Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 4;1-27

4  O nditọ, ẹbọ ntụnọ ete+ ẹnyụn̄ ẹkpan̄ utọn̄, man ẹnyene asian.+  Koro nyọnọ mbufo eti item.+ Ẹkûkpọn̄ ibet mi.+  Koro n̄kedi ata eyen nnọ ete+ mi nnyụn̄ ndi ekpri ikpọn̄ eyen nnọ eka+ mi.  Ndien enye eteme mi+ onyụn̄ ọdọhọ mi ete: “Yak esịt+ fo ọsọn̄ọ omụm ikọ mi akama.+ Nịm mme ewụhọ mi nyụn̄ du uwem.+  Nyene ọniọn̄,+ nyụn̄ nyene asian.+ Kûfre, kûnyụn̄ uwọn̄ọde ukpọn̄ ikọ inua mi.+  Kûkpọn̄ enye, ndien enye oyomụm fi akama. Ma enye, ndien enye eyekpeme fi.  Ọniọn̄ edi ata akpan n̄kpọ.+ Nyene ọniọn̄; ndien ọkọrọ ke kpukpru se afo enyenede, nyene asian.+  Da enye ke ata ọsọn̄urua n̄kpọ, ndien enye eyemenede fi.+ Enye ọyọnọ fi ubọn̄ koro afo afatde enye akama.+  Enye ayayara fi ediye mbana ke ibuot;+ ayara fi anyanya uyai.”+ 10  Eyen mi, kop, nyụn̄ bọ ikọ mi.+ Ndien isua uwem fo ayawak.+ 11  Ami nyeteme fi usụn̄ ọniọn̄;+ nyanam fi asan̄a ke usụn̄ edinen ido.+ 12  Ke ini afo asan̄ade, n̄kpọ idibiọn̄ọke ukot fo;+ edieke afo onyụn̄ efehede, afo udutuakke ukot uduọ.+ 13  Sọn̄ọ mụm ntụnọ+ kama; kûsana enye uyak.+ Kpeme enye, koro enye edide uwem fo.+ 14  Kûdụk afan̄ mme idiọkowo,+ kûnyụn̄ usan̄a ke usụn̄ mme anamidiọk.+ 15  Wọn̄ọde kpọn̄ enye,+ kûsan̄a ke esịt ube;+ wọn̄ọde kpọn̄ enye, nyụn̄ be nyọn̄.+ 16  Koro mmọ mîdehe idap ibọhọke mmọ ẹnam idiọk,+ idap inyụn̄ idụkke mmọ enyịn ibọhọke mmọ ẹnam owo atuak ukot ọduọ.+ 17  Koro mmọ ẹtade uyo idiọkido,+ ẹnyụn̄ ẹn̄wọn̄de wine afai.+ 18  Edi usụn̄ ndinen owo ebiet nyayama un̄wana emi akade-ka iso ayama tutu esịm ufọt uwemeyo.+ 19  Usụn̄ mme idiọkowo ebiet ata ekịm;+ mmọ ifiọkke se inamde mmọ ẹtuak ukot ẹduọn̄ọ.+ 20  Eyen mi, kpan̄ utọn̄+ ke ikọ mi. Biọn̄ utọn̄+ fo ke ikọ mi. 21  Kûyak mmọ ẹsop fi ke enyịn.+ Sịn mmọ ke ọwọn̄esịt+ fo. 22  Koro mmọ ẹdide uwem ẹnọ mbon oro ẹkụtde mmọ+ ẹnyụn̄ ẹdide nsọn̄idem ẹnọ ofụri obụkidem+ mmọ. 23  Kpeme esịt+ fo kan kpukpru se enyenede ndikpeme, koro uwem otode enye.+ 24  Sio ukwan̄ ikọ ke inua fo fep;+ nyụn̄ men n̄kpọkinua abian̄a duọk anyan usụn̄.+ 25  Yak enyịn fo ese nnennen,+ ih, wụk nyayama enyịn fo se iso fo nnennen.+ 26  Nam usụn̄ ukot fo ọdọnọ,+ nyụn̄ yak ofụri usụn̄ fo ọsọn̄ọ ada.+ 27  Kûwọn̄ọde uka nnasia m̀mê ufien.+ Sio ukot fo fep ke se idiọkde.+

Mme Ikọ Idakisọn̄