Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 30;1-33

30  Ikọ Agur eyen Jakeh, ndodobi etop.+ Ikọ emi owo oro etịn̄de ọnọ Ithiel, etịn̄de ọnọ Ithiel ye Ucal.  Koro ami mmanana ibuot n̄kan owo en̄wen ekededi,+ nnyụn̄ nnyeneke asian nte owo;+  nnyụn̄ n̄kpepke ọniọn̄;+ ami nnyụn̄ nnyeneke ifiọk Ata Edisana Abasi.+  Anie ọdọk ke heaven ndien ekem osụhọde?+ Anie owobi ofụm+ ọdọn̄ ke ekaubọk mbiba? Anie ada ọfọn̄ ọbọp mmọn̄?+ Anie owụk adan̄a ofụri isọn̄?+ Nso idi enyịn̄ esie,+ nso inyụn̄ idi enyịn̄ eyen esie, edieke afo ọfiọkde?+  Kpukpru se Abasi etịn̄de ẹdi edisana.+ Enye edi otuekọn̄ ọnọ mmọ eke ẹdade enye ke ebiet ubọhọ.+  Kûdian n̄kpọ ke ikọ esie,+ mbak enye edisua ọnọ fi, mbak ẹdinyụn̄ ẹda fi nte osu nsu.+  N̄kpọ iba ke ami mben̄e fi.+ Kûtre ndinọ mi mbemiso n̄kpade.+  Men abian̄a ye nsu kpọn̄ mi anyan usụn̄.+ Kûnọ mi ubuene kûnyụn̄ unọ mi inyene.+ Yak mi ndia udeme udia mi,+  mbak ndiyụhọ ndien n̄kan̄ fi,+ nnyụn̄ ndọhọ nte: “Anie edi Jehovah?”+ mbak ndibuene nnyụn̄ nyịp n̄kpọ ndien nsuene enyịn̄ Abasi mi.+ 10  Kûbia asan̄autom unọ eteufọk esie,+ mbak enye edisụn̄i fi, mbak ẹdinyụn̄ ẹbiom fi ikpe.+ 11  Odu emana eke ẹsụn̄ide ete mmọ mînyụn̄ ikponoke eka mmọ.+ 12  Odu emana emi ẹbatde idem ke edisana,+ edi emi owo mîyetke mmọ ifuọ mmọ ifep ke idem.+ 13  Odu emana emi ẹnyenede enyịn iseri, emi ẹnyụn̄ ẹsaide enyịn.+ 14  Odu emana emi edet mmọ ẹdide akan̄kan̄, emi ọkpọ mban̄ mmọ ẹnyụn̄ ẹdide ikwa ubakunam,+ man ẹda ẹta mbon ukụt ẹsion̄o ke isọn̄ ẹnyụn̄ ẹta mme ubuene ẹsion̄o ke otu ubonowo.+ 15  Etuet enyene nditọiban iba emi ẹfioride ẹte: “Nọ! Nọ!” Odu n̄kpọ ita emi mîsiyụhọke, n̄kpọ inan̄ emi mîdọhọke ite: “Ekem!” 16  Udi*+ ye itie eyen emi ẹsịride,+ isọn̄ emi mmọn̄ mîyụhọke,+ ye ikan̄+ emi mîsidọhọke ite: “Ekem!”+ 17  Enyịn emi esede ete ke ndek mînyụn̄ ikponoke eka+—mme raven ke itịghede mmọn̄ ẹyekọn̄ enye ẹsio, nditọ ntrukpom ẹyenyụn̄ ẹta enye. 18  Odu n̄kpọ ita emi ẹtịmde ẹnyene mi ndyọ, ye n̄kpọ inan̄ emi mmemfiọkke: 19  usụn̄ ntrukpom ke ikpaenyọn̄, usụn̄ urụkikọt ke enyọn̄ itiat, usụn̄ nsụn̄ikan̄ ke ufọt inyan̄+ ye usụn̄ erenowo ye n̄wan.+ 20  Usụn̄ an̄wan efịbe etie ntem: enye adia ama ọkwọhọde inua esie onyụn̄ ọdọhọ ete: “Nnamke idiọk.”+ 21  N̄kpọ ita ẹsịn isọn̄ etịmede, enye inyụn̄ ikemeke ndiyọ n̄kpọ inan̄ emi: 22  ke ini ofụn akarade nte edidem,+ ye ke ini anana-ibuot owo enyenede ediwak udia;+ 23  ke ini ẹdọde n̄wan emi ẹsuade,+ ye ke ini ofụn an̄wan ọbọde ekaufọk esie itie.+ 24  Odu n̄kpọ inan̄ emi ẹkpride ẹkan ke isọn̄, edi mmọ ẹnyene ọniọn̄ ke ntụk:+ 25  iyọn̄ ẹdi mbon emi mînyeneke odudu,+ edi mmọ ẹbon udia mmọ ke ndaeyo;+ 26  mme eku abaitiat+ ikopke odudu, edi mmọ ẹbọp ufọk mmọ ke akwa itiat;+ 27  n̄kukun̄kpọyọriyọ+ inyeneke edidem, edi kpukpru mmọ ẹbahade idemmọ ẹdọn̄ ke mme otu ẹwọrọ;+ 28  ukpọn̄eyen+ ada ubọk esie eyịre ke n̄kpọ ndien enye odu ke akwa ufọk ubọn̄ edidem. 29  Odu n̄kpọ ita emi ẹsọpde itọk etieti, ye n̄kpọ inan̄ emi ẹsọpde isan̄ etieti: 30  ekpe, emi okopde odudu akan ke otu mme unam, mînyụn̄ ifeheke owo ndomokiet;+ 31  ebua ubịnikọt m̀mê okpo ebot, ye edidem emi asan̄ade ye udịmekọn̄ esie.+ 32  Edieke afo anamde ndisịme ke ndimenede idemfo ke enyọn̄,+ edieke afo onyụn̄ owụkde ekikere fo ke emi, fụk ubọk ke inua.+ 33  Koro ndinyen̄e mmọn̄eba anam bọta ọwọrọ, ndinyụn̄ mfịk ibuo anam iyịp ọwọrọ, iyatesịt onyụn̄ ada utọk edi.+

Mme Ikọ Idakisọn̄

Heb., “Sheol.”