Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Daniel 1;1-21

1  Ke ọyọhọ isua ita tọn̄ọ nte Jehoiakim+ edidem Judah akada ubọn̄, Nebuchadnezzar edidem Babylon edi Jerusalem edikan enye okụk.+  Ekem Jehovah ayak Jehoiakim edidem Judah+ ye ubak n̄kpoduoho+ ufọk ata Abasi esịn enye ke ubọk, ndien enye ada mmọ ọnyọn̄ isọn̄ Shinar+ ke ufọk abasi esie; enye onyụn̄ ada n̄kpoduoho oro edibon ke ufọk ubon n̄kpọuto abasi esie.+  Ekem edidem ọdọhọ Ashpenaz etubom mme adaidaha ke okụre+ esie ete ada ndusụk nditọ Israel ye nditọ edidem ye nditọ mbọn̄+ edi,  nditọwọn̄ eke mîbiomoke baba ndo+ kiet, edi ẹyede idem ẹnyụn̄ ẹnyenede ikike ke kpukpru orụk ọniọn̄+ ẹnyụn̄ ẹnyenede ifiọk ẹnyụn̄ ẹnyenede mbufiọk ke se ẹdiọn̄ọde,+ eke ẹnyụn̄ ẹnyenede ukeme ndida ke ufọk ubọn̄ edidem;+ eke ẹdinyụn̄ ẹkpepde mmọ n̄wed ye usem mbon Chaldea.  N̄ko-n̄ko, edidem eteme ete kpukpru usen yak ẹnọ mmọ udeme udia mmọ ke otu ndunịm udia+ edidem ye wine emi enye ọn̄wọn̄de, ẹnyụn̄ ẹbọk mmọ ke isua ita, man ke adan̄aemi isua ita ẹbede, mmọ ẹkpeda ke iso edidem.  Ndien ndusụk nditọ Judah, Daniel+ ye Hananiah ye Mishael ye Azariah+ ẹdu ke otu mmọ.  Ndien etubom mme adaidaha ke okụre osio mmọ enyịn̄.+ Ntre enye osio Daniel enyịn̄ Belteshazzar;+ onyụn̄ osio Hananiah, Shadrach; onyụn̄ osio Mishael, Meshach; onyụn̄ osio Azariah, Abednego.+  Edi Daniel ebiere ke esịt esie ete imọ idisabakede+ idem ke ndunịm udia edidem ye ke wine emi enye ọn̄wọn̄de. Enye onyụn̄ eben̄e etubom mme adaidaha ke okụre ete okûnam imọ isabade idem.+  Ndien ata Abasi anam etubom mme adaidaha ke okụre owụt Daniel ima-mfọnido onyụn̄ atua enye mbọm.+ 10  Ntre etubom mme adaidaha ke okụre ọdọhọ Daniel ete: “Ami mfehe ọbọn̄ mi edidem, emi eketemede ete ẹnọ mbufo se ẹdiade ye se ẹn̄wọn̄de.+ Enye edinam didie okụt nte iso mbufo mîyamake nte eke nditọwọn̄ emi ẹdide ubọkn̄ka mbufo? Mbufo ẹdinyụn̄ ẹnam didie ẹnam mi nnyene ubiomikpe ke iso edidem?” 11  Edi Daniel ọdọhọ andikpeme emi etubom mme adaidaha ke okụre+ ekemekde ete ese Daniel ye Hananiah ye Mishael ye Azariah ete: 12  “Mbọk, kam domo nnyịn mme asan̄autom fo ke usen duop se, yak mmọ ẹnyụn̄ ẹnọ nnyịn mbun̄wụm+ in̄wan̄ idia ye mmọn̄ in̄wọn̄; 13  ndien ekem se iso nnyịn ye iso nditọwọn̄ oro ẹdiade ndunịm udia edidem, nyụn̄ nam ye nnyịn mme asan̄autom fo nte ekemde ye se afo okụtde.” 14  Ke akpatre enye okop uyo mmọ ke n̄kpọ emi onyụn̄ odomo mmọ ke usen duop ese. 15  Ndien ke utịt usen duop mmọ ẹye iso ẹnyụn̄ ẹsehe ẹkan kpukpru nditọwọn̄ oro ẹdiade ndunịm udia edidem.+ 16  Ntre andikpeme esimen udia mmọ ye wine eke mmọ ẹkpen̄wọn̄de efep onyụn̄ ọnọ mmọ mbun̄wụm+ in̄wan̄. 17  Ndien amaedi nditọwọn̄ mbinan̄ emi, ata Abasi ama ọnọ mmọ ifiọk ye ikike ke kpukpru orụk n̄wed ye ọniọn̄;+ Daniel onyụn̄ ọfiọk kpukpru orụk n̄kukụt ye ndap.+ 18  Edikem ke utịt ini emi edidem ọkọdọhọde ẹda mmọ ẹdi,+ etubom mme adaidaha ke okụre ada mmọ edi ke iso Nebuchadnezzar. 19  Ndien edidem eneme nneme ye mmọ, baba owo kiet eke ebietde Daniel ye Hananiah ye Mishael ye Azariah+ inyụn̄ idụhe ke otu kpukpru mmọ; ndien mmọ ẹda ke iso edidem.+ 20  Ndien ke kpukpru n̄kpọ emi ẹban̄ade ọniọn̄ ye ifiọk+ emi edidem obụpde mmọ, enye okụt ke mmọ ẹkam ẹfọn utịm ikoduop ẹkan kpukpru mme oku mfọni+ ye mme ọkọk-ibọk+ eke ẹdude ke ofụri obio ubọn̄ esie. 21  Ndien Daniel odu do tutu esịm akpa isua ubọn̄ Edidem Cyrus.+

Mme Ikọ Idakisọn̄