Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Mme N̄ke 15;1-33

15  Sụn̄sụn̄ ibọrọ osụk ifụtesịt,+ edi uyat uyat ikọ edemede iyatesịt.+  Edeme mbon ọniọn̄ an̄wan̄a ifiọk,+ edi inua mbon ndisịme osion̄o ebiọ.+  Enyịn Jehovah odu ke kpukpru ebiet,+ ese mme idiọkowo ye nti owo.+  Sụn̄sụn̄ edeme edi eto uwem,+ edi ukwan̄ikọ obụn̄ spirit.+  Owo ekededi emi edide ndisịme omiom ntụnọ ete+ esie, edi owo eke ọbọde nsuannọ enyene mbufiọk.+  Ekese inyene odu ke ufọk edinen owo,+ edi mbun̄wụm idiọkowo edi afanikọn̄.+  N̄kpọkinua mbon ọniọn̄ asuan ifiọk,+ edi esịt mbon ndisịme inamke ntre.+  Jehovah ese uwa mme idiọkowo ke mbubiam,+ edi akam ndinen owo enem enye esịt.+  Jehovah ese usụn̄ idiọkowo ke mbubiam,+ edi enye ama owo eke ebịnede edinen ido.+ 10  Owo eke awahade ọkpọn̄ usụn̄ ese ntụnọ ke idiọk;+ owo ekededi eke asuade nsuannọ ayakpa.+ 11  Udi* ye ebiet nsobo+ ẹdu Jehovah ke iso.+ N̄wan̄wadise esịt nditọ owo!+ 12  Asak-nsahi imaha owo eke asuade ọnọ enye.+ Enye idikaha+ ibịne mbon ọniọn̄. 13  Esịt idara anam iso ayama,+ edi mfụhọ esịt anam spirit obụn̄ọ.+ 14  Esịt asian odụn̄ọde oyom ifiọk,+ edi inua mbon ndisịme oyom ebiọ.+ 15  Kpukpru usen owo ukụt ẹdọdiọk;+ edi owo inemesịt adia usọrọ kpukpru ini.+ 16  Esisịt n̄kpọ eke asan̄ade ye uten̄e Jehovah+ ọfọn akan ọkpọmiọk eke asan̄ade ye ndutịme.+ 17  Ikọn̄ eke ẹdiade ke ebiet emi ima odude+ ọfọn akan isek isek enan̄ eke ẹtade ye usua ke esịt.+ 18  Owo ifụtesịt edemede utọk,+ edi owo eke mîsọpke iyatesịt osụk utọk.+ 19  Usụn̄ owo ifu ebiet ọkọ n̄kukịm,+ edi usụn̄ ndinen owo edi ọkpọusụn̄ emi ẹdiọn̄de.+ 20  Eyen emi enyenede ọniọn̄ adat ete esie esịt,+ edi ndisịme owo ese eka esie ke ndek.+ 21  Ebiọ edi n̄kpọ idara ọnọ anana-ibuot owo,+ edi owo mbufiọk ọsọn̄ọ odu ke nnennen usụn̄.+ 22  Unana edisop ibuot anam uduak okpu,+ edi ẹkụt unen ke ini mme ọnọitem ẹwakde.+ 23  Owo okop idatesịt ke ibọrọ inua esie,+ ndien ikọ eke ẹtịn̄de ke nnennen ini ọfọn didie ntem!+ 24  Usụn̄ uwem ana ke enyọn̄ ọnọ owo ikike,+ man enye ọwọn̄ọde ọkpọn̄ Udi* ke idak isọn̄.+ 25  Jehovah oyowụri ufọk mbon ntan̄idem,+ edi enye ọyọsọn̄ọ owụk adan̄a mme ebeakpa.+ 26  Uduak idiọkowo edi mbubiam n̄kpọ ke enyịn Jehovah,+ edi ndinem ikọ ẹdi edisana.+ 27  Owo eke adiade idiọk udori ada afanikọn̄ ọsọk ufọk esie,+ edi owo eke asuade enọ oyodu uwem.+ 28  Esịt edinen owo etie ekere man ọbọrọ,+ edi inua mme idiọkowo an̄wan̄a idiọk ikọ.+ 29  Jehovah ada nsannsan ye mme idiọkowo,+ edi enye okop akam ndinen owo.+ 30  Nyayama enyịn+ anam esịt adara;+ eti etop+ anam ọkpọ enyene ndia.+ 31  Utọn̄ eke okopde nsuannọ+ emi ọnọde uwem odu ke otu mbon ọniọn̄.+ 32  Owo ekededi eke esịnde ntụnọ+ esịn ukpọn̄ esiemmọ, edi owo eke ọbọde nsuannọ enyene esịt ọniọn̄.+ 33  Ndibak Jehovah ekpep owo ndinam n̄kpọ ye ọniọn̄,+ nsụhọdeidem onyụn̄ ebem ubọn̄ iso.+

Mme Ikọ Idakisọn̄

Heb., “Sheol.”
Heb., “Sheol.”