Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Samuel 14;1-33

14  Ekem Joab+ eyen Zeruiah+ edifiọk ke esịt edidem odu ye Absalom.+  Ndien Joab ọdọn̄ ẹka Tekoa+ ẹkeda n̄wan emi edide ọfiọkn̄kpọ+ owo do ẹdi, onyụn̄ ọdọhọ enye ete: “Mbọk, fụhọ, nyụn̄ men ọfọn̄ mfụhọ sịne, kûnyụn̄ ufiọn̄ọ aran+ ke idem; ndien kabade tie nte n̄wan emi ama okofụhọ ke ediwak usen aban̄a owo emi akpade.+  Ndien dụk tiene edidem kọdọhọ enye ntem ye ntem.” Ndien Joab esịn enye ikọ ke inua.+  Ekem n̄wan Tekoa emi odụk etiene edidem, ọkọduọ ekịbi iso ke isọn̄+ onyụn̄ ọdọhọ ete: “O edidem, nyan̄a+ mi!”  Ntem edidem obụp enye ete: “Nso idi mfịna fo?” Ndien n̄wan emi ọbọrọ ete: “Ami ndi ebeakpa+ koro ebe mi ama akpa.  Ofụn an̄wan fo okonyụn̄ enyene nditọiren iba, ndien mmọ mbiba ẹn̄wana ye kiet eken ke in̄wan̄,+ inyụn̄ idụhe owo eke omụmde+ mmọ. Ekem kiet ọtọ eken owot.  Ndien sese ofụri ufọk ẹmedaha ẹda ndinam ikọ ye ami, ete, ‘Sio owot eyenete esie oro di, man nnyịn iwot enye kaban̄a ukpọn̄ eyenete esie+ emi enye okowotde,+ yak nnyịn ikam isobo adiakpa oro ifep!’ Ndien mmọ ẹmọn̄ ẹnịme mbubek ikan̄ mi emi osụhọde, man ebe mi okûnyene enyịn̄ m̀mê nsụhọ baba kiet ke iso isọn̄.”+  Ndien edidem ọdọhọ n̄wan oro ete: “Nyọn̄ ufọk fo, ndien mmọn̄ nnọ ewụhọ mban̄a fi.”+  Ntem n̄wan Tekoa oro ọdọhọ edidem ete: “O ọbọn̄ mi edidem, yak ndudue odoro mi ke idem onyụn̄ odoro ufọk ete mi,+ edi edidem ye ebekpo esie ẹkûnyene nduduọhọ.” 10  Ndien edidem ọdọhọ ete: “Edieke owo ekededi etịn̄de ikọ ye afo, da enye n̄ko sọk mi, ndien enye idifịnake fi aba.” 11  Edi n̄wan oro ọbọrọ ete: “Mbọk, yak edidem eti Jehovah Abasi+ ke se enye ọn̄wọn̄ọde, man osio-usiene iyịp+ okûka iso owot owo, mmọ ẹkûnyụn̄ ẹwot eyen mi.” Ntem edidem ọdọhọ ete: “Ma uwem Jehovah,+ baba idet eyen fo kiet+ ididuọhọ ke isọn̄.” 12  Ndien n̄wan oro ọdọhọ ete: “Mbọk, yak ofụn an̄wan fo+ etịn̄ ikọ+ ọnọ ọbọn̄ mi edidem.” Ntre enye ọdọhọ ete: “Tịn̄!”+ 13  Ndien n̄wan oro obụp ete: “Nso inam ekerede n̄kpọ ntem+ aban̄a ikọt Abasi?+ Nte edidem osụk etịn̄de ikọ emi, enye etie nte owo emi eduede isop,+ koro edidem mîfiakke ida owo esie emi ẹkebịnde ẹduọk.+ 14  Koro nnyịn mîditreke ndikpa,+ iyonyụn̄ itie nte mmọn̄ emi ẹduọkde ke isọn̄, emi owo mîkemeke ndikoi. Edi Abasi idimenke ukpọn̄ ifep,+ ndien enye ọfiọk ntak emi enye mîduọkke owo eke ẹbịnde ẹduọk. 15  Ndien ke emi ami ndide nditịn̄ ikọ emi ye ọbọn̄ mi edidem, edi koro mme owo ẹsịnde mi ndịk. Ntre ofụn an̄wan fo ọdọhọ ete, ‘Mbọk, yak ntịn̄ nnọ edidem. Eyedi edidem ayanam se ofụn an̄wan esie etịn̄de. 16  Koro edidem akpan̄de utọn̄ onyụn̄ anyan̄ade ofụn an̄wan esie osio ke ubọk owo emi oyomde ndiwot mi ye ikpọn̄ eyen mi man enye okûnyene udeme emi Abasi ọnọde,’+ 17  ndien ofụn an̄wan fo ọdọhọ ete, ‘Mbọk, yak ikọ ọbọn̄ mi edidem ofụre mi ke idem.’ Koro ọbọn̄ mi edidem etie nte angel+ ata Abasi, emi ọdiọn̄ọde eti ye idiọk,+ ndien Jehovah Abasi fo akpakam odu ye afo.” 18  Ndien edidem ọbọrọ n̄wan oro ete: “Mbọk, kûdịp mi n̄kpọ emi nyomde ndibụp fi mi.”+ Ntem n̄wan oro ọdọhọ ete: “Mbọk, yak ọbọn̄ mi edidem etịn̄.” 19  Ndien edidem obụp ete: “Ndi Joab+ enyene ubọk ke kpukpru se afo anamde emi?”+ Ntre n̄wan oro ọbọrọ ete: “Ma ukpọn̄ fo,+ O ọbọn̄ mi edidem, baba owo kiet ikemeke ndikpọn̄ kpukpru se ọbọn̄ mi edidem ọdọhọde, ndụk ufien m̀mê nnasia; koro edi Joab asan̄autom fo okowụk mi ete nnam n̄kpọ emi, enye okonyụn̄ esịn ofụn an̄wan fo kpukpru ikọ emi ke inua.+ 20  Joab asan̄autom fo anam n̄kpọ emi man okpụhọde nte afo esede n̄kpọ emi, edi ọbọn̄ mi enyene ọniọn̄ nte angel+ ata Abasi, onyụn̄ ọfiọk kpukpru se idude ke isọn̄.” 21  Ekem edidem ọdọhọ Joab ete: “Ke emi, sese ami mmọn̄ nnam n̄kpọ emi.+ Ntre ka kada akparawa oro Absalom nyọn̄ di.”+ 22  Ntem Joab ọduọ ekịbi iso ke isọn̄ onyụn̄ ọkọm edidem; Joab onyụn̄ ọdọhọ ete: “Mfịn emi ke ami asan̄autom fo mfiọk ke mmokụt mfọn ke iso fo,+ O ọbọn̄ mi edidem, koro edidem anamde uyo asan̄autom esie.” 23  Ntem Joab adaha aka Geshur+ akada Absalom ọnyọn̄ edi Jerusalem.+ 24  Edi edidem ọdọhọ ete: “Yak enye ọwọn̄ọde aka ufọk esie, okûkụt mi iso.”+ Ntre Absalom ọwọn̄ọde aka ufọk esie, inyụn̄ ikwe edidem iso. 25  Ndien baba owo eke eyede+ nte Absalom ikodụhe ke ofụri Israel, eke ẹtorode etieti. Enye inyeneke baba ndo kiet ọtọn̄ọde ke ikpat tutu esịm etịn̄ibuot esie. 26  Ndien ke ini enye afatde idet ibuot esie (koro enye ekesifatde idet ibuot esie kpukpru utịt isua; sia odobide+ enye) enye odomo idet ibuot esie, ndien edi shekel ikie iba, ke itiat udomo edidem. 27  Ndien nditọiren ita+ ẹmana ẹnọ Absalom ye eyenan̄wan kiet emi ekerede Tamar. Enye ekedi nye-n̄kan eyenan̄wan.+ 28  Ndien Absalom odu ke Jerusalem ke ofụri isua iba, inyụn̄ ikwe edidem iso.+ 29  Ntre Absalom ọdọn̄ ẹkekot Joab man ọdọn̄ enye utom ọnọ edidem, edi enye inyịmeke ndidi ndisobo ye enye. Ntem enye ọdọn̄ ẹkekot enye ọyọhọ ikaba, edi enye isụk inyịmeke ndidi. 30  Ekem enye ọdọhọ mme asan̄autom esie ete: “Sese in̄wan̄ Joab odu ekpere okịm, enye onyụn̄ ọtọ barley do. Mbufo ẹka ẹkekịm ikan̄ ke esịt.”+ Ntre mme asan̄autom Absalom ẹka ẹkekịm ikan̄ ke in̄wan̄ oro.+ 31  Ekem Joab adaha ke enyọn̄ aka ebịne Absalom ke ufọk esie, ọkọdọhọ enye ete: “Ntak emi mme asan̄autom fo ẹkịmde ikan̄ ke in̄wan̄ mi?” 32  Ntre Absalom ọdọhọ Joab ete: “Sese, ami n̄kọdọn̄ ẹdidọhọ fi ẹte, ‘Di, man ndọn̄ fi ọkọdọhọ edidem ete: “Nso ikanam nto Geshur+ nnyọn̄ ndi? Ọkpọfọn mi akan ndisụk ndu do. Ndien, ke emi, yak mi n̄kụt edidem iso, ndien edieke nnyenede se nduede,+ yak enye owot mi.”’” 33  Ndien Joab edi editịn̄ ikọ emi ọnọ edidem. Ekem edidem okot Absalom, enye onyụn̄ edi ediduọ ekịbi iso ke isọn̄ ke iso edidem; ekem edidem etịm Absalom inua.+

Mme Ikọ Idakisọn̄