye ọdọhọ ete: “Nte afo emetịm ọfiọk ntak emi n̄kedide ke ọtọ fo? Ndien ke emi mmọn̄ mfiak n̄ka n̄kan̄wana ye ọbọn̄ Persia.+ Mma ndaha, sese! ọbọn̄ Greece n̄ko ke edi.+ 21  Edi nyasian fi mme n̄kpọ oro ẹwetde ke n̄wed akpanikọ,+ ndien idụhe owo oro ọsọn̄ọde ada ye ami ke mme n̄kpọ emi ke mîbọhọke Michael,+ ọbọn̄ mbufo.+

Mme Ikọ Idakisọn̄