Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Timothy 1;1-18

1  Ami Paul, emi ndide apostle Christ Jesus ke uduak Abasi+ nte ekemde ye un̄wọn̄ọ uwem+ oro odude ke Christ Jesus,+  nnọ n̄wed emi ẹsọk Timothy, edima eyen:+ Mfọnido oro owo mîdotke ye mbọm ye emem ẹkpekam ẹto Abasi Ete ye Ọbọn̄ nnyịn Christ Jesus ẹsịm fi.+  Mmọkọm Abasi, emi ndade edisana ubieresịt+ nnam edisana utom+ nnọ, kpa nte mme ete ete+ mi ẹkenamde, nte ke ami ntreke nditi fi ke akam+ mi, okoneyo ye uwemeyo  ọdọn̄ mi ndikụt fi,+ ke adan̄aemi ntide mmọn̄eyet fo, man n̄kpọyọhọ ye idatesịt.  Koro mmeti mbuọtidem+ emi odude fi ke esịt, eke mîsan̄ake ye mbubịk,+ emi ekebemde iso odu ke esịt eka eka fo Lois ye ke esịt eka fo Eunice, edi emi ami nnịmde ke akpanikọ nte ke odu fi n̄ko ke esịt.  Ke ntak emi, mmeti fi nte anam enọ+ Abasi emi afo ọkọbọde ke ini n̄kodoride fi ubọk,+ asak nte ikan̄.+  Koro Abasi ikọnọhọ nnyịn spirit ufep,+ edi ọkọnọ spirit odudu+ ye eke ima ye eke eti ibuot.+  Ntre kûkop bụt ndidi ntiense nnọ Ọbọn̄ nnyịn,+ kûnyụn̄ ukop bụt uban̄a mi owo-n̄kpọkọbi ke ntak esie,+ edi tiene biom ukụt+ kaban̄a eti mbụk nte ekemde ye odudu Abasi.+  Enye ama anyan̄a+ nnyịn onyụn̄ ọnọ nnyịn edisana ikot,+ itoho ke utom nnyịn,+ edi oto ke uduak esie ye mfọnido esie oro owo mîdotke. Ẹkenọ nnyịn n̄kpọ emi ebe ke Christ Jesus ke anyan ini emi ekebede,+ 10  edi ke emi ẹma ẹwụt mfọn emi in̄wan̄-in̄wan̄ ebe ke ediyarade+ Andinyan̄a nnyịn, Christ Jesus, emi ekemende n̄kpa+ efep edi anamde un̄wana+ ayama ayarade uwem+ ye se mîkemeke ndibiara+ ebe ke eti mbụk,+ 11  emi ẹkemekde mi ẹte ndi andikwọrọ ye apostle ye andikpep.+ 12  Ntak emi esịn mi n̄kụt ndutụhọ+ emi, edi bụt inamke mi.+ Koro mmọfiọk enye emi nnịmde ke akpanikọ, mmonyụn̄ nnịm ke akpanikọ nte ke enye ekeme ndikpeme+ se n̄kayakde nsịn enye ke ubọk tutu esịm usen oro.+ 13  Ka iso mụm uwụtn̄kpọ nti+ ikọ oro afo okokopde mi ke inua kama, nyụn̄ nyene mbuọtidem ye ima Christ Jesus.+ 14  Kpeme eti enọ+ emi ẹkeyakde ẹsịn fi ke ubọk ebe ke edisana spirit emi odụn̄de nnyịn ke esịt.+ 15  Afo ọmọfiọk emi, ete ke kpukpru owo ke Asia*+ ẹma ẹkpọn̄ mi.+ Phygelus ye Hermogenes ẹdu ke otu oro. 16  Ọbọn̄ akpakam atua mbonufọk Onesiphorus+ mbọm, koro enye ama esisọn̄ọ mi idem+ ediwak ini, bụt ikonyụn̄ inamke enye ke ntak n̄kpọkọbi mi.+ 17  Utu ke oro, ke ini enye okodude ke Rome, enye ama esịn ifịk oyom mi okụt.+ 18  Ọbọn̄ Jehovah akpakam atua enye mbọm+ ke usen oro.+ Afo emetịm ọfiọk kpukpru utom oro enye akanamde ke Ephesus.

Mme Ikọ Idakisọn̄

Asia enye emi edi mbahade obio ukara ke Obio Ukara Rome.