Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ikwọ Solomon 8;1-14

8  “Ubaha nte afo ekpetiede nte eyeneka mi eren,+ emi akawapde eba eka+ mi! Edieke n̄kpokụtde fi ke an̄wa, ami n̄kpetịm fi inua.+ Mme owo ikpesehe mi ke ndek.  Ami n̄kpada fi usụn̄, n̄kpada fi ndụk ufọk eka+ mi, emi ọkọnọde mi ukpep. N̄kpọnọ fi edifuọn̄ wine+ ọn̄wọn̄, ye obufa mmọn̄ mfri pomegranate.  Ubọk ufien esie okpodu mi ke idak ibuot; ubọk nnasia esie okponyụn̄ afat mi.+  “O nditọiban Jerusalem, mmowụk mbufo nte ẹkûdomo ndidemede ima ke esịt mi tutu enye edemede ikpọn̄.”+  “Anie edi n̄wan+ emi otode wilderness ọdọk edi,+ emi awan̄ade ama esie?”+ “Ami n̄kedemede fi ke idak eto apple. Do ke eka fo okodu ke ini ubiak uman okotụkde enye. Do ke enye emi akamande fi okokop ubiak uman.+  “Nịm mi nte ufịkn̄kpọ ke esịt fo, nte ufịkn̄kpọ ke ubọk fo;+ koro ima ọsọn̄de odudu nte n̄kpa,+ edisọn̄ọ nyịre ke san̄asan̄a ima+ ọsọn̄ odudu nte Udi.* Enye asasak nte ikan̄, kpa edemeikan̄ Jah.+  Ediwak mmọn̄ ikemeke ndinịme ima,+ akpa mmọn̄ inyụn̄ ikemeke ndiyet enye mfep.+ Owo ọkpọnọ kpukpru ọsọn̄urua inyene ufọk esie kaban̄a ima, ẹkpesịn mmọ ke ndek.”  “Nnyịn imenyene ekpri eyeneka an̄wan+ emi mînyeneke eba. Nso ke nnyịn idinam inọ eyeneka nnyịn an̄wan ke usen eke ẹdibụpde ẹban̄a enye?”  “Edieke enye edide ibibene,+ nnyịn iyọbọp mbana silver idori ke enye; edi edieke enye edide usụn̄,+ nnyịn iyada obukpọk cedar ikọn̄ enye isịri.” 10  “Ami ndi ibibene, eba mi ẹnyụn̄ ẹbiet tọwa.+ Ami ntie ke enyịn esie nte n̄wan emi okụtde emem. 11  “Solomon ama enyene in̄wan̄ vine ke Baal-hamon. Enye ayak in̄wan̄ vine+ oro ọnọ mme andikpeme.+ Mmọ kiet kiet ẹda mbak silver tọsịn kiet ẹnọ ke mbun̄wụm esie. 12  “In̄wan̄ vine mi, emi edide okịmmọ, esịne mi ke ubọk. Tọsịn kiet edi okwommọ, O Solomon, ikie iba ẹnyụn̄ ẹdi eke mme andikpeme mbun̄wụm esie.” 13  “O afo emi odụn̄de ke in̄wan̄,+ mme nsan̄a fo ke ẹkop uyo fo. Nam mi n̄kop enye.”+ 14  “Ama mi, fehe di, nyụn̄ biet akan̄ m̀mê abak ayara edop ke mme enyọn̄ obot emi mme eto ufuọn̄ ẹkọride.”+

Mme Ikọ Idakisọn̄

Heb., “Sheol.” Se N̄w. Ik. 5.