Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Mme N̄ke 1;1-33

1  Mme n̄ke+ Solomon,+ eyen David,+ edidem Israel,+  man owo enyene ọniọn̄+ onyụn̄ ọbọ ntụnọ,+ man ọfiọk mme ikọ asian,+  man ọbọ ntụnọ+ emi anamde ẹnyene ikike,+ edinen ido+ ye edinen ikpe,+ ye eti uwem,+  man ọkọi enyene mbufiọk,+ akparawa enyene ifiọk+ ye ukeme ukere n̄kpọ.+  Owo ọniọn̄ ayakpan̄ utọn̄ onyụn̄ aka iso ọbọ item,+ enyene-ibuot owo oyonyụn̄ ọbọ eti ndausụn̄,+  man ọfiọk n̄ke ye ikọ eke ayan̄ade owo ifiọk,+ kpa mme ikọ mbon ọniọn̄+ ye mme n̄ke+ mmọ.  Ndibak Jehovah edi ntọn̄ọ ifiọk.+ Mme ndisịme ẹse ọniọn̄ ye ntụnọ ke ndek.+  Eyen mi, bọ ntụnọ usọ,+ kûnyụn̄ ukpọn̄ ibet uka.+  Koro mmọ ẹdide ediye anyanya ke ibuot+ fo ye ediye n̄kpọitọn̄ ke itọn̄+ fo. 10  Eyen mi, edieke mme anamidiọk ẹdomode nditap fi, kûnyịme.+ 11  Edieke mmọ ẹsụk ẹdọhọde ẹte: “Tiene nnyịn. Yak nnyịn ikedịbe man iduọk iyịp.+ Yak nnyịn ke unana ntak ikedịbe ibet mmọ eke mîduehe.+ 12  Yak nnyịn imen mmọ imen ye uwem+ nte Udi,*+ imen mmọ mfụri nte mmọ eke ẹsụhọrede ke obube.+ 13  Yak nnyịn iyom kpukpru orụk ọsọn̄urua inyene.+ Yak nnyịn ida n̄kpọ mbụme+ iyọhọ ufọk nnyịn. 14  Dụk ndụk ye nnyịn. Yak kpukpru nnyịn inyene ekpat kiet kpọt”+ 15  eyen mi, kûtiene mmọ udụk usụn̄ oro.+ Sio ukot fo fep ke usụn̄ mmọ.+ 16  Koro ukot mmọ efehede ebịne idiọk,+ mmọ ẹnyụn̄ ẹsọpde ẹka ndiduọk iyịp.+ 17  Koro ke ikpîkpu ke ẹsịn iyịre ẹnọ edibotn̄kpọ ekededi emi enyenede mba.+ 18  Ntem, mmọ ẹdịbe man ẹduọk iyịp mbon emi;+ mmọ ẹdịbe ẹbet ukpọn̄ mmọ.+ 19  Usụn̄ kpukpru mmọ emi ẹdiade idiọk udori+ etie ntem. Enye ada ukpọn̄ mme andinyene enye.+ 20  Ata ọniọn̄+ ke ofiori ke efak.+ Enye ke emenede uyo esie ke an̄wa obio.+ 21  Enye ada ke uyom uyom mbuot efak ofiori okot.+ Ada ke mme inuaotop obio ọdọhọ ete:+ 22  “Adan̄a didie ke mbufo mme ọkọi ẹdima ọkọi,+ adan̄a didie ke mbufo mbon nsahi ẹdinyụn̄ ẹma nsahi,+ adan̄a didie ke mbufo mme ndisịme ẹdinyụn̄ ẹsua ifiọk?+ 23  Ẹkop nsuannọ+ mi ẹnyụn̄ ẹfiak edem. Ndien ami nyanam spirit mi ọwọrọ ọnọ mbufo;+ nyanam mbufo ẹfiọk ikọ mi.+ 24  Koro ami mmofiori n̄kot edi mbufo iyereke,+ mmanyan ubọk mi edi idụhe owo eke esede,+ 25  ndien mbufo ẹmefụmi kpukpru item+ mi, inyụn̄ inyịmeke+ ndibọ nsuannọ mi, 26  ami n̄ko nyasak mbufo ke ini afanikọn̄ mbufo,+ nyasak mbufo ke ini se inamde mbufo ndịk edide,+ 27  ke ini se inamde mbufo ndịk edide nte oyobio, afanikọn̄ mbufo onyụn̄ edide edisịm nte ọkpọsọn̄ ofụm,+ ke ini nnanenyịn ye ukụt ẹsịmde mbufo.+ 28  Ke ini oro mmọ ẹyeseme ẹkot mi, edi ndiyereke;+ mmọ ẹyeyom mi, edi idikwe mi,+ 29  koro mmọ ẹkesuade ifiọk,+ mîkonyụn̄ imekke ndibak Jehovah.+ 30  Mmọ ikenyịmeke ndibọ item mi;+ mmọ ẹkese kpukpru nsuannọ mi ke ndek.+ 31  Ntre mmọ ẹyedia mbun̄wụm usụn̄ mmọ,+ ẹyenyụn̄ ẹyụhọ ye uduak+ idemmọ. 32  Koro nsọn̄ibuot+ mme ọkọi oyowot mmọ,+ ndien mfreidem mme ndisịme oyosobo mmọ.+ 33  Edi, owo eke okopde uyo mi oyodụn̄ ke ifụre+ inyụn̄ ikopke ndịk afanikọn̄.”+

Mme Ikọ Idakisọn̄

Heb., “Sheol.” Se N̄w. Ik. 5.