Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 23;1-35

23  Edieke afo osụhọrede etie ndidia udia ye edidem, tịm kere se inade fi ke iso,+  ndien afo enyene ndisịn ikwa ke itọn̄ fo edieke afo edide owo idiọkitọn̄.+  Kûyak ndinem udia esie ọdọn̄ fi itọn̄, koro enye edide udia nsu.+  Kûkpa utom ndikọ inyene.+ Tre ndise idemfo ke asian.+  Nte afo omotop enyịn ese enye, ke ini enye mîdịghe n̄kpọ ndomokiet?+ Koro enye iditreke nditịbe mba nte ntrukpom ndien efe ọdọk enyọn̄.+  Kûdia udia owo emi enyenede enyịn ibụk,+ kûnyụn̄ uyak ndinem udia esie ọdọn̄ fi itọn̄.+  Koro nte ukpọn̄ eke etiede ekere idiọk, ntre ke enye etie.+ Enye ọdọhọ fi ete: “Dia nyụn̄ n̄wọn̄,” edi esịt esie idụhe ye afo.+  Afo ọyọkpọhi ubak uyo eke afo atade, onyụn̄ abaha ndinem ikọ fo.+  Kûtịn̄ ikọ usịn ndisịme owo ke utọn̄,+ koro enye edisede ikọ ọniọn̄ fo ke ndek.+ 10  Kûsịk adan̄a eset,+ kûnyụn̄ udụk in̄wan̄ nditọakpa.+ 11  Koro Andifak mmọ edide ọkpọsọn̄; enye eyekpe ikọ mmọ ye afo.+ 12  Sịn esịt fo ke ntụnọ nyụn̄ kpan̄ utọn̄ ke ikọ ifiọk.+ 13  Kûtre nditụnọ eyenọwọn̄.+ Idem edieke afo amiade enye ke ikpa, enye idikpaha. 14  Mia enye ke ikpa, man afo akpanyan̄a ukpọn̄ esie osio ke Udi.*+ 15  Eyen mi, edieke esịt fo enyenede ọniọn̄,+ esịt mi ayadara.+ 16  Ndien mme ekpụt mi ẹyedara ke ini n̄kpọkinua fo etịn̄de se inende.+ 17  Kûyak esịt fo efịbe mme anamidiọk ufụp,+ edi bak Jehovah kpukpru usen.+ 18  Koro ntem ke afo edinyene ini iso,+ ndien owo idisịbeke idotenyịn fo ifep.+ 19  Afo, O eyen mi, kop nyụn̄ nyene ọniọn̄, nyụn̄ nam esịt fo asan̄a ke nnennen usụn̄.+ 20  Kûdu ke otu mme ofobo wine,+ ke otu mmọ eke ẹtade unam ke en̄weme.+ 21  Koro akpammịn ye ama-udia ẹyekabade ubuene,+ idap oyonyụn̄ esịne owo ntaha ọfọn̄.+ 22  Kop uyo usọ emi okobonde fi,+ kûnyụn̄ use uka ke ndek koro enye ọsọn̄de.+ 23  Dep akpanikọ+ kûnyụn̄ unyam enye—ọniọn̄ ye ntụnọ ye asian.+ 24  Ete eti eyen iditreke ndikop idatesịt;+ owo eke obonde eyen emi enyenede ọniọn̄ ayadara n̄ko.+ 25  Usọ ye uka ẹyedara, ndien andiman fi oyokop idatesịt.+ 26  Eyen mi, nọ mi esịt fo, yak enyịn fo onyụn̄ ama usụn̄ mi.+ 27  Koro n̄wan akpara edide editụn̄ọ ukpe,+ n̄wan esenidụt onyụn̄ edi mfafaha obube mmọn̄. 28  Enye edịbe ebet+ nte owo n̄wo; onyụn̄ anam mbon abian̄a ẹwak ke otu owo.+ 29  Anie okụt ukụt? Anie ke esịt etịmede? Anie ọtọhọ utọk?+ Ekikere etịmede anie? Anie ada unan ke ikpîkpu? Enyịn ekịm anie? 30  Mmọ eke ẹtiede ẹbịghi ye wine,+ mmọ eke ẹdide ẹdiyom mbuaha wine.+ 31  Kûse wine ke ini enye eyịbede, ke ini enye esemde ke cup, ke ini enye osụhọrede odụk inem inem. 32  Ke akpatre enye odom nte urụkikọt,+ onyụn̄ osio ifọt nte ibọm.+ 33  Enyịn fo oyokụt isen n̄kpọ, esịt fo oyonyụn̄ etịn̄ oburobụt ikọ.+ 34  Ndien afo eyetie nte owo eke anyanarede ana ke ufọt inyan̄, nte owo eke anade ke n̄kpono ubom.+ 35  “Mmọ ẹyịbi mi, edi ami ndọn̄ọke; mmọ ẹmia mi, edi ami mfiọkke. Ini ewe ke ami ndidemede?+ Nyọtọn̄ọ ntak nyom efen.”+

Mme Ikọ Idakisọn̄

Heb., “Sheol.”