Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Colossae 4;1-18

4  Mbufo mme eteufọk, ẹka iso ẹnam se inende ye se ifọnde ye ifịn mbufo,+ sia ẹfiọkde ẹte mbufo n̄ko ẹmenyene Eteufọk ke heaven.+  Ẹkọbọ ke akam,+ ẹtaba idap ẹnam emi ẹnyụn̄ ẹnọ ekọm,+  ẹnyụn̄ ẹbọn̄ akam ẹban̄a nnyịn n̄ko,+ man Abasi ekpeberede usụn̄+ ọnọ nnyịn nditịn̄ ikọ, man itịn̄ edisana ndịben̄kpọ+ emi aban̄ade Christ, emi ami ndude ke n̄kpọkọbi+ mban̄a;  man nyarade enye nte odotde mi nditịn̄.+  Ẹka iso ẹsan̄a ke ọniọn̄ ye mbon an̄wa,+ ẹdedep ifet.+  Ẹyak ikọ mbufo enyene inem+ kpukpru ini, nte n̄kpọ eke ẹsịnde inụn̄,+ man mbufo ẹfiọk nte ẹkpenọde owo kiet kiet ibọrọ.+  Tychicus,+ edima eyenete mi ye anam-akpanikọ nsan̄autom ye ekemmọ ofụn ke Ọbọn̄ ayanam mbufo ẹfiọk kpukpru se iban̄ade mi.  Sia nyomde mbufo ẹfiọk nte n̄kpọ etiede ye nnyịn, nnyụn̄ nyomde enye ọdọn̄ mbufo esịt,+ mmọdọn̄ enye edi ebịne mbufo  asan̄a ye Onesimus,+ anam-akpanikọ ye edima eyenete mi, emi otode ke otu mbufo. Mmọ ẹyenam mbufo ẹfiọk kpukpru n̄kpọ oro ẹtịbede mi. 10  Aristarchus+ nsan̄a mi ke n̄kpọkọbi ete n̄kọm mbufo, ntre n̄ko ye Mark+ eyen eyeneka ete Barnabas, (emi ẹkenọde mbufo uyo ẹte ẹdara+ enye edieke enye edide ke ọtọ mbufo,) 11  ye Jesus emi ẹkotde Justus, mmọ emi ẹto ke otu mme ana mbobi. Mmọ emi kpọt ẹdi nsan̄a mi ke utom obio ubọn̄ Abasi, ndien mmọ ẹmekabade ẹdi mme andin̄wam emi ẹsọn̄ọde mi idem. 12  Epaphras,+ emi otode ke otu mbufo, kpa ofụn Christ Jesus, ete n̄kọm mbufo, enye esịn idem ọbọn̄ akam kpukpru ini aban̄a mbufo, man ke akpatre mbufo ẹkpekọri ẹsịm ọyọhọ idaha+ ẹnyụn̄ ẹtịm ẹfiọk ofụri uduak Abasi. 13  Ke akpanikọ mmetie ntiense mban̄a enye nte ke enye akpa utom ke ibuot mbufo ye ke ibuot mmọ oro ẹdude ke Laodicea+ ye ke ibuot mmọ oro ẹdude ke Hierapolis. 14  Luke+ edima abiausọbọ ye Demas+ ẹte n̄kọm mbufo. 15  Ẹkọm nditọete emi ẹdude ke Laodicea ẹnyụn̄ ẹkọm Nympha ye esop emi odude ke ufọk+ esie. 16  Ndien ke ẹma ẹkekot leta emi ke otu mbufo, ẹdiomi man ẹkpekot+ enye ke esop Laodicea n̄ko, ndien mbufo ẹnyụn̄ ẹkot enye emi otode Laodicea. 17  N̄ko, ẹdọhọ Archippus+ ẹte: “Tịn̄ enyịn ke utom emi afo ọkọbọde ke Ọbọn̄, man anam enye ama.” 18  Ami Paul nda ubọk mi n̄wet ekọm emi.+ Ẹka iso ẹti n̄kpọkọbi mi.+ Mfọnido oro owo mîdotke akpakam odu ye mbufo.

Mme Ikọ Idakisọn̄