Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Samuel 7;1-29

7  Edikem ke edidem ama okodụn̄ ke ufọk esie,+ ke Jehovah ama okonyụn̄ anam enye ọbọhọ kpukpru mme asua emi ẹkekande enye ẹkụk,+  edidem ọdọhọ prọfet Nathan+ ete: “Sese, ami ndụn̄ ke ufọk emi ẹdade cedar+ ẹbọp ke adan̄aemi ekebe ata Abasi odude ke tent.”+  Ntem Nathan ọbọrọ edidem ete: “Ka kanam kpukpru se idude fi ke esịt+ koro Jehovah odude ye afo.”  Edikem ke okoneyo oro, uyo+ Jehovah esịm Nathan ete:  “Ka kọdọhọ David asan̄autom mi ete, ‘Ntem ke Jehovah ọdọhọ ete: “Nte afo edibọp ufọk ọnọ mi ndụn̄?+  Koro ami mmendụn̄ke ke ufọk toto ke usen oro n̄kadade nditọ Israel ke Egypt n̄wọrọ tutu esịm mfịn emi,+ edi nsụk nsan̄a+ ke mme tent+ ye tent utuakibuot.+  Ke ofụri ini emi nsan̄ade ke otu ofụri nditọ Israel,+ nte akanam mmọdọhọ esien Israel+ ndomokiet oro n̄kowụkde nte ẹkpeme ikọt mi Israel, nte, ‘Ntak emi mbufo mîdaha cedar ibọp ufọk inọ mi?’”’  Ndien, ke emi, dọhọ asan̄autom mi David, ete, ‘Ntem ke Jehovah mme udịm ọdọhọ ete: “Ami n̄kosio fi ke in̄wan̄ mbiet ufene, nnam etre nditiene otuerọn̄+ man akabade edi adausụn̄+ ọnọ ikọt mi Israel.  Ndien ami nyodu ye afo ke ebiet ekededi eke afo edikade,+ nyonyụn̄ nsịbe kpukpru mme asua fo mfep ke iso fo;+ nnyụn̄ nnam akamba enyịn̄ nnọ fi,+ eke ebietde enyịn̄ ikpọ owo emi ẹdude ke isọn̄. 10  Ami nyonyụn̄ mmek itie+ nnọ ikọt mi Israel nnyụn̄ ntọ+ mmọ do, ndien mmọ ẹyedụn̄ ke ebiet emi mmọ ẹdude, owo idinyụn̄ ifịnake mmọ aba; ndien nditọ ukwan̄ido iditụhọkede mmọ aba nte ẹketụhọrede ke akpa,+ 11  kpa nte ẹkenamde toto ke usen oro n̄kemekde mme ebiereikpe+ nnịm nte ẹse ẹban̄a ikọt mi Israel; nyonyụn̄ nnam fi ọbọhọ kpukpru mme asua fo.+ “‘“Jehovah ọdọhọ ke imọ Jehovah iyọbọp ufọk+ inọ fi. 12  Ndien usen fo ama ekem,+ emi afo edisụhọrede ana ye mme ete ete fo,+ adan̄aoro ami nyanam mfri fo etiene fi edem adaha ada, emi editode fi ke idem ọwọrọ; ndien ami nyanam ubọn̄ esie ọsọn̄ọ ada.+ 13  Edi enye edibọp ufọk ọnọ enyịn̄ mi,+ ndien ami nyanam ebekpo ubọn̄ esie ọsọn̄ọ owụhọ ke nsinsi.+ 14  Ami nyedi ete esie,+ enye oyonyụn̄ edi eyen mi.+ Enye ama anam idiọk, nyada eto+ owo ye ikpa nditọ Adam nsua nnọ enye. 15  Edi ima-mfọnido mi idikpọn̄ke enye nte n̄kanamde ọkpọn̄ Saul,+ emi n̄kemende mfep ke ntak fo. 16  Ndien ufọk fo ye ubọn̄ fo ẹyesọn̄ọ ẹda fi ke iso ke nsinsi; ebekpo fo oyonyụn̄ ọsọn̄ọ owụhọ ke nsinsi.”’”+ 17  Ndien Nathan emen kpukpru ikọ emi ye kpukpru n̄kukụt emi eketịn̄ ọnọ David.+ 18  Ntem Edidem David odụk edisụhọde etie ke iso Jehovah onyụn̄ ọdọhọ ete: “O Jehovah Akakan Ọbọn̄ Andikara, ami ndi anie?+ Ufọk mi onyụn̄ edi nso eke afo anamde ofụri n̄kpọ emi ọnọ? 19  Nte n̄kpọ eke emi edide ekpri n̄kpọ ke enyịn fo, O Jehovah Akakan Ọbọn̄ Andikara, afo emetịn̄ n̄ko aban̄a ufọk asan̄autom fo tutu esịm anyan ini ko ke iso; ndien emi edi ibet emi ẹnọde ubonowo,+ O Jehovah Akakan Ọbọn̄ Andikara.+ 20  Ndien nso efen ke David editịn̄ adian do ọnọ fi, ke adan̄aemi edide afo emetịm ọdiọn̄ọ asan̄autom fo,+ O Jehovah Akakan Ọbọn̄ Andikara? 21  Ke ntak ikọ fo,+ ye nte asan̄ade ekekem ye se idude fi ke esịt+ ke afo anam kpukpru ikpọ n̄kpọ emi man asan̄autom fo ọfiọk mmọ.+ 22  Ntak edi oro afo okponde,+ O Jehovah Akakan Ọbọn̄ Andikara; koro baba abasi kiet mîbietke fi,+ Abasi efen mînyụn̄ idụhe ke otu kpukpru mmọ oro nnyịn idade utọn̄ nnyịn ikop, ke mîbọhọke afo.+ 23  Ndien ewe idụt ke isọn̄ ebiet ikọt fo Israel,+ emi Abasi akafakde nte ikọt ọnọ idemesie,+ onyụn̄ anamde enyịn̄ ọnọ idemesie,+ onyụn̄ anamde ikpọ ye enyene-ndịk n̄kpọ ọnọ mmọ+—ebịnde mme idụt ye mme abasi mmọ osion̄o ke ntak ikọt fo, emi afo akafakde+ osio ke Egypt ọnọ idemfo? 24  Ndien afo ọmọsọn̄ọ owụk ikọt fo Israel+ ọnọ idemfo ete edi ikọt fo ke nsinsi; ndien afo O Jehovah, amakabade edi Abasi mmọ.+ 25  “Ndien ke emi, Jehovah Abasi, nam ikọ emi afo etịn̄de aban̄a asan̄autom fo ye ufọk esie ada ke nsinsi, nyụn̄ nam kpa nte afo ọdọhọde.+ 26  Ndien yak enyịn̄ fo okpon ke nsinsi,+ mme owo ẹnyụn̄ ẹdọhọ ẹte, ‘Jehovah mme udịm edi Abasi Israel,’+ ndien yak ufọk David asan̄autom fo ọsọn̄ọ ada fi ke iso.+ 27  Koro afo, Jehovah Abasi mme udịm kpa Abasi Israel amayarade ọnọ asan̄autom fo ete, ‘Nyọbọp ufọk nnọ fi.’+ Ntak edi oro asan̄autom fo enyenede uko ndibọn̄ utọ akam emi nnọ fi.+ 28  Ndien ke emi, O Jehovah Akakan Ọbọn̄ Andikara, afo edi ata Abasi; yak ikọ fo onyụn̄ edi akpanikọ,+ sia afo ọn̄wọn̄ọde ndifọn mfọn emi ye asan̄autom fo.+ 29  Ndien ke emi, mbọk diọn̄+ ufọk asan̄autom fo man enye osụk odu fi ke iso ke nsinsi;+ koro afo, O Jehovah Akakan Ọbọn̄ Andikara, ọmọn̄wọn̄ọ ndien ke ntak edidiọn̄ fo, yak ẹdiọn̄ ufọk asan̄autom fo ke nsinsi.”+

Mme Ikọ Idakisọn̄