Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 20;1-30

20  Wine edi asak-nsahi,+ ọkpọsọn̄ mmịn etie uyom uyom,+ ndien kpukpru owo eke ẹyakde enye ada mmọ otụn usụn̄ inyeneke ọniọn̄.+  Ndịk edidem ebiet n̄kụni abak ayara ekpe.+ Owo ekededi eke okotde ifụtesịt esie ọnọ idemesie edue ukpọn̄ esiemmọ.+  Owo nditre ndineni eneni edi ubọn̄,+ edi kpukpru mbon ndisịme ẹbụmede ẹdụk ke esịt.+  Ifu ifụn̄ke isọn̄ ke ini etuep;+ enye eyeben̄e n̄kpọ ke ini ukpen̄e, edi n̄kpọ ndomokiet ididụhe.+  Uduak ke esịt owo ebiet udem,+ edi owo mbufiọk edikot enye osio.+  Ediwak owo ẹyetan̄a ima-mfọnido idemmọ,+ edi anie ekeme ndikụt owo eke anamde akpanikọ?+  Edinen owo asan̄a ke nsọn̄ọnda esie.+ Nditọ esie emi ẹtienede enye ke edem ẹkop inemesịt.+  Edidem etie ke ebekpo ikpe,+ ada enyịn esie asuan kpukpru idiọkn̄kpọ.+  Anie ekeme ndidọhọ: “Mmanam esịt mi asana;+ mmasana ke idiọkn̄kpọ mi”?+ 10  Nsio nsio udomon̄kpọ iba ye nsio nsio udomo ephah iba+—Jehovah ese mmọ mbiba ke mbubiam.+ 11  Se eyenọwọn̄ anamde ke ẹda ẹfiọk m̀mê edinam esie asana onyụn̄ enen.+ 12  Utọn̄ emi okopde ye enyịn emi okụtde—Jehovah akanam mmọ mbiba.+ 13  Kûma idap, mbak udubuene.+ Tat enyịn fo; yụhọ udia.+ 14  Andidep ọdọhọ ete: “Ifọnke, ifọnke!” onyụn̄ ebe ọnyọn̄ esie.+ Ndien enye obụre mbụre aban̄a idemesie.+ 15  Gold odu, eme onyụn̄ odu barasuene; edi n̄kpọkinua ifiọk edi ọsọn̄urua n̄kpọuto.+ 16  Bọ owo ọfọn̄idem edieke enye etiede ubiọn̄ ọnọ esenowo;+ ndien edieke enye eduede ye n̄wan esenidụt, bọ enye ubiọn̄.+ 17  Uyo emi ẹnyenede ke nsu enenem owo,+ edi ekem n̄kwaitiat ọyọhọ enye inua.+ 18  Item anam uduak ọsọn̄ọ ada,+ ndien da eti ndausụn̄ n̄wana ekọn̄ fo.+ 19  Owo eke asan̄ade ọdọk edidọk ayarade ikọ idịbi;+ kûdụk nsan̄a ye owo n̄ken̄inua.+ 20  Amaedi owo ekededi eke osụn̄ide ete esie ye eka esie,+ utuenikan̄ esie eyenịme ke ini ekịm ekperede.+ 21  Inyene emi ẹkọde ke idiọkitọn̄ ke editọn̄ọ+ idinyeneke ufọn ke ini iso.+ 22  Kûdọhọ: “Nyosio usiene idiọk!”+ Dori enyịn ke Jehovah,+ ndien enye ayanyan̄a fi.+ 23  Nsio nsio udomon̄kpọ iba ẹdi mbubiam n̄kpọ ke enyịn Jehovah,+ abian̄a abian̄a udomon̄kpọ inyụn̄ ifọnke.+ 24  Ikpatisan̄ owo oto Jehovah.+ Owo ekeme didie ndifiọk usụn̄ esiemmọ?+ 25  Afia ọkọhọ ọnọ owo eke obụmerede ofiori ete, “Edisana!”+ ndien ke ama akanam akan̄a+ ama enye editie ekere.+ 26  Enyene-ọniọn̄ edidem asuan mme idiọkowo,+ onyụn̄ anam wheel asan̄a mmọ ke idem.+ 27  Ibifịk+ owo edi utuenikan̄ Jehovah, emi etịmde odụn̄ọde ofụri esịt idịbi.+ 28  Ima-mfọnido ye akpanikọ ẹkpeme edidem;+ enye onyụn̄ ada ima-mfọnido omụm ebekpo esie akama.+ 29  Uyai n̄kparawa edi odudu mmọ,+ ndien ubọn̄ n̄kani iren edi iwat mmọ.+ 30  Unan eyet idiọk efep;+ ubọkikpa onyụn̄ eyet ata esịt idịbi.+

Mme Ikọ Idakisọn̄