Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Samuel 5;1-25

5  Ekem ofụri esien Israel ẹdi ẹbịne David+ ke Hebron+ ẹdidọhọ enye ẹte: “Sese! Nnyịn idi ọkpọ fo ye obụk fo.+  N̄kpọn̄ emi ekebede ye mbemiso oro,+ ke adan̄aemi Saul ekedide edidem nnyịn, afo ekesida Israel ọwọrọ onyụn̄ ada odụk.+ Ndien Jehovah ama ọdọhọ fi ete, ‘Afo eyekpeme+ ikọt mi Israel, afo oyonyụn̄ akabade edi adausụn̄+ ọnọ Israel.’”  Mmọdo kpukpru mbiowo+ Israel ẹdi ẹbịne edidem ke Hebron, ndien Edidem David anam ediomi+ ye mmọ ke Hebron ke iso Jehovah; ekem mmọ ẹyet David aran+ nte edidem Israel.+  David ekedi isua edịp ye duop ke ini enye edide edidem. Enye onyụn̄ akara nte edidem ke isua aba.+  Enye eketie ke Hebron akara Judah nte edidem ke isua itiaba ye ọfiọn̄ itiokiet;+ ndien etie ke Jerusalem+ akara ofụri Israel ye Judah nte edidem ke isua edịp ye duopeta.  Ndien edidem ye ikọt esie ẹka Jerusalem ndin̄wana ye mbon Jebus+ emi ẹdụn̄de ke isọn̄ oro, mmọ ẹnyụn̄ ẹdọhọ David ẹte: “Afo ududụkke mi, mme nnan ye mbụn̄ọ ẹyebịn fi ẹsio,”+ koro mmọ ẹkerede ẹte: “David ididụkke mi.”  Edi David ada ọkpọsọn̄ ebiet Zion,+ oro edi, Obio David,+ enyene.  Ntre David ọdọhọ ke usen oro ete: “Owo ekededi eke edin̄wanade ye mbon Jebus,+ yak enye oto usụn̄ mmọn̄ idakisọn̄+ odụk akan̄wana ye mme nnan ye mme mbụn̄ọ oro ukpọn̄ David asuade!” Ntak edi oro ẹdọhọde ẹte: “Mme nnan ye mme mbụn̄ọ ididụkke ufọk.”  Ndien David aka okodụn̄ ke ọkpọsọn̄ ebiet, ẹnyụn̄ ẹkot ebiet oro Obio David; ndien David ọtọn̄ọ ndibọp n̄kpọ n̄kanade ọtọn̄ọde ke Edikon̄ Ebiet+ ebe odụk esịt. 10  Ntem David ọdọdiọn̄ okpon,+ Jehovah Abasi mme udịm+ onyụn̄ odu ye enye.+ 11  Ndien Hiram+ edidem Tyre ọdọn̄ mme isụn̄utom+ ọnọ David, onyụn̄ ọnọ mme eto cedar+ ye mme anamusọ eto ye mme anamusọ itiat ibibene, ndien mmọ ẹkebọp ufọk ẹnọ David.+ 12  Ndien David edifiọk ete ke Jehovah ọsọn̄ọ itie imọ nte edidem Israel+ ye nte ke enye emenede+ obio ubọn̄ imọ ke enyọn̄ ke ntak ikọt esie Israel.+ 13  Ke ini emi, David ọdọ ibanesa+ ye iban+ efen ke Jerusalem ke enye ama okoto Hebron ọnyọn̄ edi; ndien nditọiren ye nditọiban efen efen ẹmana ẹnọ David. 14  Ndien mmọ emi ẹdi enyịn̄ nditọ oro ẹkemanade ẹnọ enye ke Jerusalem: Shammua+ ye Shobab+ ye Nathan+ ye Solomon,+ 15  ye Ibhar ye Elishua+ ye Nepheg+ ye Japhia,+ 16  ye Elishama+ ye Eliada ye Eliphelet.+ 17  Ekem mbon Philistia ẹtie ẹkop ke ẹma ẹyet David aran nte edidem Israel.+ Ntem kpukpru mbon Philistia ẹdi ẹdiyom David. Ke ini David okopde n̄kpọ emi, enye osụhọde odụk ke ebiet emi ọsọn̄de ndisịm.+ 18  Ndien mbon Philistia ẹdụk ẹdikpọrọde ẹsan̄a ke unaisọn̄ itịghede Rephaim.+ 19  Ndien David obụp+ Jehovah, ete: “Nte ndọk n̄kan̄wana ye mbon Philistia? Nte afo ayada mmọ esịn mi ke ubọk?” Ntem Jehovah ọbọrọ David ete: “Dọk ka, koro mmenditreke ndida mbon Philistia nsịn fi ke ubọk.”+ 20  Ntre David edi Baal-perazim,+ David onyụn̄ owot mmọ do. Ntem enye ọdọhọ ete: “Jehovah emebem mi iso asiak odụk ufọt mme asua mi+ nte ufan̄ emi mmọn̄ asiakde ebe.” Ntak edi oro ẹkotde ebiet oro Baal-perazim.+ 21  Ntem mmọ ẹkpọn̄ mme edisọi mbiet+ mmọ do, David ye ikọt esie ẹnyụn̄ ẹditan̄ mmọ ẹfep.+ 22  Ekem mbon Philistia ẹtọn̄ọ ntak ẹdọk+ ẹdikpọrọde ẹsan̄a ke unaisọn̄ itịghede Rephaim.+ 23  Ntem David obụp+ Jehovah, edi enye ọbọrọ ete: “Kûdọk uka. Wọn̄ọde ka edem mmọ, nyụn̄ to n̄kan̄ iso iso ikọt eto baca kan̄wana ye mmọ.+ 24  Ndien ama ekem ke ini afo okopde uyom ntịm ikpat ke mbuot eto baca, nam n̄kpọ wap,+ koro adan̄aoro ke Jehovah edibem fi iso ọwọrọ akan̄wana ye udịmekọn̄ Philistia.”+ 25  Ndien David anam ntre, kpa nte Jehovah okowụkde enye,+ ndien enye owot+ mbon Philistia ọtọn̄ọde ke Geba+ tutu esịm Gezer.+

Mme Ikọ Idakisọn̄