Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 25;1-28

25  Mmọ emi n̄ko ẹdi mme n̄ke Solomon+ emi ikọt Hezekiah edidem Judah+ ẹkesion̄ode ẹwet:  Ndidịp n̄kpọ edi ubọn̄ Abasi,+ ndien ndidụn̄ọde n̄kpọ edi ubọn̄ ndidem.+  Owo ikemeke ndidụn̄ọde enyọn̄ koro okon̄de,+ ye isọn̄ koro otụn̄ọde,+ n̄ko ye esịt ndidem.+  Yak ẹsio mbukpen̄ ẹfep ke silver, ndien enye ayasana ofụri ofụri.+  Yak ẹsio idiọkowo ẹfep ke iso edidem,+ ndien ebekpo esie ọyọsọn̄ọ owụhọ ke edinen ido.+  Kûnọ idemfo ukpono ke iso edidem,+ kûnyụn̄ uda ke itie ikpọ owo.+  Koro ọfọn enye ndidọhọ fi ete: “Dọk di mi,”+ akan enye ndisụhọde fi itie ke iso ọbọn̄ emi afo adade enyịn okụt.+  Kûsọp ndikot owo ikpe, mbak afo udukere se akpanamde ke ini owo oro esuenede fi ke akpatre.+  Kpe ikọ fo ye ekemmọ owo,+ kûnyụn̄ uyarade ikọ idịbi owo efen;+ 10  mbak owo emi okopde edinam fi adia bụt ndien owo ikemeke ndisọhi idiọk etop fo mfep. 11  Ikọ eke ẹtịn̄de ke nnennen ini ebiet apple gold ke usan silver.+ 12  Nte n̄kpanuen utọn̄ emi ẹnamde ke gold, ye n̄kpọmbana emi ẹnamde ke eti gold, ntre ke andisua nnọ emi enyenede ọniọn̄ etie ke utọn̄ andikop.+ 13  Nte mbịtmbịt snow+ ke usen ukpen̄e, ntre ke isụn̄utom emi anamde akpanikọ etie ye mbon oro ẹsiode enye ẹdọn̄, koro enye edemede ukpọn̄ mme eteufọk esie.+ 14  Owo eke obụrede mbụre ke enọ emi edide nsu ebiet idiọk enyọn̄ ye ofụm eke mîsan̄ake ye edịm.+ 15  Ẹda ime ẹkpek etubom, sụn̄sụn̄ edeme onyụn̄ ekeme ndibụn̄ ọkpọ.+ 16  Nte omokụt aranọkwọk?+ Dia se ikemde fi, mbak afo ududia awak akaha ndien ọkpọhi enye.+ 17  Kûwak ikpat ke ufọk ekemmọ owo, mbak enye edikụt fi akaha ndien asua fi. 18  Owo eke etiede ntiense nsu aban̄a ekemmọ owo ebiet okpoyon̄ ekọn̄ ye akan̄kan̄ ye edisọp idan̄.+ 19  Ndibuọt idem ye owo abian̄a ke usen nnanenyịn etie nte edet emi obụn̄ọde ye ukot eke ekeherede.+ 20  Owo eke osiode ọfọn̄idem ke usen etuep etie nte ndisịn soda ke vinegar, onyụn̄ etie nte owo eke ọkwọde ikwọ ye esịt mfụhọ.+ 21  Edieke biọn̄ ọdọn̄de asua fo, nọ enye udia adia; ndien edieke itọn̄ asatde enye, nọ enye mmọn̄ ọn̄wọn̄.+ 22  Koro afo obokde enye mbubek ikan̄ ke ibuot,+ ndien Jehovah ọyọnọ fi utịp.+ 23  Ofụm edere aman edịm nte ke ubiak uman;+ ndien edeme eke ayararede ikọ idịbi aman mbọpiso.+ 24  Ọfọn ndidụn̄ ke itụn̄ ọkọmufọk akan ndibuana ufọk ye n̄wanndọ emi edide owo utọk.+ 25  Nte mbịtmbịt mmọn̄ etiede ye ukpọn̄ eke akpade mba,+ ntre ke eti etop emi otode anyan idụt etie.+ 26  Edinen owo edi idịm eke edehede ye obube mmọn̄ eke abiarade ke ini enye enyekde ke iso idiọkowo.+ 27  Ifọnke ndidia aranọkwọk awak akaha;+ ndien mme owo ndiyom ubọn̄ idemmọ, ndi ubọn̄ edi oro?+ 28  Owo eke mîkarake spirit esie etie nte obio eke ẹwụride, emi mînyeneke ibibene.+

Mme Ikọ Idakisọn̄