Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Samuel 23;1-39

23  Ndien mmọ emi ẹdi akpatre ikọ David:+ “Ikọ David eyen Jesse,+ Ye ikọ eren emi ẹkemenerede ẹnịm ke enyọn̄,+ Owo emi Abasi Jacob ekeyetde aran,+ Andikwọ ndinem ikwọ+ ke Israel.   Spirit Jehovah akada mi etịn̄ ikọ,+ Ikọ esie okonyụn̄ odu mi ke edeme.+   Abasi Israel ọkọdọhọ ete, Akwa Itiat Israel okonyụn̄ etịn̄ ikọ ọnọ mi ete,+ ‘Ke ini owo emi akarade ubonowo edide edinen,+ Onyụn̄ adade ndịk Abasi akara,+   Emi etie nte un̄wana usenubọk, ke ini utịn asiahade,+ Usenubọk emi enyọn̄ an̄wan̄ade. Mbiet ọkọri ke isọn̄ ke un̄wana ama akasiaha, ke edịm ama okonyụn̄ edep.’+   Nte mbonufọk mi itiehe ntem ye Abasi?+ Koro enye anamde nsinsi ediomi,+ Etịm nsinsi ediomi emi enịm ke kpukpru n̄kpọ onyụn̄ ekpeme enye enịm.+ Koro emi edide edinyan̄a+ mi onyụn̄ edide inemesịt mi, Nte idịghe ntak oro ke enye edinam emi etịbe?+   Edi ẹbịn mbukpo owo ẹfep,+ ẹbịn kpukpru mmọ ẹfep nte mme eto n̄kukịm;+ Koro owo ikpadaha ubọk imen mmọ.   Ke ini owo otụkde mmọ Enye enyene ndikama ukwak ye eduat, Ẹyenyụn̄ ẹfọp mmọ ofụri ofụri ke ikan̄.”+  Enyịn̄ n̄kpọsọn̄+ owo oro David ekenyenede edi emi: Josheb-basshebeth+ owo Tahchemoni, emi edide etubom ọnọ owo ita. Enye akada eduat esie owot se ibede owo ikie itiaita ini kiet.  Owo emi adianade enye edi Eleazar+ eyen Dodo+ owo ubon Ahohi, enye ama esịne ke otu n̄kpọsọn̄ iren ita oro ẹkedude ye David ke ini mmọ ẹkesakde mbon Philistia nsahi. Mmọ ẹkesop idem do ndin̄wana ekọn̄, ntre mbon Israel ẹfiak edem.+ 10  Enye akadaha ada owot mbon Philistia tutu ubọk emem enye, edi osụk afat akan̄kan̄ akama,+ tutu Jehovah ọnọ akwa edinyan̄a ke usen oro;+ edi mme owo oro ẹwọn̄ọde edem edem ẹkesion̄o mbon oro enye okowotde se mmọ ẹkesịnede ke idem.+ 11  Ndien owo emi adianade enye ekedi Shammah eyen Agee owo Hararite.+ Ndien mbon Philistia ẹsop idem ke Lehi ke in̄wan̄ emi ẹketọde lentil ẹyọhọ;+ ndien mme owo ẹfen̄e ke ntak mbon Philistia. 12  Edi enye atuak ada ke ufọt in̄wan̄ oro onyụn̄ afiak ọbọ enye, ndien owot mbon Philistia, tutu Jehovah ọnọ mmọ akwa edinyan̄a.+ 13  Ndien owo ita ke otu mme etubom edịp ye duop+ oro ẹsụhọde ẹdi ke ini ukpen̄e ẹtiene David ke abaitiat Adullam;+ mbon Philistia ẹnyụn̄ ẹwụk mme tent ke itienna ekọn̄ ke unaisọn̄ itịghede Raphaim.+ 14  Adan̄aoro David okodu ke ebiet oro ọsọn̄de ndisịm;+ ndien mbonekọn̄ ukpeme+ Philistia ẹkedu ini oro ke Bethlehem. 15  Ekem David etịn̄ se enye oyomde ete: “Ubaha nte n̄kpokụtde mmọn̄ emi otode obube udọn̄ mmọn̄ Bethlehem, emi odude ke inuaotop, n̄n̄wọn̄!”+ 16  Ntem n̄kpọsọn̄ iren ita oro ẹsiak itienna mbon Philistia ẹdụk ẹkekoi mmọn̄ ke obube udọn̄ mmọn̄ Bethlehem oro odude ke inuaotop ẹda ẹsọk David;+ ndien enye inyịmeke ndin̄wọn̄, edi an̄wan̄a enye ọduọk+ ọnọ Jehovah. 17  Enye onyụn̄ ọdọhọ ete: “Nsa mi-o,+ ndinamke n̄kpọ emi, O Jehovah! Nte ndin̄wọn̄ iyịp+ mbon oro ẹkesịnde ukpọn̄ mmọ ke itiendịk?” Ndien enye inyịmeke ndin̄wọn̄ mmọn̄ oro. Mme n̄kpọ emi ke n̄kpọsọn̄ iren ita oro ẹkenam. 18  Amaedi Abishai+ eyeneka Joab kpa eyen Zeruiah,+ enye ekedi etubom owo edịp ye duop, enye akada eduat esie owot se iwakde ibe owo ikie ita, enye ama onyụn̄ ọwọrọ etop nte owo mbita oko.+ 19  Okposụkedi enye ọkọwọrọde etop akan ke otu owo edịp ye duop eken, okonyụn̄ akabarede edi etubom mmọ, enye ikemenke udomo ye akpa owo ita oko.+ 20  Amaedi Benaiah+ eyen Jehoiada+ kpa eyen owo uko, emi akanamde ediwak n̄kpọ ke Kabzeel,+ enye okowot nditọiren Ariel iba, kpa owo Moab; enye okonyụn̄ osụhọde okowot ekpe+ ke esịt obube mmọn̄ ke usen emi snow ekedepde.+ 21  Edi enye okonyụn̄ owot owo Egypt emi ekedide ata anyan owo.+ Okposụkedi owo Egypt oro akakamade eduat ke ubọk, edi enye akama eto osụhọde ebịne enye onyụn̄ akawabade owo Egypt oro eduat ke ubọk ọbọ onyụn̄ ada eduat esie owot enye.+ 22  Mme n̄kpọ emi ke Benaiah+ eyen Jehoida akanam; enye ama onyụn̄ ọwọrọ etop nte n̄kpọsọn̄ iren ita oko.+ 23  Okposụkedi enye akakam ọwọrọde etop akan owo edịp ye duop eken, enye ikemenke udomo ye owo ita oko; edi David emek enye esịn ke otu mbon ukpeme esie.+ 24  Asahel+ eyeneka Joab ekedi kiet ke otu owo edịp ye duop oro; Elhanan+ eyen Dodo ke Bethlehem, 25  Shammah+ owo Harod, Elika owo Harod, 26  Helez+ owo Paltite, Ira+ eyen Ikkesh+ owo Tekoa, 27  Abi-ezer+ owo Anathoth,+ Mebunnai owo Hushah,+ 28  Zalmon owo ubon Ahohi,+ Maharai+ owo Netophah, 29  Heleb+ eyen Baanah owo Netophah, Ittai+ eyen Ribai ke Gibeah kpa nditọ Benjamin, 30  Benaiah+ owo Pirathon, Hiddai eke itịghede mmọn̄ Gaash,+ 31  Abi-albon owo Beth-arabah, Azmaveth+ owo Bahurim, 32  Eliahba owo Shaalbim, nditọ Jashen, Jonathan,+ 33  Shammah owo Hararite, Ahiam+ eyen Sharar owo Hararite, 34  Eliphelet eyen Ahasbai eyen owo Maacath, Eliam eyen Ahithophel+ owo Giloh, 35  Hezro+ owo Carmel, Paarai owo Arab, 36  Igal eyen Nathan+ eke Zobah, Bani owo Gad, 37  Zelek+ owo Ammon, Naharai owo Beeroth, akama-n̄kpọekọn̄ Joab eyen Zeruiah, 38  Ira owo Ithrite,+ Gareb+ owo Ithrite, 39  Uriah+ owo Hittite—kpukpru mmọ ẹdi owo edịp ye efịteba.

Mme Ikọ Idakisọn̄