Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 31;1-31

31  Ikọ Edidem Lemuel, kpa ndodobi etop+ emi eka esie akadade enen̄ede enye:+  O eyen mi, nso ke ami ntịn̄, nso, O eyen idịbi mi,+ nso, O eyen akan̄a mi?+  Kûyak odudu fo unọ iban,+ kûnyụn̄ uyak usụn̄ fo unọ se isọhide ndidem ifep.+  O Lemuel, ifọnke, ifọnke ndidem ndin̄wọn̄ wine m̀mê ikpọ owo ndidọhọ: “Enye ọkpọsọn̄ mmịn-e?”+  mbak owo edin̄wọn̄ ndien efre mbet onyụn̄ akwan̄a ikpe mbon ukụt.+  Mbufo ẹnọ mbon oro ẹkperede ndikpa+ ọkpọsọn̄ mmịn ẹnyụn̄ ẹnọ mbon oro ukpọn̄ mmọ ofụhọde.+  Yak owo ọn̄wọn̄ onyụn̄ efre unana esie, yak enye okûnyụn̄ eti aba afanikọn̄ esie.  Kụbọde inua tịn̄ ikọ ke ibuot owo emi mîkemeke nditịn̄ ikọ,+ ke ikpe emi aban̄ade kpukpru mbon emi ẹkperede n̄kpa.+  Kụbọde inua fo, kpe ikpe nte enende nyụn̄ da ye owo ukụt ye eyen ubuene.+ א [ʼAleph] 10  Anie edikụt eti n̄wanndọ?*+ Ekọmurua esie enen̄ede okpon akan eke eme. ב [Behth] 11  Esịt andinyene enye ọbuọt idem ke enye, ndien udori inanake.+ ג [Gimel] 12  Enye ọnọ ebe esie eti utịp, idịghe idiọk, ke ofụri usen uwem esie.+ ד [Daleth] 13  Enye oyom idet erọn̄ ye linen, onyụn̄ anam se ededi emi ubọk esie amade.+ ה [Heʼ] 14  Enye ebiet nsụn̄ikan̄ mme anyamurua.+ Ada udia esie ke anyan ebiet edi. ו [Waw] 15  Enye adaha ada ke ini osụk edide okoneyo,+ ọnọ mbonufọk esie udia onyụn̄ ọnọ nditọiban esie udeme mmọ.+ ז [Zayin] 16  Enye ese in̄wan̄ onyụn̄ edep enye;+ ada mbun̄wụm ubọk esie ọtọ in̄wan̄ vine.+ ח [Chehth] 17  Enye ọbọbọ odudu ke isịn, onyụn̄ anam ubọk esie ọsọn̄.+ ט [Tehth] 18  Enye ọfiọk ke urua imọ ọfọn; utuenikan̄ esie inịmeke ke okoneyo.+ י [Yohdh] 19  Enye anyan ubọk emen eto udọkọfọn̄, ubọk esie onyụn̄ emen eto ufiak ndidi.+ כ [Kaph] 20  Enye atat ubọk esie ọnọ owo ukụt n̄kpọ, onyụn̄ anyan ubọk esie ọnọ eyen ubuene n̄kpọ.+ ל [Lamedh] 21  Enye ikopke ndịk iban̄a snow ndinọmọ mbonufọk esie, koro kpukpru mbonufọk esie ẹsịnede ọfọn̄idem iba iba.+ מ [Mem] 22  Enye anam ọfọn̄ bed+ ọnọ idemesie. Edisịnen̄kpọ esie edi linen ye idet erọn̄ emi enyenede uduot mmọn̄ibọn̄.+ נ [Nun] 23  Ẹdiọn̄ọ andinyene enye+ ke inuaotop,+ ke ini osụhọrede etie ye mbiowo obio. ס [Samekh] 24  Enye anam ọfọn̄ idakidem anyam,+ onyụn̄ anam mme ubọpisịn ọnọ mbonurua. ע [ʽAyin] 25  Odudu ye uyai ẹdi edisịnen̄kpọ esie,+ enye onyụn̄ asak imam aban̄a ini iso.+ פ [Peʼ] 26  Enye atat inua esie ke ọniọn̄,+ ndien ibet ima-mfọnido odu enye ke edeme.+ צ [Tsadheh] 27  Enye ese se ikade iso ke ufọk esie, inyụn̄ idiaha udia ifu.+ ק [Qohph] 28  Nditọ esie ẹdaha ẹda ẹdọhọ ke enye okop inemesịt;+ andinyene enye adaha ada otoro enye.+ ר [Rehsh] 29  Ediwak nditọiban+ ẹmenam, edi afo amakan mmọ kpukpru.+ ש [Shin] 30  Mfọnidem edi nsu,+ uyai onyụn̄ edi ikpîkpu;+ edi n̄wan emi abakde Jehovah ọyọbọ itoro.+ ת [Taw] 31  Mbufo ẹnọ enye mbun̄wụm ubọk esie,+ ndien yak utom esie ẹtoro enye ke inuaotop.+

Mme Ikọ Idakisọn̄

M̀mê, “n̄wanndọ oro enyenede ukeme unamn̄kpọ.”