Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 7;1-27

7  Eyen mi, nịm ikọ mi,+ nyụn̄ kpeme mme ewụhọ mi nte n̄kpọuto.+  Nịm mme ewụhọ mi ndien du uwem,+ nyụn̄ nịm ibet mi nte eyen+ enyịn fo.  Tebe mmọ ke nnuenubọk+ fo, nyụn̄ wet mmọ ke ọwọn̄esịt+ fo.  Dọhọ ọniọn̄+ ete: “Afo edi eyeneka mi an̄wan”; nyụn̄ kot asian “Iman mi,”  man ekpeme fi mbak esen an̄wan,+ kpa n̄wan esenidụt emi enemde inua ikọ.+  Koro n̄ketie ke window ufọk mi, nsụk enyịn nsịn ke ndudu oro ẹkpanade-kpana,+  man nnyụn̄ọ nse mme ọkọi.+ N̄koyom ndise akparawa emi ananade ibuot+ ke otu nditọiren,  emi asan̄ade ebe ke inụk efak emi ekperede n̄wan oro, ndien enye asan̄a odụk usụn̄ ufọk esie,+  ke mfụn̄mfụn̄ mbubreyo,+ ke eyo okụtde, ke ekperede okoneyo ye ata ekịm. 10  Ndien, sese! n̄wan kiet ke asan̄a edi ndisobo ye enye, esịne ọfọn̄ akpara+ onyụn̄ enyene n̄kari ke esịt. 11  N̄wan emi oyomo uyom onyụn̄ ọsọn̄ ibuot.+ Ukot esie isọn̄ọke idu ke ufọk esie.+ 12  Esisịt ini enye odu ke esien,+ esisịt ini enye odu ke an̄wa obio, onyụn̄ etie ke kpukpru inụk ebet.+ 13  Ndien enye omụm akparawa oro etịm inua.+ Enye onyụn̄ asat iso, ọdọhọ enye ete: 14  “Ami mmawa uwa ebuana.+ Mmosio mme akan̄a mi mfịn emi.+ 15  Ntak edi oro n̄wọrọde ndisobo ye afo, ndiyom iso fo, man n̄kụt fi. 16  Mmada awak-uduot ọfọn̄, linen emi otode Egypt,+ mbana bed mi. 17  Mmesịme myrrh, aloe, ye cinnamon+ ke bed mi. 18  Di, yak nnyịn iyụhọ ima nnyịn tutu esịm usenubọk; yak nnyịn ibre ima ye kiet eken.+ 19  Koro ebe mi mîdụhe ke ufọk; enye aka anyan ebiet.+ 20  Enye akama ekpatokụk. Ke usen ọyọhọ ọfiọn̄ ke enye edinyọn̄ edi ufọk esie.” 21  N̄wan oro ada uwak mbukpek+ esie otụn enye usụn̄. Ada nneminua atap enye.+ 22  Enye adaha wap etiene n̄wan oro,+ nte ayara enan̄ emi ẹmende ẹka ndiwot, nte n̄kpọ eke ẹsịnde ndisịme owo ke ebuka ẹda ẹka nditụnọ, 23  tutu idan̄ asiak enye esịt odụk,+ kpa nte inuen ọsọpde okodụk afia,+ enye inyụn̄ ifiọkke ite ke isịn ukpọn̄ imọ ke itiendịk.+ 24  O nditọ, ẹkop ndien uyo mi ẹnyụn̄ ẹkpan̄ utọn̄ ke ikọ inua mi.+ 25  Kûyak esịt fo awaha odụk usụn̄ esie. Kûyo udụk ọkpọusụn̄ esie.+ 26  Koro enye amanam ediwak owo ẹduọn̄ọ ẹkpan̄a,+ kpukpru mbon oro enye owotde ẹnyụn̄ ẹwak.+ 27  Ufọk+ esie edi usụn̄ Udi;* ndien osụhọde aka n̄kịmn̄kịm ubet n̄kpa.+

Mme Ikọ Idakisọn̄

Heb., “Sheol.”