Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Amos 4;1-13

4  “Ẹkop ikọ emi, O mbufo mme enan̄ Bashan+ emi ẹdude ke obot Samaria,+ emi ẹtụkde mme usụhọde owo,+ emi ẹfịkde mme ubuene, emi ẹdọhọde mme eteufọk mmọ ẹte, ‘Ẹda ẹdi man nnyịn in̄wọn̄!’  Jehovah Akakan Ọbọn̄ Andikara omotomo edisana idaha+ esie ete, ‘“Sese! Mme usen ẹyesịm mbufo, ndien enye ayada ekọp abakunam ọkọbi mbufo emenede onyụn̄ ada uwam emenede ubak mbufo oro ẹsụhọde.+  Ndien mbufo ẹyesan̄a ke ebiet eke owụrede ẹwọn̄ọ,+ owo kiet kiet eyenen iso aka; ndien ẹyetop mbufo ẹduọn̄ọ ke Harmon,” uyo Jehovah edi emi.’  “‘Mbufo ẹdi Bethel ẹdibiat ibet.+ Ẹbiat ibet ediwak ini ke Gilgal,+ ẹnyụn̄ ẹda uwa mbufo ẹdi ke usenubọk; ndien ke ọyọhọ usen ita, ẹda mbahade kiet ke itie duop ẹdi.+  Ndien ẹda se ẹsịnde leaven ẹwa uwa ekọm,+ ẹnyụn̄ ẹtan̄a uwa unyịmesịt;+ ẹnyụn̄ ẹkwọrọ enye, koro se mbufo ẹmade edi oro, O nditọ Israel,’+ uyo Jehovah Akakan Ọbọn̄ Andikara edi emi.  “‘Ndien ami mma nnọ mbufo edet eke ẹsanade+ ke kpukpru mme obio mbufo nnyụn̄ nnam mbufo ẹnana uyo ke kpukpru ebietidụn̄ mbufo;+ edi mbufo ikafiakke itiene mi,’+ uyo Jehovah edi emi.  “‘Ndien ami mma nsịn ndinọ mbufo edịm ke ini okosụhọde ọfiọn̄ ita ndisịm ini ukpen̄e;+ nnam edịm edep ke obio kiet, edi nnamke edep ke obio efen. Nnam edịm edep ke in̄wan̄ kiet, edi in̄wan̄ efen emi mmenamke edịm edep asat.+  Obio iba m̀mê ita ẹten̄ ẹka obio kiet man ẹken̄wọn̄ mmọn̄,+ edi iyụhọke mmọ; edi mbufo ikafiakke itiene mi,’+ uyo Jehovah edi emi.  “‘Mma nda ufiop eyo ye mfụt nnọmọ mbufo.+ Nnam in̄wan̄esa mbufo ye in̄wan̄ vine mbufo ẹwak, edi itụt ẹta eto fig ye eto olive mbufo;+ edi mbufo ikafiakke itiene mi,’+ uyo Jehovah edi emi. 10  “‘Mma ndọn̄ idiọk udọn̄ọ, orụk oro okodude ke Egypt, etiene mbufo.+ Mma n̄wot n̄kparawa mbufo+ ke akan̄kan̄ nnyụn̄ ntan̄ mme enan̄-mbakara mbufo nte mbuotekọn̄.+ Nnyụn̄ nnam utebe oro ọwọrọde ke itienna mbufo ọdọk odụk mbufo ibuo;+ edi mbufo ikafiakke itiene mi,’+ uyo Jehovah edi emi. 11  “‘Mma nsobo mbufo, nte emi Abasi okosobode Sodom ye Gomorrah.+ Ndien mbufo ẹkebiet ifia emi ẹdabarede ẹsio ke ikan̄;+ edi mbufo ikafiakke itiene mi,’+ uyo Jehovah edi emi. 12  “Mmọdo, ntem ke ndinam ye afo, O Israel. Sia ndinamde fi n̄kpọ emi, ben̄e idem ndisobo ye Abasi fo,+ O Israel. 13  Koro, sese! Andinam mme obot+ ye Andibot ofụm,+ ye Enye emi anamde owo ọfiọk se idide ekikere esie,+ ye Enye emi anamde usiere ekịm,+ ye Enye emi edịghide mme edikon̄ ebiet isọn̄,+ Jehovah Abasi mme udịm edi enyịn̄ esie.”+

Mme Ikọ Idakisọn̄