Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ikwọ Solomon 3;1-11

3  “N̄kana ke bed mi ke okoneyo nyom enye emi ukpọn̄ mi amade.+ Nyom enye, edi n̄kwe.  Yak ndaha ke enyọn̄, nnyụn̄ nsan̄a n̄kanade obio;+ yak nyom enye emi ukpọn̄ mi amade ke mme efak ye ke mme an̄wa obio.+ Mmoyom enye, edi n̄kwe.  Mbon ukpeme+ emi ẹsan̄ade ẹkanade obio ẹkụt mi, ndien mbụp mmọ nte, ‘Nte mbufo ẹmekụt enye emi ukpọn̄ mi amade?’  Ke n̄kpọn̄de mmọ esisịt, ami n̄kụt enye emi ukpọn̄ mi amade. Mmụm enye n̄kama, nnyụn̄ nnyịmeke ndisana enye nyak, tutu nda enye ndụk ufọk eka mi ye esịt ubet enye emi okoyomode mi.  O nditọiban Jerusalem, mmada uman akan̄ m̀mê uman edop ke ikọt+ n̄wụk+ mbufo, nte mbufo ẹkûdomo ndidemede ima ke esịt mi tutu enye edemede ikpọn̄.”+  “Nso idi emi otode wilderness ọdọk edi nte adaha nsụn̄ikan̄, emi osion̄ode ufuọn̄ myrrh ye frankincense,+ ye kpukpru orụk enem-utebe powder anyamurua?”+  “Sese! Edi n̄kpana esie, eke Solomon. N̄kpọsọn̄ owo ata ke otu n̄kpọsọn̄ owo Israel ẹkan enye ẹkụk,+  kpukpru mmọ ẹkama akan̄kan̄, ẹma ẹnyụn̄ ẹkpep mmọ ekọn̄, mmọ kiet kiet ẹbọbọ akan̄kan̄ ke ifụhi mmọ ke ntak n̄kpọndịk ke okoneyo.”+  “Enye edi n̄kpọ umen owo emi Edidem Solomon akadade mme eto Lebanon+ anam ọnọ idemesie. 10  Enye ada silver anam mme adaha esie, ada gold anam uberi idem. Ifịm esie edi idet erọn̄ emi enyenede uduot mmọn̄ibọn̄, nditọiban Jerusalem ẹfụk esịt esie ediye ediye.” 11  “O mbufo nditọiban Zion, ẹwọrọ ẹkese Edidem Solomon emi ayarade anyanya+ emi eka+ esie ọkọdọkde ọnọ enye ke usen ndọ esie ye ke usen idatesịt esie.”+

Mme Ikọ Idakisọn̄