Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Samuel 12;1-31

12  Ndien Jehovah ọdọn̄ Nathan+ utom ọnọ David. Ntre enye edi ebịne enye+ onyụn̄ edidọhọ enye ete: “Owo iba ẹkedu ke obio kiet, kiet edi imọ owo, enye eken edi ubuene.  Ndien imọ owo oro enyene ata ediwak erọn̄ ye enan̄;+  edi ubuene oro inyeneke baba n̄kpọ kiet ke mîbọhọke ekpri uman erọn̄ kiet emi enye ekedepde.+ Enye okonyụn̄ ọbọbọk erọn̄ emi akama, erọn̄ emi onyụn̄ ọkọri enye ke ubọk ọtọkiet ye nditọiren esie. Erọn̄ emi onyụn̄ adia udia emi enye adiade onyụn̄ ọn̄wọn̄ mmọn̄ emi enye ọn̄wọn̄de, onyụn̄ ana enye ke ikpanesịt, onyụn̄ akabade etie nte eyen esie an̄wan.  Ekem esenowo edi ke ọtọ imọ owo oro, edi enye imaha ndisio erọn̄ ke otuerọn̄ esie m̀mê enan̄ ke otu enan̄ esie ntem nnọ owo-isan̄ oro. Ntre enye omụm uman erọn̄ ubuene oro etem ọnọ owo oro ekedide ke ọtọ esie.”+  Ntem David ayat esịt etieti aban̄a utọ owo oro,+ ndien enye ọdọhọ Nathan ete: “Ma uwem Jehovah,+ owo emi anamde utọ n̄kpọ oro odot n̄kpa!+  Ndien enye enyene ndinọ uman nditọerọn̄ inan̄+ ke usiene+ uman eyenerọn̄ oro, koro enye akanamde n̄kpọ emi mînyụn̄ ikopke mbọm.”+  Ndien Nathan ọdọhọ David ete: “Afo edi owo oro! Ntem ke Jehovah Abasi Israel ọdọhọ, ete, ‘Ami n̄keyet fi aran+ nte edidem Israel, ami n̄konyụn̄ nnyan̄a+ fi nsio ke ubọk Saul.  Ndien mma nnyịme ndiyak ufọk ọbọn̄ fo+ ye iban ọbọn̄ fo+ nnọ fi, mma nnyụn̄ nnyịme ndiyak ufọk Israel ye ufọk Judah nnọ fi.+ Ndien edieke oro mîkpekemke, n̄kpadian mme n̄kpọ ntem ye mme n̄kpọ efen nnọ fi.+  Ntak emi afo ekesede ikọ Jehovah ke ndek ke ndinam se idiọkde+ enye ke enyịn? Afo omowot Uriah owo Hittite ke akan̄kan̄,+ onyụn̄ emen n̄wan esie ọdọ,+ onyụn̄ owot ebe esie ke akan̄kan̄ nditọ Ammon. 10  Mmọdo, akan̄kan̄+ idikpọn̄ke ufọk fo ke nsinsi,+ koro afo ekesede mi ke ndek okonyụn̄ emende n̄wan Uriah owo Hittite ọdọ.’ 11  Ntem ke Jehovah ọdọhọ ete, ‘Sese mmọn̄ nda afanikọn̄ ntiene ufọk fo;+ nyonyụn̄ nda iban fo nnọ owo nte afo ke iso fo,+ ndien enye ayadan̄ iban fo ke iso utịn emi.+ 12  N̄kọm afo akanam ke ndịbe,+ edi ami ndinam n̄kpọ emi ke iso ofụri Israel+ ye ke iso utịn.’”+ 13  Ntem David ọdọhọ+ Nathan ete: “Mmanam idiọkn̄kpọ ndue Jehovah.”+ Ndien Nathan ọdọhọ David ete: “Jehovah omonyụn̄ efen idiọkn̄kpọ fo.+ Afo udukpaha.+ 14  Nte ededi, sia afo akanamde n̄kpọ emi, mûkonyụn̄ ukponoke Jehovah,+ eyen emi osụk amanade ọnọ fi mi iditreke ndikpa.”+ 15  Ekem Nathan ọnyọn̄ ufọk esiemmọ. Ndien Jehovah ọnọmọ+ eyen oro n̄wan Uriah akamande ọnọ David, enye onyụn̄ ọduọ udọn̄ọ. 16  Ndien David ekpe ata Abasi ubọk aban̄a eyen oro, onyụn̄ etre udia,+ odụk okosụhọde ana ke isọn̄ ke ofụri okoneyo oro.+ 17  Ntre mbiowo ufọk esie ẹdaha ke enyọn̄ ẹte imenede enye ke isọn̄, edi enye inyịmeke ndidaha nda inyụn̄ idiaha udia+ ye mmọ. 18  Edikem ke ọyọhọ usen itiaba, eyen oro akpa. Edi mme asan̄autom David ẹkop ndịk nditịn̄ nnọ enye ke eyen oro akpa; koro mmọ ẹdọhọde ẹte: “Sese! Ke ini eyen oro okosụk odude uwem, nnyịn ima itịn̄ ikọ ye enye, enye inyụn̄ ikopke uyo nnyịn; ntre nnyịn idinam didie idọhọ enye ite, ‘Eyen oro akpa’? Ndien enye ayanam se idiọkde.” 19  Ke ini David okụtde nte mme asan̄autom esie ẹdọn̄de odu, enye ọfiọk ke eyen oro akpa. Ntre David obụp mme asan̄autom esie ete: “Ndi eyen oro akpa?” Ndien mmọ ẹbọrọ ẹte: “Enye akpa.” 20  Ekem David adaha ada ke isọn̄, eyere mmọn̄ onyụn̄ ada aran ọfiọn̄ọ+ ke idem onyụn̄ okpụhọ ọfọn̄ esie onyụn̄ odụk edi ufọk+ Jehovah ediduọ ke isọn̄;+ ekem enye edi ufọk edidọhọ ẹnọ imọ udia, ndien ẹsọsọp ẹnịm udia ẹnọ enye ndien enye adia. 21  Mmọdo mme asan̄autom esie ẹbụp enye ẹte: “Nso ke edinam fo emi ọwọrọ? Afo ama etre udia aban̄a eyen emi ke adan̄aemi enye okosụk odude uwem; ndien eyen emi ndisụk n̄kpakpa, afo adaha ke enyọn̄ adia udia.” 22  Ntem enye ọdọhọ ete: “Ke adan̄aemi eyen oro okosụk odude uwem, n̄ketre udia+ nnyụn̄ ntua eyet,+ koro n̄kekerede ke esịt mi nte, ‘Anie ọfiọk m̀mê Jehovah ayatua mi mbọm, onyụn̄ enịm eyen oro uwem?’+ 23  Edi ke emi enye ama akakpa mi, nso ntak ke nnyene nditre udia? Ndi mmekeme ndinam enye afiak edidu uwem?+ Ami ndikam n̄ka mbịne enye,+ edi enye idifiakke ibịne mi.”+ 24  Ndien David ọdọn̄ Bath-sheba n̄wan esie esịt.+ Ekem, enye odụk etiene enye onyụn̄ ekenyene ebuana ye enye. Edikem enye aman eyeneren,+ ẹnyụn̄ ẹsio enye enyịn̄ Solomon.+ Jehovah onyụn̄ ama enye.+ 25  Ntem enye ọdọn̄ prọfet Nathan+ okosio eyen oro enyịn̄ Jedidiah, ke ntak Jehovah. 26  Ndien Joab+ aka iso an̄wana ye Rabbah+ emi enyenede nditọ Ammon onyụn̄ akan obio ubọn̄ oro. 27  Ntre Joab ọdọn̄ mme isụn̄utom ọnọ David, ete: “Mman̄wana ye Rabbah.+ Mmonyụn̄ n̄kan mme obio mmọn̄. 28  Ndien, ke emi, tan̄ kpukpru mbon eken bon ọtọkiet nyụn̄ nam nna kanade obio, nyụn̄ kan enye; man okûdi ami n̄kan obio oro, ẹkûnyụn̄ ẹda enyịn̄ mi ẹsio obio oro.” 29  Ntem David atan̄ kpukpru owo obon onyụn̄ aka akan̄wana ye Rabbah onyụn̄ akan enye. 30  Enye onyụn̄ ayarade Malcam anyanya ke ibuot,+ udobi anyanya oro ekedi talent gold kiet, ọkọrọ ye mme ọsọn̄urua itiat; ndien ẹda enye ẹyara David ke ibuot. Ndien mme n̄kpọ mbụme+ emi enye akatan̄de ke obio oro ẹwak etieti. 31  Enye onyụn̄ osion̄o mme owo emi ẹkedude ke esịt esie, onyụn̄ anam mmọ ẹyọk itiat ẹnyụn̄ ẹnam mme ọsọp iso ukwak+ ye ekụri ukwak, onyụn̄ anam mmọ ẹbot kọrikọri. Ntem ke enye akanam ye kpukpru obio nditọ Ammon. Ekem David ye kpukpru owo ẹfiak ẹnyọn̄ọ Jerusalem.

Mme Ikọ Idakisọn̄