Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme N̄ke 10;1-32

10  Mme N̄ke Solomon.+ Eyen emi enyenede ọniọn̄ anam ete esie adara,+ edi ndisịme eyen edi mfụhọ eka esie.+  N̄kpọuto idiọkowo idinyeneke ufọn,+ edi edinen ido ayanyan̄a owo osio ke n̄kpa.+  Jehovah idiyakke ukpọn̄ edinen owo akpa biọn̄,+ edi enye ayabiat se idọn̄de mme idiọkowo efep.+  Owo eke ọnuọnde ubọk ke utom esie eyebuene,+ edi ubọk owo nsịnifịk ayanam enye oforo.+  Eyen emi anamde n̄kpọ ye ikike atan̄ n̄kpọ obon ke ndaeyo; eyen emi edede ọkpọsọn̄ idap ke ini ukpen̄e edidia bụt.+  Edidiọn̄ odoro edinen owo ke ibuot,+ edi inua mme idiọkowo ededịp afai.+  Ẹyetoro edinen owo ke ini ẹtide enye,+ edi enyịn̄ mme idiọkowo ayabiara.+  Owo emi enyenede esịt ọniọn̄ eyenịm mme ewụhọ,+ edi ẹyedịghi owo emi n̄kpọkinua esie etịn̄de ndisịme.+  Owo eke asan̄ade ke nsọn̄ọnda ayasan̄a ke ifụre,+ edi owo eke akwan̄ade usụn̄ esie ayanam ẹdiọn̄ọ enye.+ 10  Owo eke ekepde enyịn ọyọnọ ubiak,+ ndien ẹyedịghi owo emi n̄kpọkinua esie etịn̄de ndisịme.+ 11  Inua edinen owo edi idịm uwem;+ edi inua mme idiọkowo ededịp afai.+ 12  Usua edemede utọk,+ edi ima ofofụk kpukpru ndudue.+ 13  Ẹkụt ọniọn̄ ke n̄kpọkinua owo emi edide asian,+ edi eto enyene edem anana-ibuot owo.+ 14  Mbon ọniọn̄ ẹda ifiọk ke ọsọn̄urua,+ edi inua ndisịme owo ekpere nsobo.+ 15  Mme ọsọn̄urua n̄kpọ owo inyene edi ọkpọsọn̄ obio esie.+ N̄wụre mme usụhọde owo edi unana mmọ.+ 16  Utom edinen owo osụn̄ọ ke uwem;+ udori idiọkowo osụn̄ọ ke idiọkn̄kpọ.+ 17  Owo eke ọbọde ntụnọ odu ke usụn̄ uwem,+ edi owo eke ọkpọn̄de nsuannọ anam owo oyo.+ 18  N̄kpọkinua abian̄a odu ke ebiet emi owo edịpde usua,+ ndien owo eke adade idiọk etop edi, edi ndisịme.+ 19  Owo eke etịn̄de ediwak ikọ itreke ndidue,+ edi owo eke afarade n̄kpọkinua esie anam n̄kpọ ye ọniọn̄.+ 20  Edeme edinen owo edi ata eti silver;+ esịt idiọkowo edi obukpo.+ 21  N̄kpọkinua edinen owo ọbọk ediwak owo,+ edi ndisịme owo akpa ke ntak unana ibuot.+ 22  Edidiọn̄ Jehovah ofori owo,+ enye inyụn̄ idianke ubiak ke esịt.+ 23  Ndisịme owo ada edinam obukpo ido nte mbre,+ edi owo mbufiọk enyene ọniọn̄.+ 24  N̄kpọ emi anamde idiọkowo ndịk—kpa oro edisịm enye;+ edi ẹyeyụhọ udọn̄ ndinen owo.+ 25  Idiọkowo eyebe efep kpa nte ọkpọsọn̄ ofụm emi efịmede ebe;+ edi edinen owo edi itiat idakisọn̄ ke nsinsi.+ 26  Nte vinegar ke edet ye nte nsụn̄ikan̄ ke enyịn, kpa ntre ke ifu etie ye mbon oro ẹdọn̄de enye utom.+ 27  Uten̄e Jehovah ayanam mme usen owo ẹwak,+ edi ẹyesịbe isua mme idiọkowo omụhọ.+ 28  Idotenyịn ndinen owo edi idatesịt,+ edi idotenyịn mme idiọkowo ayatak.+ 29  Usụn̄ Jehovah edi ọkpọsọn̄ ebiet ọnọ owo emi mînyeneke nduduọhọ,+ edi nsobo ana ebet mbon ibak.+ 30  Edinen owo idisehekede ke nsinsi;+ edi amaedi mme idiọkowo, mmọ idikaha iso idụn̄ ke isọn̄.+ 31  Inua edinen owo on̄wụm mfri ọniọn̄,+ edi ẹyesịbe edeme eke etịn̄de obukpo ikọ ẹfep.+ 32  N̄kpọkinua edinen owo ọfiọk mfọnido,+ edi inua mme idiọkowo edi obukpo.+

Mme Ikọ Idakisọn̄