Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Samuel 19;1-43

19  Ekem ẹditịn̄ ẹnọ Joab ẹte: “Sese! edidem ke atua, enye ke ofofụhọ Absalom.”+  Ntre, edinyan̄a oro ẹkenyenede usen oro akabade edi n̄kpọ mfụhọ ọnọ kpukpru owo, koro mmọ ẹkekopde ẹdọhọde ke usen oro ẹte: “Edidem okop ubiak aban̄a eyen esie.”  Ntre mme owo ẹdaha ndịbe ndịbe ẹnyọn̄ obio,+ kpa nte mme owo ẹsidịbede ẹnyọn̄ ke ini bụt anamde mmọ ke ntak ẹfen̄ede ke ekọn̄.  Ndien edidem ofụhọ n̄kpọ ke iso, onyụn̄ atua ke ọkpọsọn̄ uyo ete: “Eyen mi Absalom! Absalom eyen mi, eyen mi!”+  Ekem Joab odụk etiene edidem ke ufọk ọkọdọhọ enye ete: “Mfịn emi afo amanam bụt ọyọhọ iso kpukpru mme asan̄autom fo emi ẹnyan̄ade ukpọn̄ fo mfịn+ ye ukpọn̄ nditọiren+ fo ye eke nditọiban+ fo ye ukpọn̄ iban+ fo ye ukpọn̄ ibanesa+ fo,  ke afo ndima mbon emi ẹsuade fi nnyụn̄ nsua mbon emi ẹmade fi; koro afo ọdọhọde mfịn emi ke mme etubom ye mme asan̄autom fo idịghe n̄kpọ ndomokiet inọ fi, koro mmetịm mfiọk mfịn nte ke edieke Absalom okpodude uwem, kpukpru nnyịn mbon eken ikponyụn̄ ikpan̄ade mfịn emi, emi ọkpọfọn fi ke enyịn.  Ndien ke emi, daha ke enyọn̄ nyụn̄ wọrọ ketịn̄ ikọ dọn̄ mme asan̄autom fo esịt,+ koro mmotomo enyịn̄ Jehovah nte ke edieke afo mûwọrọke uka, baba owo kiet ididụhe ye afo okoneyo emi;+ ndien emi ayabiak fi akan kpukpru ubiak emi afo okopde toto ke uyen fo tutu esịm emi.”  Ntem edidem adaha okosụhọde etie ke inuaotop,+ ndien ẹtịn̄ ẹnọ kpukpru owo ẹte: “Edidem mmọdo etie ke inuaotop.” Ndien kpukpru owo ẹdi ẹbịne edidem. Edi Israel ẹfen̄e ẹnyọn̄ọ ufọk mmọ kiet kiet.+  Ndien kpukpru owo ẹtọhọ utọk ke ofụri esien Israel ẹte: “Edi edidem emi akanyan̄a nnyịn osio mme asua nnyịn ke ubọk,+ kpa enye akanyan̄a nnyịn osio mbon Philistia ke ubọk; ndien ke emi enye ama efehe ọkpọn̄ obio ke ntak Absalom.+ 10  Ndien Absalom emi nnyịn ikeyetde aran ite edi edidem+ nnyịn amakpa ke ekọn̄.+ Ntem ntak emi mbufo mînamke n̄kpọ ndomokiet ndida edidem nnyọn̄ ndi?”+ 11  Ndien Edidem David ọdọn̄ utom ọnọ Zadok+ ye Abiathar+ kpa mme oku, ete: “Mbufo ẹbụp mbiowo Judah,+ ẹte, ‘Ntak emi mbufo ẹkpedide mme ekperedem ndida edidem mfiak nnyọn̄ ufọk esie, ke adan̄aemi uyo ofụri Israel ama ekesịm edidem ke ufọk esie? 12  Mbufo ẹdi nditọete mi; mbufo ẹnyụn̄ ẹdi ọkpọ mi ye obụk mi.+ Ntre ntak emi mbufo ẹkpedide mme ekperedem ndida edidem mfiak nnyọn̄ ndi?’ 13  Mbufo ẹdọhọ Amasa ẹte,+ ‘Nte afo udịghe ọkpọ mi ye obụk mi? Yak Abasi anam ntem ye ami onyụn̄ ọdọdiọn̄ anam,+ edieke afo mûkabakede udi etubom udịmekọn̄ mi kpukpru ini utu ke Joab.’”+ 14  Ndien enye oyụt esịt ofụri mbon Judah, mmọ ẹnyụn̄ ẹkabade ẹtie nte owo kiet,+ ndien mmọ ẹdọn̄ ẹkedọhọ edidem ẹte: “Mbọk nyọn̄ di, afo ye ofụri asan̄autom fo.” 15  Ndien edidem adaha unyọn̄ onyụn̄ asan̄a tutu edisịm Jordan. Ndien mbon Judah ẹdi Gilgal+ ndisobo ye edidem man ẹda edidem ẹbe Jordan. 16  Ndien Shimei+ eyen Gera+ owo Benjamin, emi otode Bahurim,+ ọsọsọp etiene mbon Judah osụhọde aka ndisobo ye Edidem David. 17  Owo tọsịn kiet emi ẹtode Benjamin ẹnyụn̄ ẹsan̄a ye enye. (Ziba+ n̄ko, kpa asan̄autom ufọk Saul ye nditọiren esie efịt+ ye mme asan̄autom esie edịp ẹnyụn̄ ẹdu ye enye, mmọ ẹnyụn̄ ẹsan̄a ẹka Jordan ẹkesobo ye edidem. 18  Enye onyụn̄ asan̄a ke ebiet ube mmọn̄+ ebe man ada mbonufọk edidem ebe onyụn̄ anam se ifọnde ke enyịn esie.) Ndien Shimei eyen Gera ọduọ ke isọn̄ ke iso edidem ke adan̄aemi enye oyomde ndibe Jordan.+ 19  Ndien enye ọdọhọ edidem ete: “Mbọk ọbọn̄ mi, kûbat ndudue unọ mi, kûnyụn̄ uti idiọk oro asan̄autom fo akanamde+ ke usen oro ọbọn̄ mi ọkọwọrọde ke Jerusalem, yak edidem okûnyụn̄ esịn oro ke esịt.+ 20  Koro ami asan̄autom fo mmetịm mfiọk ke ami n̄kanam ndudue; ndien, sese, mfịn emi ami ndi akpa owo ke ofụri ufọk Joseph+ ndisụhọde ndisobo ye ọbọn̄ mi edidem.” 21  Inikiet inikiet, Abishai+ eyen Zeruiah+ ọdọhọ ete: “Nte owo ikpowotke Shimei ke usiene oro enye okosụn̄ide enye emi Jehovah eyetde aran?”+ 22  Edi David ọbọrọ ete: “Nsan̄a nso ye mbufo,+ nditọ Zeruiah, emi mbufo ẹbiọn̄ọde+ mi mfịn emi? Nte mfịn ke ẹdiwot owo ke Israel?+ Nte ami ntịmke mfiọk mfịn emi ke ami ndi edidem Israel?” 23  Ndien edidem ọdọhọ Shimei ete: “Afo udukpaha.” Edidem onyụn̄ ọn̄wọn̄ọ ọnọ enye.+ 24  Ndien Mephibosheth+ eyeyen Saul osụhọde edi ndisobo ye edidem; enye ikonyụn̄ iyetke ukot+ esie, inyụn̄ ifatke n̄kaminua+ esie, inyụn̄ iyetke ọfọn̄ esie toto ke usen emi edidem ọkọwọrọde tutu esịm usen emi enye ọnyọn̄de edi ke emem. 25  Edikem ke ini enye edide Jerusalem ndisobo ye edidem, edidem obụp enye ete: “Mephibosheth, ntak emi afo mûkasan̄ake ye ami?” 26  Ndien enye ọbọrọ ete: “Ọbọn̄ mi edidem, asan̄autom mi+ akabian̄a mi. Koro asan̄autom fo ọkọdọhọde ete, ‘Yak ntịm uman ass man n̄kpawat ntiene edidem,’ koro asan̄autom fo edide mbụn̄ọ.+ 27  Ndien enye ọdọk mi edidọk+ ọnọ ọbọn̄ mi edidem. Edi ọbọn̄ mi edidem etie nte angel+ ata Abasi, mmọdo nam se ifọnde fi ke enyịn. 28  Koro kpukpru mbonufọk ete mi ikpọwọrọke baba n̄kpọ kiet edi ẹkpekpan̄a ke iso ọbọn̄ mi edidem, edi afo emesịn asan̄autom fo ke otu mbon emi ẹdiade udia ke okpokoro fo.+ Mmọdo nso unen ke ami nnyene aba nditọn̄ọ ntak nseme+ mben̄e edidem n̄kpọ efen?” 29  Edi, edidem ọdọhọ enye ete: “Ntak emi afo osụk etịn̄de se etịn̄de oro? Ami mmọdọhọ nte, Afo ye Ziba ẹbahade in̄wan̄ oro.”+ 30  Ndien Mephibosheth ọdọhọ edidem ete: “Yak enye akam ada kpukpru,+ ke emi ọbọn̄ mi edidem ama ọkọnyọn̄ edi ufọk esie ke emem.” 31  Ndien Barzillai+ owo Gilead oto Rogelim osụhọde edi ndisan̄a ye edidem mbe nsịm Jordan man ada enye akayak ke Jordan. 32  Ndien Barzillai ama ọsọn̄ etieti, enye ekedi isua anan̄;+ enye okonyụn̄ ọnọ edidem udia ke adan̄aemi enye okodude ke Mahanaim,+ koro enye ekedide ata akwa+ owo. 33  Ntre edidem ọdọhọ Barzillai ete: “Afo san̄a ye ami be Jordan ndien nyọnọ fi se adiade ke Jerusalem.”+ 34  Edi Barzillai ọdọhọ edidem ete: “Isua ifan̄ osụhọ ọnọ mi ndidu uwem eke n̄kpetienede edidem ndọk n̄ka Jerusalem? 35  Ami ndi isua anan̄ mfịn emi.+ Nte mmekeme ndifiọk eti ye idiọk, nte owo fo ekeme ndikop inem ke se enye adiade onyụn̄ ọn̄wọn̄de,+ mîdịghe nte ami mmosụk n̄keme ndikop+ uyo ikwọ emi irenowo ye iban ẹkwọde?+ Mmọdo ntak emi asan̄autom fo akpafiakde edi mbiomo+ ọnọ ọbọn̄ mi edidem? 36  Koro owo fo ndisan̄a ye edidem nsịm Jordan ikam iyomke usụn̄, mmọdo ntak emi edidem ekpekpede mi utọ utịp emi?+ 37  Mbọk, yak asan̄autom fo afiak ọnyọn̄, yak mi n̄kakpa+ ke obio mi n̄kpere ebiet emi ẹkebụkde ete ye eka mi.+ Edi, se Chimham+ asan̄autom fo mi. Yak enye etiene ọbọn̄ mi edidem ebe Jordan; afo nyụn̄ nam ye enye se ifọnde fi ke enyịn.” 38  Ntem edidem ọdọhọ ete: “Chimham ayasan̄a ye ami ebe Jordan, ami nyonyụn̄ nnam ye enye se ifọnde fi ke enyịn; ndien nyanam kpukpru se afo edidọhọde mi nnam nnọ fi.” 39  Ndien kpukpru owo ẹsan̄a ẹbe Jordan, edidem onyụn̄ asan̄a ebe; edi edidem etịm Barzillai inua+ onyụn̄ ọdiọn̄+ enye, ekem enye afiak ọnyọn̄ ebiet esie. 40  Ke ini edidem asan̄ade ebe ekesịm Gilgal,+ Chimham asan̄a ye enye ekesịm, ye kpukpru mbon Judah, ye ubak mbon Israel, man mmọ ẹkpeda edidem ẹsan̄a ẹbe Jordan. 41  Ndien, sese! kpukpru mbon Israel ẹdi ẹbịne edidem ẹnyụn̄ ẹdidọhọ edidem ẹte: “Ntak emi+ nditọete nnyịn, kpa nditọ Judah ẹkeyịpde fi, man mmọ ẹkpeda edidem ye mbonufọk esie ye kpukpru ikọt David emi ẹdude ye enye ẹbe Jordan?”+ 42  Ndien kpukpru mbon Judah ẹbọrọ mbon Israel ẹte: “Koro edidem edide n̄kpet n̄kpet orụk nnyịn;+ ndien nso inam n̄kpọ emi ayatde mbufo esịt? Nte nnyịn imadia n̄kpọ edidem, mîdịghe nte ẹda enọ ẹsọk nnyịn?” 43  Edi, mbon Israel ẹbọrọ mbon Judah ẹte: “Nnyịn inyene ubak duop ke idem edidem,+ imonyụn̄ inyene udeme ke David ikan mbufo. Nso idi ndien ntak emi mbufo ẹsede nnyịn ke ndek, ndien sese! nte idịghe nnyịn ikebem iso+ idọhọ ẹda edidem ẹnyọn̄ ẹdi?” Edi uyo mbon Judah ọsọn̄ akan uyo mbon Israel.

Mme Ikọ Idakisọn̄