Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Samuel 4;1-12

4  Ke ini eyen+ Saul okopde ke Abner ama akpa ke Hebron,+ ubọk emem+ enye, esịt onyụn̄ etịmede ofụri Israel.  Iren iba ẹma ẹdu emi ẹkedide mme etubom ke otu mbon n̄wo+ ẹnọ eyen Saul, kiet ekekere Baanah, enye eken ekere Rechab, kpa nditọ Rimmon owo Beeroth, eke nditọ Benjamin; koro ẹkebat Beeroth+ n̄ko ẹsịn ke esien Benjamin.  Ndien mbon Beeroth ẹfehe ẹka Gittaim+ ẹnyụn̄ ẹkedụn̄ nte isenowo do tutu esịm mfịn emi.  Jonathan,+ eyen Saul ama enyene eyeneren emi ekedide mbụn̄ọ.+ Enye ekedi isua ition ke ini etop aban̄ade Saul ye Jonathan okotode Jezreel+ edi; ndien edep esie emen enye efehe, edi nte enye efehede ke nnyekidem, eyen emi ọduọ onyụn̄ akabade mbụn̄ọ. Enye ekekere Mephibosheth.+  Ndien nditọ Rimmon owo Beeroth, kpa Rechab ye Baanah, ẹdaha ẹka ufọk Ish-bosheth+ ke anainai uwemeyo, ke ini enye osụk edede idap uwemeyo.  Ndien sese mmọ ẹbe ẹdụk ufọt ufọk nte ẹyom ndiwobi wheat, ẹnyụn̄ ẹkekịm enye idịbi;+ ndien Rechab ye Baanah+ eyenete esie ẹfehe ẹbọhọ, owo inyụn̄ ikwe mmọ.  Ke ini mmọ ẹkedụkde ufọk, enye akana ke n̄kpana ke ubetnna esie, ndien mmọ ẹkịm enye ẹwot,+ ekem ẹsịbe enye ibuot+ ẹnyụn̄ ẹmen ibuot esie ẹsan̄a ke usụn̄ Arabah ofụri okoneyo oro.  Ndien mmọ ẹda ibuot Ish-bosheth+ ẹsọk David ke Hebron ẹnyụn̄ ẹkedọhọ edidem ẹte: “Se ibuot Ish-bosheth eyen Saul kpa asua+ fo emi okoyomde ukpọn̄ fo mi;+ edi Jehovah omosio Saul ye ubon esie usiene+ ọnọ ọbọn̄ mi edidem mfịn emi.”  Edi David ọbọrọ Rechab ye Baanah eyenete esie, kpa nditọ Rimmon owo Beeroth, ete: “Ma uwem+ Jehovah emi akafakde+ ukpọn̄ mi+ osio ke kpukpru nnanenyịn,+ 10  ke ini owo ekedide editịn̄ ọnọ mi,+ ete, ‘Sese Saul akpa,’ enye akabat idemesie nte andida eti mbụk ndi, edi mma mmụm enye n̄wot+ ke Ziklag utu ke ndinọ enye n̄kpọ eyenutom; 11  n̄wan̄wadise ke adan̄aemi mme idiọkowo+ ẹwotde edinen owo ke bed ke ufọk esie? Ndien nte n̄kpobụpke iyịp esie ke ubọk mbufo,+ n̄kponyụn̄ nsọhike mbufo mfep ke isọn̄?”+ 12  Ntem David ọnọ n̄kparawa esie uyo ndien mmọ ẹwot mmọ+ ẹnyụn̄ ẹsịbe mmọ ubọk ye ukot ẹkeyịri+ ke mben n̄kpọdiọhọ mmọn̄ ke Hebron; ekem mmọ ẹmen ibuot Ish-bosheth ẹkebụk ke ebiet emi ẹkebụkde Abner ke Hebron.+

Mme Ikọ Idakisọn̄