Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Colossae 3;1-25

3  Nte ededi, edieke ẹkenamde mbufo ẹset+ ye Christ, ẹka iso ẹyom mme n̄kpọ enyọn̄,+ ke ebiet emi Christ etiede ke ubọk nnasia Abasi.+  Ẹwụk ekikere mbufo ke mme n̄kpọ enyọn̄,+ ẹkûwụk ke mme n̄kpọ isọn̄.+  Koro mbufo ẹma ẹkpan̄a,+ uwem+ mbufo omonyụn̄ edịbe ye Christ nte mbon oro ẹbuanade n̄kpọ+ ye Abasi.  Ke ini ẹdiyararede Christ, kpa uwem+ nnyịn, adan̄aoro ẹyeyarade+ mbufo n̄ko ye enye ke ubọn̄.+  Ke ntre, ẹwot+ mme ndido+ idem mbufo emi ẹdude ke isọn̄ man ẹtre use, mbubiam ido, ọkpọsọn̄ udọn̄ idan̄,+ idiọk udọn̄, ye edisịn esịt ke n̄kpọ owo,+ emi edide ukpono ndem.  Ke ntak mme n̄kpọ emi iyatesịt Abasi ke edi.+  Mbufo, n̄ko, ẹkesan̄a ini kiet ko ke mme n̄kpọ emi ke ini mbufo ẹkedude uwem ke mmọ.+  Edi ke emi ẹkam ẹsion̄o kpukpru mmọ ke idem mbufo ẹfep+—iyatesịt ye ifụtesịt ye idiọkn̄kpọ ye isụn̄i,+ ẹkûnyụn̄ ẹyak mbubiam ikọ+ ọwọrọ mbufo ke inua.  Ẹkûsu nsu ẹnọ kiet eken.+ Ẹsio akani owo+ ye mme edinam esie ẹduọk, 10  ẹnyụn̄ ẹmen obufa+ owo ẹsịne, emi ẹdade nnennen ifiọk ẹnam ọdọdiọn̄ edi obufa man ekekem ye mbiet+ Enye emi okobotde enye, 11  emi Greek* m̀mê Jew, edina mbobi m̀mê unana edina mbobi, esenowo m̀mê owo Scythia m̀mê ofụn m̀mê amanaisọn̄+ mîdụhe ke enye, edi Christ edi kpukpru n̄kpọ onyụn̄ odu ke kpukpru owo.+ 12  Ntem, nte ndimek ikọt Abasi,+ emi ẹsanade ẹnyụn̄ ẹmade, ẹmen esịt ima emi asan̄ade ye mbọm ẹsịne+ ọkọrọ ye mfọnido ye nsụhọdeidem+ ye ifụre ifụre ido+ ye anyanime.+ 13  Ẹka iso ẹyọ kiet eken ẹnyụn̄ ẹfen kiet eken ke ofụri esịt+ edieke owo ekededi enyenede ntak nditọhọ+ ye owo. Kpa nte Jehovah ekefende+ mbufo ke ofụri esịt, ẹfen mbon en̄wen kpasụk ntre. 14  Edi, ke adianade ye kpukpru emi, ẹmen ima+ ẹsịne, koro enye edi mfọnmma mbọbọ+ edidianakiet. 15  N̄ko, ẹyak emem+ Christ akara ke esịt+ mbufo, koro ke akpanikọ, ẹkekot mbufo ẹsịn ke idem+ kiet. Mbufo ẹnyụn̄ ẹwụt esịtekọm. 16  Ẹyak ikọ Christ odụn̄ mbufo ke esịt uwak uwak ke kpukpru ọniọn̄.+ Ẹka iso ẹda psalm+ ye itoro ye ndinem ikwọ eke spirit+ ẹkpep+ ẹnyụn̄ ẹteme kiet eken, ẹkwọ ikwọ ke esịt mbufo ẹnọ Jehovah.+ 17  Ndien se ededi oro mbufo ẹnamde ke ikọ m̀mê ke edinam,+ ẹnam kpukpru n̄kpọ ke enyịn̄ Ọbọn̄ Jesus,+ ẹnọ Abasi Ete ekọm+ ebe ke enye. 18  Mbufo iban, ẹsụk ibuot+ ẹnọ mme ebe mbufo, nte odotde ke Ọbọn̄. 19  Mbufo mme ebe, ẹka iso ẹma iban+ mbufo, ẹkûnyụn̄ ẹnen̄ede ẹyat esịt ye mmọ.+ 20  Mbufo nditọ, ẹkop uyo+ ẹnọ mme ete ye eka mbufo ke kpukpru n̄kpọ, koro emi etịmde enem Ọbọn̄ esịt. 21  Mbufo mme ete, ẹkûfiomo nditọ+ mbufo, mbak esịt ediduọ mmọ. 22  Mbufo ifịn, ẹkop uyo ke kpukpru n̄kpọ ẹnọ mbon oro ẹdide mme eteufọk mbufo ke obụkidem,+ idịghe ke ndinam utom enyịn owo, nte mme anam n̄kpọ nnem owo esịt,+ edi ke ofụri esịt, ye uten̄e Jehovah.+ 23  Se ededi eke mbufo ẹnamde, ẹnam ke ofụri ukpọn̄+ nte ẹnam ẹnọ Jehovah,+ inamke inọ owo, 24  koro mbufo ẹfiọkde ẹte ke edi Jehovah+ edinọ mbufo udeme+ eke odotde nte utịp. Ẹdụk ufụn ẹnọ Eteufọk mbufo, kpa Christ.+ 25  Ke akpanikọ owo eke anamde idiọk ọyọbọ utịp+ idiọk oro enye akanamde, asari+ inyụn̄ idụhe.

Mme Ikọ Idakisọn̄

Eyedi emi aban̄a mbon oro ẹkesemde usem Greek, kpa mbon emi mîkedịghe mme Jew.