Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Amos 6;1-14

6  “Mbọm mbon oro ẹdude ke ifụre+ ke Zion ye mbon oro ẹbuọtde idem ke obot Samaria! Mmọ ẹdi mme ọwọrọiso owo ke idụt emi edide etubom mme idụt, ndien mmọ ke ufọk Israel ẹtiene.  Mbufo ẹbe ẹka Calneh ẹkese; ẹnyụn̄ ẹto do ẹka Hamath+ emi mme owo ẹwakde, ẹnyụn̄ ẹsụhọde ẹka Gath+ mbon Philistia. Nte mmọ ẹfọn ẹkan mme obio ubọn̄ emi, mîdịghe ndi obio mmọ okpon akan obio mbufo?+  Nte mbufo ẹmesio usen afanikọn̄ ẹfep ke ekikere mbufo,+ ẹmenyụn̄ ẹsịk ebietidụn̄ afai ẹkpere?+  Mbufo emi ẹsụhọrede ẹna ke n̄kpana nnụkenen,+ ẹnyụn̄ ẹnyanarede ẹna ke bed mmọ; emi ẹtade okukịm erọn̄ eke otode ke otu ufene ye abak nyara enan̄ eke ẹtode ke otu nditọ enan̄ eke ẹnyenede isek;+  emi ẹbrede ikwọ nte uyo ndido urụk edide;+ emi ẹnamde mme n̄kpọ ubre ikwọ ẹnọ idemmọ, ukem nte David akanamde;+  emi ẹn̄wọn̄de wine ke usan,+ ẹnyụn̄ ẹfiọn̄ọde ata eti aran,+ emi afanikọn̄ Joseph mînyụn̄ inamke mmọ ẹdọn̄ọ.+  “Mmọdo mmọ ẹyebem mbon oro ẹdikade ntan̄mfep iso ẹka ntan̄mfep,+ ndien uyom uyom usọrọ mbon emi ẹnyanarede ẹna oyonyụn̄ ebe efep.  “‘Jehovah Akakan Ọbọn̄ Andikara omotomo ukpọn̄ esie ete,’+ Jehovah Abasi mme udịm ọdọhọ, ‘“Ami nsasua ntan̄idem Jacob,+ nyụn̄ nsua mme tọwa ufọkidụn̄ esie,+ ndien nyayak obio oro ye se iyọhọde ke esịt nnọ.+  Ndien ama ekem edieke owo duop ẹsụhọde ke ufọk kiet, mmọ n̄ko ẹyekpan̄a.+ 10  Ndien eyenete ete esie ayatan̄ mmọ kiet kiet, onyụn̄ ọfọp mmọ kiet kiet, man osion̄o ọkpọ mmọ ke ufọk.+ Ndien enye oyobụp owo ekededi eke odude ke ata esịtufọk ete, ‘Nte owo en̄wen do ye afo?’ Ndien enye ọyọbọrọ ete, ‘Owo idụhe!’ Ndien enye ọyọdọhọ ete, ‘Dop uyo! Koro idịghe ini ndikot enyịn̄ Jehovah edi emi.’”+ 11  “‘Koro sese Jehovah omowụk,+ enye oyonyụn̄ anam akamba ufọk akabade n̄wụre onyụn̄ anam ekpri ufọk akabade mbio.+ 12  “‘Nte mme enan̄-mbakara ẹyefehe ke enyọn̄ akwa itiat, mîdịghe nte owo ayada enan̄ ofụn̄ do? Koro mbufo ẹmenam unenikpe+ akabade eto ibọkn̄kpa, ẹnyụn̄ ẹnam mfri edinen ido akabade etidot, 13  mbufo emi ẹdarade ke se mîdịghe n̄kpọ;+ emi ẹdọhọde ẹte: “Nte idịghe ke odudu idem nnyịn ke ikọbọ nnụk ida?”+ 14  O ufọk Israel, sese! ami mmọn̄ nnam idụt+ kiet adaha an̄wana ye mbufo,’ uyo Jehovah Abasi mme udịm edi emi, ‘ndien mmọ ẹyefịk mbufo ọtọn̄ọde ke nto-ndụk Hamath+ tutu esịm itịghede mmọn̄ Arabah.’”

Mme Ikọ Idakisọn̄