Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ikwọ Solomon 2;1-17

2  “Ami ndi saffron+ ke mbenesụk,+ ndi ekpon̄idịm ke mme itịghede.”+  “Nte ekpon̄idịm ke ikọt n̄kukịm, kpa ntre ke ufan mi an̄wan etie ke otu nditọiban.”+  “Nte eto apple+ ke otu mme eto akai, kpa ntre ke ama mi etie ke otu nditọiren.+ Mfụt esie enen̄ede ọdọn̄ mi, ndien nsụhọde ntie do, mfri esie onyụn̄ enịn̄e mi ke nsịn̄.  Enye ada mi odụk ufọk wine,+ ima+ esie onyụn̄ ofụn̄ akanade mi nte banner.+  Mbufo ẹda ebok edisat grape*+ ẹsọn̄ọ mi idem, ẹda apple ẹmụm mi ẹkama; koro ndọn̄ọde ima.+  Ubọk ufien esie odu mi ke idak ibuot; ubọk nnasia esie afat mi.+  O nditọiban Jerusalem, mmada uman akan̄+ m̀mê uman edop+ ke ikọt n̄wụk+ mbufo, nte mbufo ẹkûdomo ndidemede ima ke esịt mi tutu enye edemede ikpọn̄.+  “Uyo ama mi!+ Sese! Enye ke edi,+ ọdọk ikpọ obot, ọfrọ ke n̄kpri obot.  Ama mi ebiet akan̄+ m̀mê abak ayara edop. Sese! Enye ada ke edem ibibene nnyịn, owụk enyịn ke window ese, otop enyịn ke ndudu oro ẹkpanade-kpana+ ese. 10  Ama mi ọbọrọ onyụn̄ ọdọhọ mi ete, ‘Daha ke enyọn̄, ufan mi an̄wan, ediye owo mi,+ wọrọ di.+ 11  Koro, sese! ini ukwọ+ emebe, edịm emetre, enye emebe aka. 12  Isọn̄ omosion̄o flawa,+ ini udiọn̄+ vine emekem, ẹmekop uyo mbomon̄kuku+ ke isọn̄ nnyịn. 13  Amaedi eto fig,+ mme akpa mfri esie ẹmedat;+ ndien mme vine ẹmesion̄o flawa, mmọ ẹsio ufuọn̄. Daha ke enyọn̄, di, O ufan mi an̄wan,+ ediye owo mi, wọrọ di. 14  O ibiom+ mi emi odụn̄de ke nsiaha akwa itiat, ke ndịbe edikon̄ ebiet, nam n̄kụt fi,+ yak n̄kop fi uyo, koro uyo fo enemde, afo omonyụn̄ eye uyai.’”+ 15  “Mbufo ẹmụm mme ebuaikọt+ ẹnọ nnyịn, n̄kpri ebuaikọt emi ẹbiatde in̄wan̄ vine, koro mme in̄wan̄ vine nnyịn ẹmesehe.”+ 16  “Ama mi edi okịmmọ ami nnyụn̄ ndi esiemmọ.+ Enye ke ọbọk ufene+ ke ufọt ekpon̄idịm.+ 17  O ama mi, fiak di tutu eyo osụhọde, mbukpọn̄ onyụn̄ osop; biet akan̄+ m̀mê abak ayara edop ke mme enyọn̄ obot emi odude ke ufọt nnyịn.

Mme Ikọ Idakisọn̄

“Mfri vine.”