Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 2;1-22

2  Eyen mi, edieke afo edibọde ikọ mi+ onyụn̄ ekpemede mme ewụhọ mi nte n̄kpọuto,+  man afo akpan̄ utọn̄ ke ọniọn̄,+ onyụn̄ esịn esịt fo ke mbufiọk;+  n̄ko, edieke afo ofioride okot asian+ onyụn̄ emenerede uyo fo okot mbufiọk,+  edieke afo akade iso oyom enye nte silver,+ onyụn̄ akade iso odụn̄ọde oyom enye nte mme n̄kpọuto eke ẹdịbede,+  do, afo ọyọfiọk ndibak Jehovah,+ afo oyonyụn̄ okụt ifiọk Abasi.+  Koro Jehovah ọnọde ọniọn̄;+ ifiọk ye mbufiọk ẹnyụn̄ ẹto enye ke inua.+  Ndien enye eyenịm ata ọniọn̄+ ọnọ ndinen owo; enye edi otuekọn̄ ọnọ mmọ eke ẹsan̄ade ke nsọn̄ọnda,+  ekpeme usụn̄ edinen ikpe,+ onyụn̄ ekpeme usụn̄ mbon oro ẹsọn̄ọde ẹda ye enye.+  Ndien afo ọyọfiọk edinen ido ye edinen ikpe ye se inende, kpa ofụri se ifọnde.+ 10  Ke ini ọniọn̄ odụkde fi esịt,+ ifiọk onyụn̄ enemde ukpọn̄ fo,+ 11  ukeme ukere n̄kpọ eyekpeme fi,+ mbufiọk oyonyụn̄ ekpeme fi,+ 12  man osio fi ke idiọk usụn̄,+ ke ubọk owo eke etịn̄de mbukpo ikọ,+ 13  ye mmọ eke ẹkpọn̄de usụn̄ edinen ido ẹkesan̄a ke usụn̄ ekịm,+ 14  ye mmọ eke ẹdarade ndinam idiọk,+ emi ẹdatde esịt ke mme obukpo idiọkn̄kpọ;+ 15  mmọ eke usụn̄ mmọ akwan̄ade, emi ofụri usụn̄ uwem mmọ edide abian̄a;+ 16  man osio fi ke ubọk esen an̄wan, ke ubọk an̄wan esenidụt+ emi etịn̄de ndinem ikọ,+ 17  emi ọkpọn̄de akpan ufan ini uyen+ esie onyụn̄ efrede ediomi Abasi+ esie. 18  Koro ufọk esie osụhọrede aka n̄kpa, usụn̄+ esie onyụn̄ osụhọrede aka ebiet mbon oro mînyeneke odudu ke n̄kpa. 19  Baba kiet ke otu mbon oro ẹnyenede ebuana ye enye idifiakke idi, mmọ idinyụn̄ ifiakke isan̄a ke usụn̄ mme odu-uwem.+ 20  Man afo akpasan̄a ke usụn̄ nti owo+ okponyụn̄ etiene usụn̄ ndinen owo.+ 21  Koro ndinen owo ẹyedụn̄ ke isọn̄,+ mmọ eke mînyeneke nduduọhọ ẹyenyụn̄ ẹsụhọ ke esịt.+ 22  Edi ẹyesobo mme idiọkowo ẹfep ke isọn̄;+ ndien amaedi mbon abian̄a, ẹyesọhi mmọ ẹfep ke esịt.+

Mme Ikọ Idakisọn̄