Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 6;1-35

6  Eyen mi, edieke afo etiede ubiọn̄ ọnọ ekemmọ owo,+ edieke afo ọnọde esenowo ubọk,+  edieke ikọ inua fo esịnde afia ọnọ fi,+ edieke ẹmụmde fi ke ikọ inua fo,  eyen mi, nam ndien ntem nyụn̄ nyan̄a idemfo, koro afo ọduọde odụk ubọk ekemmọ owo:+ Sụhọde idem, ka kọduọ owo oro ke ukot nyụn̄ kpe enye ubọk.+  Kûnọ enyịn fo idap baba kiet, kûnyụn̄ uyak idap baba kiet eyet enyịn fo.+  Nyan̄a idemfo nte akan̄ sio ke ubọk esie ye nte inuen ke ubọk omụm inuen.+  O ifu,+ ka bịne iyọn̄;+ kese usụn̄ esie nyụn̄ nyene ọniọn̄.  Okposụkedi enye mînyeneke etubom, esenyịn m̀mê andikara,  enye etịm udia esie ke ndaeyo;+ atan̄ udia esie obon ke ini idọk.  O ifu, adan̄a didie ke afo edisụk anana?+ Ini ewe ke afo edidemede ke idap?+ 10  Idap esisịt, ediyet idap esisịt, edikpan̄ ubọk nnana esisịt,+ 11  ndien ubuene fo editie nte eke owo n̄wo,+ unana fo nte eke owoekọn̄.+ 12  Obukpo owo,+ owo ibak, asan̄a ye n̄kwan̄a ikọ inua,+ 13  ekep enyịn esie,+ ada ikpat anam idiọn̄ọ, anam idiọn̄ọ ke nnuenubọk.+ 14  Ukwan̄n̄kpọ odu enye ke esịt.+ Enye aduak idiọkn̄kpọ kpukpru ini.+ Awak ndidemede utọk.+ 15  Ntak edi oro afanikọn̄ edisịmde enye ke mbuari;+ enye oyobụn̄ọ ke idaha kiet, ndien usọbọ ididụhe.+ 16  Odu n̄kpọ itiokiet emi Jehovah asuade;+ ih, n̄kpọ itiaba emi ẹdide mbubiam ẹnọ ukpọn̄ esie:+ 17  enyịn ntan̄idem,+ edeme nsu,+ ubọk eke ọduọkde iyịp eke mîduehe,+ 18  esịt eke aduakde ibak,+ ukot eke ọsọpde aka ndinam idiọk,+ 19  ntiense nsu eke etịbide nsu,+ owo ekededi eke edemerede utọk ke otu nditọete.+ 20  O eyen mi, kpeme ewụhọ usọ,+ kûnyụn̄ ukpọn̄ ibet uka.+ 21  Tebe mmọ ke esịt fo kpukpru ini;+ kpaha mmọ ke itọn̄ fo.+ 22  Ke ini afo asan̄ade, enye ayada fi usụn̄;+ ke ini afo anade, enye ayada ekpeme fi;+ ke ini afo edemerede, enye oyosion̄o nneme ye afo. 23  Koro ewụhọ edide utuenikan̄,+ ibet onyụn̄ edide un̄wana,+ nsuannọ ye ntụnọ ẹnyụn̄ ẹdi usụn̄ uwem,+ 24  man ekpeme fi mbak idiọk an̄wan,+ mbak nneminua an̄wan esenidụt.+ 25  Kûyak itọn̄ uyai esie ọdọn̄ esịt fo,+ kûnyụn̄ uyak enye ada enyịn ima esie omụm fi,+ 26  koro n̄wan akpara anamde owo atahade esịm ekara uyo kiet;+ ndien amaedi n̄wan owo, enye ọkọk afia ọnọ ọsọn̄urua uwem fo.+ 27  Ndi owo ekeme ndimen ikan̄ nsịn ke ikpanesịt esie ndien ọfọn̄idem esie itaha ikan̄?+ 28  Mîdịghe ndi owo ekeme ndisan̄a ke mbubek ikan̄ ndien ikpat esie ifọbọke? 29  Kpa ntre ke edi ye owo ekededi emi enyenede ebuana ye n̄wan ekemmọ owo,+ baba owo eke otụkde enye idibọhọke ufen.+ 30  Owo isueneke inọ koro enye eyịpde n̄kpọ ndiyụhọ ukpọn̄ esie ke ini biọn̄ ọdọn̄de enye. 31  Edi, ke ini ẹmụmde enye, enye ọyọnọ usiene utịm ikatiaba; enye ọyọnọ kpukpru inyene ufọk esie.+ 32  Owo ekededi eke esịnde efịbe ye n̄wan anana ibuot;+ owo eke anamde emi ada nsobo ọsọk ukpọn̄ esie.+ 33  Enye oyokụt ufen ye bụt,+ ndien owo idisọhike esuene esie ifep.+ 34  Koro ifụtesịt owo edide ufụp,+ ndien enye idituaha mbọm ke usen usiene.+ 35  Enye idibọhọ orụk ufak ekededi, idinyụn̄ inyịmeke ọkpọkọm afo ọnọ enye ediwak inyene.

Mme Ikọ Idakisọn̄