Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ikwọ Solomon 1;1-17

1  Akakan ikwọ+ Solomon:+  “Yak enye ada ntịminua esie etịm mi inua,+ koro ima fo enemde akan wine.+  Koro ufuọn̄ aran+ fo enemde. Enyịn̄+ fo ebiet aran emi ẹtọhọde ẹduọk. Ntak edi oro mme n̄kaiferi ẹmade fi.  Dụri mi da;+ yak nnyịn ifehe. Edidem ada mi odụk esịt ubet esie!+ Yak nnyịn inem esịt inyụn̄ idara ọtọkiet. Yak nnyịn itịn̄ iban̄a ima fo, koro ima fo enemde akan wine.+ Mmọ ẹma fi koro afo omodot.+  “O mbufo nditọiban Jerusalem,+ ami ndi obubịt eyenan̄wan, edi mmeye uyai, mbiet tent Kedar,+ nnyụn̄ mbiet ọfọn̄ tent+ Solomon.  Mbufo ẹkûse nte ami mbrede, koro utịn ọfọpde mi. Nditọeka mi iren ẹkeyat esịt ye ami; mmọ ẹnịm mi nte andikpeme in̄wan̄ vine, edi in̄wan̄ vine+ mi, enye emi edide okịm, ami n̄kpemeke.  “O afo emi ukpọn̄ mi amade,+ sian mi ebiet emi afo ọbọkde ufene,+ kpa ebiet emi afo anamde mme ufene ẹsụhọde ẹna ke ufọt uwemeyo. Koro ntak emi n̄kpetiede nte n̄wan emi ofụhọde ọfọn̄ ntuan̄a ke otu ufene mme nsan̄a fo?”  “Edieke afo mûfiọkke, O afo emi eyede akan ke otu iban,+ wọrọ ke idemfo san̄a ke nde ikpat ufene nyụn̄ bọk nditọ ebot fo kpere tent mme ekpeme ufene.”  “O ufan mi an̄wan,+ mmen fi ndomo ye uman enan̄-mbakara mi ke chariot Pharaoh.+ 10  Mfụk fo ẹmeye ke ufọt idet eke ẹtan̄de, itọn̄ fo eye ke n̄kwa.+ 11  Nnyịn iyanam mme ekara n̄kpọmbana gold inọ fi,+ ọkọrọ ye n̄kwa silver.” 12  “Adan̄a nte edidem etiede ke okpokoro esie, spikenard+ mi osio ufuọn̄+ esie. 13  Ama mi etie nte ekpat myrrh+ ọnọ mi; enye ayana mi ke ufọt eba+ ke ofụri okoneyo. 14  Ama mi etie nte etuek mfri henna+ ọnọ mi, ke in̄wan̄ vine En-gedi.”+ 15  “Sese! Afo emeye, O ufan mi an̄wan.+ Sese! Afo emeye. Enyịn fo ebiet enyịn ibiom.”+ 16  “Sese! Afo emeye uyai,+ ama mi, omonyụn̄ eye ido. N̄ko, ẹda etuek ikọn̄ ẹnam bed+ nnyịn. 17  Ẹda eto cedar+ ẹnam ndori ediye ufọk nnyịn, ntọn̄ufọk nnyịn edi eto juniper.

Mme Ikọ Idakisọn̄