Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Amos 1;1-15

1  Ikọ Amos, emi ekedide kiet ke otu mme ekpemerọn̄ Tekoa,+ emi ẹketịn̄de ẹnọ enye ke n̄kukụt ẹban̄a Israel+ ke eyo Uzziah+ edidem Judah ye ke eyo Jeroboam+ eyen Joash,+ edidem Israel, isua iba mbemiso unyekisọn̄ eketịbede.+  Ndien enye ọdọhọ ete: “Jehovah eyetie ke Zion okụni,+ onyụn̄ etie ke Jerusalem osioro uyo;+ ndien in̄wan̄ mbiet ufene mme ekpemerọn̄ ẹyetuan̄a, etịn̄e Obot Carmel oyonyụn̄ asat.”+  “Ntem ke Jehovah ọdọhọ ete, ‘“Ke ntak emi Damascus+ ọsọn̄de ibuot utịm ikata, ye ke ntak emi enye ọsọn̄de ibuot utịm ikanan̄, ndiwọn̄ọkede enye mfep, ke ntak emi mmọ ẹdade ukwak udịghi wheat ẹdịghi Gilead.+  Ndien nyekịm ikan̄+ ke ufọk Hazael,+ enye oyonyụn̄ ata mme tọwa ufọkidụn̄ Ben-hadad.+  Ndien nyobụn̄ eto usịnusụn̄ Damascus,+ nyonyụn̄ nsịbe mme andidụn̄ Bikath-aven ye andikama esan̄ ubọn̄ Beth-eden mfep; ndien ẹyetan̄ mbon Syria ẹka Kir,”+ Jehovah ọdọhọ.’  “Ntem ke Jehovah ọdọhọ ete, ‘“Ke ntak emi Gaza ọsọn̄de ibuot utịm ikata,+ ye ke ntak emi enye ọsọn̄de ibuot utịm ikanan̄, ndiwọn̄ọkede enye mfep, ke ntak emi mmọ ẹtan̄de mme owo ẹka ntan̄mfep+ man ẹkeyak kpukpru mmọ ẹsịn Edom ke ubọk.+  Ndien nyekịm ikan̄ ke ibibene Gaza,+ enye oyonyụn̄ ata mme tọwa ufọkidụn̄ esie.  Nyesịbe mme andidụn̄ Ashdod+ ye andikama esan̄ ubọn̄ Ashkelon+ mfep; nyonyụn̄ n̄n̄wọn̄ọde ubọk+ mi ndori Ekron+ ke idem, ndien mbon Philistia emi ẹsụhọde ẹyetak,”+ ntem ke Jehovah Akakan Ọbọn̄ Andikara ọdọhọ.’  “Ntem ke Jehovah ọdọhọ ete, ‘Ke ntak emi Tyre+ ọsọn̄de ibuot utịm ikata, ye ke ntak emi enye ọsọn̄de ibuot utịm ikanan̄, ndiwọn̄ọkede enye mfep, ke ntak emi mmọ ẹyakde ofụri mbon ntan̄mfep ẹsịn Edom ke ubọk, ye ke ntak emi mmọ mîketịghi ediomi nditọete.+ 10  Ndien nyekịm ikan̄ ke ibibene Tyre, enye oyonyụn̄ ata mme tọwa ufọkidụn̄ esie.’+ 11  “Ntem ke Jehovah ọdọhọ ete, ‘Ke ntak emi Edom+ ọsọn̄de ibuot utịm ikata, ye ke ntak emi enye ọsọn̄de ibuot utịm ikanan̄, ndiwọn̄ọkede enye mfep, ke ntak emi enye adade akan̄kan̄ ebịne eyenete esie,+ ye ke ntak emi enye mînyeneke mbọm,+ iyatesịt esie onyụn̄ awaide ke nsinsi; enye onyụn̄ ofụt esịt ke nsinsi.+ 12  Ndien nyekịm ikan̄ ke Teman,+ enye oyonyụn̄ ata mme tọwa ufọkidụn̄ ke Bozrah.’+ 13  “Ntem ke Jehovah ọdọhọ ete, ‘“Ke ntak emi nditọ Ammon ẹsọn̄de ibuot utịm ikata,+ ye ke ntak emi mmọ ẹsọn̄de ibuot utịm ikanan̄, ndiwọn̄ọkede enye mfep,+ ke ntak emi mmọ ẹkịmde iban idịbi Gilead idịbi ẹsiak, man ẹtat adan̄a mmọ.+ 14  Ndien nyekịm ikan̄ ke ibibene Rabbah,+ enye oyonyụn̄ ata mme tọwa ufọkidụn̄ esie, ye n̄kpo ke usen ekọn̄, ye oyobio ke usen ọkpọsọn̄ ofụm.+ 15  Ndien ẹyemen edidem mmọ ye mbọn̄ esie ẹka ntan̄mfep,”+ Jehovah ọdọhọ.’

Mme Ikọ Idakisọn̄