Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ikwọ Solomon 7;1-13

7  “Ikpatisan̄ fo eye didie ntem ke ikpaukot fo,+ O eyenan̄wan unyịmesịt!+ Ndiye ifụhi fo ẹbiet n̄kpọmbana+ emi anamusọ anamde.  Ekop fo ebiet ekara usan. Kûyak mbuaha wine+ anana ke esịt. Idịbi fo ebiet ebok wheat, emi ẹdade ekpon̄idịm+ esịn ọkọ ẹkanade.  Eba fo mbiba ẹbiet nditọ uman akan̄+ iba, emi ẹdide amanamba.  Itọn̄+ fo ebiet tọwa nnụkenen. Enyịn+ fo ẹbiet n̄kpọdiọhọ mmọn̄ Heshbon+ ke inuaotop Bath-rabbim. Ibuo fo ebiet tọwa Lebanon, emi esede Damascus.  Ibuot fo ebiet Carmel,+ idet+ emi ẹtan̄de fi ke ibuot ẹbiet idet erọn̄ emi enyenede uduot mmọn̄ibọn̄.+ Nduọ-nduọ idet fo omụm esịt edidem.+  O edima eyenan̄wan, afo eye uyai didie ntem, onyụn̄ eye ido didie ntem, ke otu se inọde ata idatesịt!+  Idaha fo emi ebiet eyop,*+ eba+ fo ẹnyụn̄ ẹbiet mme uyọ mfri date.  N̄kọdọhọ nte, ‘Nyọdọk eyop, man n̄kpomụm itọn̄ mfri date.’+ Mbọk, yak eba fo ẹtie nte mme uyọ vine, ufuọn̄ ibuo fo onyụn̄ ebiet eke apple,  nsịn̄ fo onyụn̄ ebiet ata eti wine+ emi enemde+ ama mi ke inua, osụhọrede sụn̄sụn̄ ke n̄kpọkinua mbon emi ẹdede idap.” 10  “Ami ndi eke ama mi,+ ndien itọn̄ mi ọdọn̄ enye.+ 11  O ama mi, di nnyịn iwọrọ ika in̄wan̄;+ yak ikodu ke otu eto henna.+ 12  Yak nnyịn ibak idemede ika in̄wan̄ vine, man ikese m̀mê vine esehe,+ m̀mê enye osion̄o mfri,+ m̀mê mme eto pomegranate ẹnyụn̄ ẹsion̄o ikọn̄.+ Do ke ndiwụt fi ima mi.+ 13  Eto mandrake+ ẹsion̄o ufuọn̄ mmọ, kpukpru orụk nti mfri+ ẹnyụn̄ ẹdu ke inuaotop nnyịn. O ama mi, mmenịm mmọ nnọ fi, mbufa ọkọrọ ye n̄kani.

Mme Ikọ Idakisọn̄

Emi edi orụk eyop emi ọkọride ke Palestine.