Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 18;1-24

18  Owo eke adian̄arede etie ikpọn̄ ediyom ibụk ibụk udọn̄ idemesie;+ enye oyofụmi kpukpru ata ọniọn̄.+  Owo ekededi emi edide ndisịme idatke esịt ke mbufiọk,+ ibọhọke ndiyarade se idude enye ke esịt.+  Ke ini idiọkowo edide, emiom edi n̄ko;+ esuene+ onyụn̄ asan̄a ye bụt.  Ikọ inua owo edi udem.+ Idịm ọniọn̄ edi mmọn̄ eke otopde ọwọrọ.+  Ifọnke nditen̄e idiọkowo enyịn,+ m̀mê ndikwan̄a ikpe edinen owo.+  N̄kpọkinua ndisịme owo odụk utọk,+ inua esie onyụn̄ okot ikpa.+  Inua ndisịme owo edi nsobo ọnọ enye,+ n̄kpọkinua esie onyụn̄ edi afia ọnọ ukpọn̄ esie.+  Ikọ owo edidọk etie nte n̄kpọ eke ẹmende ke en̄weme,+ emi osụhọrede odụk ata esịt idịbi.+  N̄ko, owo eke ọnuọnde ubọk ke utom esie+ edi eyeneka ye owo atahade.+ 10  Enyịn̄ Jehovah edi ọkpọsọn̄ tọwa.+ Edinen owo efehe odụk ke esịt ndien ẹkpeme enye.+ 11  Mme ọsọn̄urua n̄kpọ imọ owo edi ọkpọsọn̄ obio esie,+ mmọ ẹnyụn̄ ẹtie nte ibibene ukpeme ke ekikere esie.+ 12  Esịt iseri ebem iduọ iso,+ nsụhọdeidem onyụn̄ ebem ubọn̄ iso.+ 13  Owo ekededi eke ọbọrọde ikọ ke ini enye mîkopke kan̄a,+ oro edi ndisịme ye esuene ọnọ enye.+ 14  Spirit owo ekeme ndiyọ udọn̄ọ esie;+ edi anie ekeme ndiyọ spirit eke obụn̄ọde?+ 15  Esịt asian ọkọ ifiọk,+ utọn̄ mbon ọniọn̄ onyụn̄ odụn̄ọde oyom ifiọk.+ 16  Enọ eyeberede akamba ufan̄ ọnọ owo,+ onyụn̄ ada enye aka iso ikpọ owo.+ 17  Owo emi ebemde iso etịn̄ ikọ ke itie ikpe edi edinen;+ nsan̄a esie odụk edi onyụn̄ odụn̄ọde enye ese.+ 18  Afia akam ebiere utọk,+ onyụn̄ adian̄ade ọkpọsọn̄ owo kiet ye eken.+ 19  Eyenete emi ẹduede enye akan ọkpọsọn̄ obio;+ ndien utọk odu eke ebietde eto usịnusụn̄ tọwa ufọkidụn̄.+ 20  Owo ayada mbun̄wụm inua esie oyụhọ idịbi esie;+ mfri n̄kpọkinua esie oyonyụn̄ oyụhọ enye.+ 21  N̄kpa ye uwem ẹdu edeme+ ke ubọk, ndien owo eke amade enye ayadia mbun̄wụm esie.+ 22  Nte owo okụt eti n̄wanndọ?+ Do, owo okụt eti n̄kpọ,+ owo onyụn̄ enyene mfọn Jehovah.+ 23  Ubuene ekpekpe ubọk,+ edi owo inyene ọbọrọ uyat uyat.+ 24  Odu mme nsan̄a emi ẹbiatde kiet eken,+ edi odu ufan emi adianade owo akan eyeneka.+

Mme Ikọ Idakisọn̄