Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 17;1-28

17  Ekpri nsat uyo ke ifụre+ ọfọn akan unam uwa emi ọyọhọde ufọk emi utọk odude.+  Asan̄autom emi enyenede ikike ayakara eyen emi anamde n̄kpọ o-bụt,+ oyonyụn̄ enyene udeme ke otu nditọete esie.+  Ẹnịm eso utịm ẹnọ silver ẹnyụn̄ ẹnịm ikan̄ utịm ẹnọ gold,+ edi Jehovah edi andidụn̄ọde esịt.+  Anamidiọk akpan̄ utọn̄ ọnọ n̄kpọkinua ibak.+ Owo abian̄a akpan̄ utọn̄ ọnọ edeme afanikọn̄.+  Owo eke asakde ubuene nsahi esuene Andinam enye.+ Owo eke adarade ke afanikọn̄ owo efen idibọhọke ufen.+  Nditọ nditọ ẹdi anyanya n̄kani iren,+ mme ete ẹnyụn̄ ẹdi uyai nditọ mmọ.+  N̄kpọkinua edinen ido idotke owo ekededi emi ananade ibuot.+ N̄wan̄wadise n̄kpọkinua nsu ndidot ye ọbọn̄!+  Enọ edi ọsọn̄urua itiat emi anamde andinyene enye okụt mfọn.+ Enye okụt unen ke kpukpru ebiet emi enye ọwọn̄ọrede aka.+  Owo emi ofụkde ndudue oyom ima,+ owo eke onyụn̄ eyịrede etịn̄ aban̄a n̄kpọ adian̄ade mme ufan.+ 10  Nsuannọ odụk asian idem+ akan ndimia ndisịme owo utịm ike-ikie.+ 11  Idiọkowo osụk oyom ndisọsọn̄ ibuot,+ ndien ẹdọn̄ isụn̄utom ibak ẹnọ enye.+ 12  Ọfọn owo ndisobo ye bear eke ẹwotde nditọ esie+ akan ndisobo ye ndisịme owo ke ebiọ esie.+ 13  Amaedi owo ekededi eke adade idiọk osio usiene eti,+ idiọkn̄kpọ idikpọn̄ke ufọk esie.+ 14  Nditọn̄ọ en̄wan etie nte owo ndin̄wan̄a mmọn̄ nduọk;+ ke utọk mîka-isiahake kan̄a, daha.+ 15  Owo ekededi eke etebede idiọkowo ikpe nte edinen owo+ ye owo ekededi eke obiomde edinen owo ikpe nte idiọkowo+—mmọ mbiba ẹdi mbubiam n̄kpọ ke enyịn Jehovah.+ 16  Ntak emi ekọmurua odude ke ubọk ndisịme owo ndida nnyene ọniọn̄,+ ke ini enye ananade ibuot?+ 17  Ata ufan amama ufan kpukpru ini,+ onyụn̄ edi eyeneka emi amanade ọnọ ini nnanenyịn.+ 18  Anana-ibuot owo ọnọ owo ubọk,+ etie ubiọn̄ ke iso ufan esie.+ 19  Owo ekededi eke amade ubiatibet ama en̄wan.+ Owo ekededi eke anamde enyịnusụn̄ esie okon̄ oyom iduọ.+ 20  Owo eke esịt esie akwan̄ade idikwe se ifọnde,+ ndien owo eke edeme esie oyokde nyok ọyọduọ odụk afanikọn̄.+ 21  Ndisịme eyen edi n̄kpọ mfụhọ ọnọ owo ekededi eke obonde enye;+ ete anana-ibuot eyen inyụn̄ ikopke idatesịt.+ 22  Esịt eke adarade ọkọk ubiak,+ edi edu mfụhọ an̄wan owo ọkpọ.+ 23  Idiọkowo ọyọbọ ubọkedem emi ẹsiode ke ikpanesịt+ man oyụrọde ikpe.+ 24  Ọniọn̄ odu asian ke iso,+ edi enyịn ndisịme owo odu ke utịt isọn̄.+ 25  Ndisịme eyen edi iyatesịt ọnọ ete esie+ onyụn̄ ọdiọk eka emi akamande enye esịt.+ 26  N̄ko-n̄ko, ifọnke ndidia edinen owo isop.+ Inenke ndimia mbọn̄.+ 27  Owo ekededi eke afarade ke ikọ esie enyene ifiọk,+ owo mbufiọk onyụn̄ enyene ifụre ifure edu.+ 28  Ẹkam ẹbat ndisịme ke owo ọniọn̄ ke ini enye odopde uyo;+ ẹnyụn̄ ẹbat owo ekededi eke ekịbide inua esie ke asian.

Mme Ikọ Idakisọn̄