Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Samuel 10;1-19

10  Edikem edidem nditọ Ammon+ akpa, ndien Hanun eyen esie ọtọn̄ọ ndikara ke itie esie.+  Ntem David ọdọhọ ete: “Ami nyowụt Hanun eyen Nahash ima-mfọnido, kpa nte ete esie okowụtde mi ima-mfọnido.”+ Mmọdo David ọdọn̄ mme asan̄autom+ esie ẹka ẹkedọn̄ enye esịt ẹban̄a ete esie, ndien mme asan̄autom David ẹdi isọn̄ nditọ Ammon.  Edi mbọn̄ nditọ Ammon ẹdọhọ Hanun ọbọn̄ mmọ ẹte: “Ndi ese ete David okpokpono ete fo ke enye ndidọn̄ mbon ndọn̄esịt ẹdi ke ọtọ fo? Nte idịghe man mmọ ẹdidụn̄ọde ẹnyụn̄ ẹyep+ ẹnyụn̄ ẹkan obio emi esịn David ọdọn̄ mme asan̄autom esie ẹdi ke ọtọ fo?”+  Ntre Hanun omụm mme asan̄autom David akwat mmọ ntan̄ebek+ n̄kan̄ kiet onyụn̄ esịbe mmọ ọfọn̄idem ke mbombom ndien ọnọ mmọ ẹnyọn̄ọ.+  Ekem mme owo ẹmen n̄kpọ emi ẹketịn̄ ẹnọ David, ndien enye ọsọsọp ọdọn̄ ẹkesobo ye mmọ, koro ẹkesuenede iren emi etieti; ndien edidem ọdọhọ ete: “Mbufo ẹdụn̄ ke Jericho+ tutu ntan̄ebek mbufo ọkọri okpon. Ekem mbufo ẹnyọn̄ ẹdi.”  Ekem nditọ Ammon ẹkụt ke mmimọ imakabade idi n̄kpọ itekesịt+ inọ David, ntre nditọ Ammon ẹkekpe mbon Syria eke Beth-rehob+ ye mbon Syria eke Zobah+ owo tọsịn edịp emi ẹsan̄ade ke ukot, ẹnyụn̄ ẹbọ edidem Maacah+ owo tọsịn kiet, ẹnyụn̄ ẹkpe owo tọsịn duopeba ke Ishtob.  Ke ini David okopde n̄kpọ emi, enye osio Joab ye ofụri udịmekọn̄ esie ye n̄kpọsọn̄ owo+ esie ọdọn̄.  Ndien nditọ Ammon ẹwọn̄ọ ẹka ẹketịm idem ẹnọ ekọn̄ ke nto-ndụk inuaotop obio, mbon Syria eke Zobah+ ye eke Rehob, ye Ishtob ye Maacah ẹnyụn̄ ẹdu ekemmọ ke an̄wa+ ẹtịm idem ẹnọ ekọn̄.  Ke ini Joab okụtde ke mbonekọn̄ ẹbụmede ẹdi ndin̄wana ye imọ iso ye edem, enye ọsọsọp emek ndusụk ke otu nti+ irenowo ke Israel onyụn̄ etịm mmọ ndikosobo ye mbon Syria. 10  Ndien enye ayak mbon oro ẹsụhọde esịn ke ubọk Abishai+ eyeneka esie, man enye etịm mmọ ada okosobo ye nditọ Ammon.+ 11  Ndien enye ọdọhọ ete: “Edieke mbon Syria ẹsọn̄de ubọk ẹkan mi, afo eyedi edinyan̄a mi; edi edieke nditọ Ammon ẹsọn̄de ubọk ẹkan fi, ami nyedi ndinyan̄a fi.+ 12  Kop odudu, man nnyịn idi uko+ inọ ikọt nnyịn inyụn̄ idi inọ mme obio Abasi nnyịn;+ ndien Jehovah ayanam se ifọnde enye ke enyịn.”+ 13  Ekem Joab ye mbon oro ẹdude ye enye ẹwọrọ ẹken̄wana ye mbon Syria, ndien mmọ ẹfen̄e ke iso esie.+ 14  Ndien ke ini nditọ Ammon ẹkụtde ke mbon Syria ẹfen̄e, mmọ n̄ko ẹfen̄e ke iso Abishai ẹnyọn̄ọ ẹkesịm obio.+ Ke oro ebede, Joab ọkpọn̄ nditọ Ammon ọnyọn̄ edi Jerusalem.+ 15  Ke ini mbon Syria ẹkụtde ẹte ke Israel ẹkan mmimọ, mmọ ẹsop idem ọtọkiet. 16  Ntre Hadadezer+ ọdọn̄ ẹkeda mbon Syria oro ẹdude ke edem Akpa*+ oko ẹdi; ndien mmọ ẹdi ke Helam, ndien Shobach+ etubom udịmekọn̄ Hadadezer ebem mmọ iso. 17  Ke ini ẹtịn̄de n̄kpọ emi ẹnọ David, enye ọsọsọp obon ofụri Israel ọtọkiet, onyụn̄ ebe Jordan edisịm Helam. Ndien mbon Syria ẹtịm udịmekọn̄ ẹka ndisobo ye David ẹnyụn̄ ẹtọn̄ọ ndin̄wana ye enye.+ 18  Ndien mbon Syria ẹfen̄e+ ke iso Israel; David onyụn̄ owot mme awat chariot+ mbon Syria ikie itiaba ye mme awat enan̄-mbakara tọsịn aba, enye onyụn̄ owot Shobach etubom udịmekọn̄ mmọ do.+ 19  Ke ini kpukpru ndidem,+ mme asan̄autom Hadadezer ẹkụtde ke Israel ẹkan mmimọ,+ mmọ ẹsọsọp ẹnam emem ye Israel ẹnyụn̄ ẹnam n̄kpọ ẹnọ mmọ;+ ndien mbon Syria ẹkop ndịk inyụn̄ idomoke aba nditọn̄ọ ntak nnyan̄a nditọ Ammon.+

Mme Ikọ Idakisọn̄

Oro edi, “Euphrates.”