Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 14;1-35

14  N̄wan emi enyenede ọniọn̄ ọbọp ufọk esie,+ edi ndisịme an̄wan ada ubọk esie owụri ufọk esie.+  Owo eke asan̄ade ke edinen ido abak Jehovah,+ edi owo eke usụn̄ esie akwan̄ade esịn Enye ke ndek.+  Eto iseri odu ndisịme owo ke inua,+ edi n̄kpọkinua mbon ọniọn̄ eyekpeme mmọ.+  Usịnudia asana ke enan̄ mîdụhe, edi odudu ayara enan̄ esịn mbun̄wụm awak.  Ntiense akpanikọ idibian̄ake abian̄a,+ edi ntiense nsu abian̄a abian̄a.+  Asak-nsahi oyom ọniọn̄, ndien ikwe; edi ifiọk edi mmemmem n̄kpọ ọnọ asian.+  Daha ke iso ndisịme owo,+ koro afo udukwe ifiọk ke n̄kpọkinua esie.+  Ọniọn̄ owo mbufiọk edi ndidiọn̄ọ usụn̄ esie,+ edi ebiọ mme ndisịme edi abian̄a.+  Mbon oro ẹdade idiọkido ẹsak nsahi ẹdi ndisịme,+ edi n̄kemuyo odu ke otu ndinen owo.+ 10  Esịt owo ọfiọk mfụhọ ukpọn̄ esie,+ ndien esenowo idinọhọke ke idatesịt esie. 11  Ẹyesobo ufọk mme idiọkowo ẹfep,+ edi tent ndinen owo ayatara.+ 12  Enyene usụn̄ eke enende owo ke enyịn,+ edi utịt esie edi usụn̄ n̄kpa.+ 13  Owo ekeme ndisak imam edi esịt esie odu ke ubiak;+ idatesịt onyụn̄ osụn̄ọ ke mfụhọ.+ 14  Owo eke mînamke akpanikọ ke esịt esie ọyọbọ utịp usụn̄ esie,+ edi eti owo ọyọbọ utịp edinam esie.+ 15  Ọkọi ọbuọt idem ke kpukpru ikọ,+ edi owo mbufiọk ekere ikpatisan̄ esie.+ 16  Owo ọniọn̄ enyene mbak onyụn̄ ọwọn̄ọde ọkpọn̄ se idiọkde,+ edi ndisịme owo ofụt esịt onyụn̄ ọbuọt idem ke idemesie.+ 17  Owo eke ọsọpde iyatesịt ayanam ndisịme,+ edi ẹsua owo emi enyenede ukeme ukere n̄kpọ.+ 18  Ebiọ mme ọkọi ọyọwọrọ owụt idem,+ edi mbon mbufiọk ẹyeyara ifiọk nte mbana ibuot.+ 19  Mme idiọkowo ẹyenụhọ ke iso nti owo,+ mme anamidiọk ẹyenyụn̄ ẹnụhọ ke inuaotop edinen owo. 20  Owo akam asasua ekemmọ owo emi edide ubuene,+ edi imọ owo enyene ediwak ufan.+ 21  Owo eke esede ekemmọ owo ke ndek anam idiọkn̄kpọ,+ edi owo eke atuade mbon ukụt mbọm okop inemesịt.+ 22  Nte mbon oro ẹduakde ibak idisan̄ake iyo?+ Edi ima-mfọnido ye akpanikọ ẹna ẹbet mbon oro ẹduakde se ifọnde.+ 23  Kpukpru orụk utom ẹnyene ufọn,+ edi ikọ n̄kpọkinua osụn̄ọ ke unana. 24  Anyanya mbon ọniọn̄ edi inyene mmọ; mbon ndisịme ẹtak ke ndisịme.+ 25  Ntiense akpanikọ anyan̄a ukpọn̄,+ edi owo abian̄a osu nsu.+ 26  Ndibak Jehovah anam owo enyene ọkpọsọn̄ mbuọtidem,+ ndien nditọ esie ẹyenyene ebiet ubọhọ.+ 27  Ndibak Jehovah edi idịm uwem,+ anam owo ọwọn̄ọde ọkpọn̄ afia n̄kpa.+ 28  Uwak owo ẹdi mbana edidem,+ edi unana owo edi nsobo ọbọn̄.+ 29  Owo eke mîsọpke iyatesịt enyene akwa mbufiọk,+ edi owo eke ananade ime owụt ndisịme esie.+ 30  Sụn̄sụn̄ esịt edi uwem obụkidem,+ edi ufụp edi nyap ọkpọ.+ 31  Owo eke otụkde usụhọde owo esuene Andinam enye,+ edi owo eke atuade ubuene mbọm ọnọ Enye ubọn̄.+ 32  Ẹyenụk idiọkowo ẹduọk ke ntak idiọkn̄kpọ esie,+ edi edinen owo eyenyene ubọhọ ke nsọn̄ọnda esie.+ 33  Ọniọn̄ odu asian ke esịt,+ ẹnyụn̄ ẹdiọn̄ọ enye ke otu mme ndisịme. 34  Edinen ido anam obio enyene ubọn̄,+ edi idiọkn̄kpọ edi n̄kpọ esuene ọnọ mme idụt.+ 35  Asan̄autom emi adade ikike anam n̄kpọ edi inemesịt edidem,+ edi ifụtesịt esie esịm enye emi anamde n̄kpọ o-bụt.+

Mme Ikọ Idakisọn̄