Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Peter 3;1-18

3  Ndima, emi edi ọyọhọ leta iba emi n̄wetde nnọ ẹsọk mbufo, emi, kpa nte ke akpa oro n̄kewetde,+ ndemerede in̄wan̄-in̄wan̄ ukeme ukere n̄kpọ mbufo ebe ke nditi+ mbufo n̄kpọ,  man mbufo ẹkpeti ikọ oro ndisana prọfet+ ẹkebemde iso ẹtịn̄ ye ewụhọ Ọbọn̄ ye Andinyan̄a emi ẹkenọde ebe ke mme apostle+ mbufo.  Koro mbufo ẹmebem iso ẹfiọk emi, ẹte, ke mme akpatre usen+ mbon nsahi+ ẹyeda nsahi mmọ ẹdi, ẹsan̄a ke udọn̄ esịt mmọ+  ẹnyụn̄ ẹdọhọ ẹte:+ “Enye edidu esie emi ẹken̄wọn̄ọde?+ Koro tọn̄ọ nte mme ete ete nnyịn ẹkede ke n̄kpa, kpukpru n̄kpọ ẹtie kpa nte ẹketiede toto ke editọn̄ọ emi ẹkebotde mme n̄kpọ.”+  Koro, mmọ ẹkoi ẹfre ẹte ke enyọn̄+ ama odu toto ke eset ye isọn̄ emi ẹkedade ikọ Abasi ẹnam ọwọrọ ke mmọn̄+ ọsọn̄ọ ada, emi onyụn̄ odude ke ufọt mmọn̄;+  ndien kpa mme n̄kpọ oro ke ẹkeda ẹsobo ererimbot emi okodude adan̄aoro ke ini ẹkedade ukwọ ẹfụk enye.+  Edi ẹda ukem ikọ emi ẹmụm enyọn̄+ ye isọn̄+ emi ẹdude ke emi ẹnịm ẹnọ ikan̄+ ẹnyụn̄ ẹnịm ẹnọ usen ubiereikpe+ ye usen emi edisobode mmọ eke mîten̄eke Abasi.+  Ndima, ẹkûfre n̄kpọ kiet emi ẹte ke enyịn Jehovah usen kiet etie nte isua tọsịn kiet, isua tọsịn kiet onyụn̄ etie nte usen kiet.+  Jehovah inuọnke ke ndinam un̄wọn̄ọ esie,+ nte ndusụk owo ẹkerede ke enye ọnuọn, edi enye akam enyene ime ye mbufo koro enye mîyomke baba owo kiet atak edi oyom kpukpru owo ẹkabade esịt.+ 10  Edi usen Jehovah+ edidi nte inọ,+ kpa usen oro enyọn̄ edibede efep+ ye akwa usọp ke ọkpọsọn̄ uyom,+ ndien mme n̄kpọ oro ẹnamde enye ẹyetara+ ke ọkpọsọn̄ ufiop, isọn̄+ ye mme utom emi ẹdude ke esịt ẹyenyụn̄ ẹyarade.+ 11  Sia kpukpru n̄kpọ emi ẹditarade ntem, nso orụk owo ke mbufo ẹkpedi ke edisana ido uwem ye ke mme edinam uten̄e Abasi, 12  mbufo emi ẹtiede ẹbet+ ẹnyụn̄ ẹsọn̄ọde ẹnyene edidu usen Jehovah+ ke ekikere, kpa usen eke enyọn̄ emi asakde ikan̄ editarade+ ndien mme n̄kpọ oro ẹnamde enyọn̄ ye isọn̄ ẹdinyụn̄ ẹtarade ke ọkpọsọn̄ ufiop! 13  Edi nnyịn itie ibet mbufa enyọn̄+ ye obufa isọn̄+ emi enye ọkọn̄wọn̄ọde, ndien edi do ke edinen ido edidụn̄.+ 14  Ntem, ndima, sia mbufo ẹtiede ẹbet mme n̄kpọ emi, ẹsịn ofụri ukeme man ke akpatre enye okpokụt mbufo nte ẹnanade ntọi+ ẹnyụn̄ ẹnanade ndo ẹnyụn̄ ẹdude ke emem.+ 15  N̄ko-n̄ko, ẹbat ẹte ke ime Ọbọn̄ nnyịn ọwọrọ edinyan̄a, kpa nte edima eyenete nnyịn Paul adade ọniọn̄+ oro ẹkenọde enye ewet n̄ko ọnọ ẹsọk mbufo,+ 16  etịn̄ aban̄a mme n̄kpọ emi kpa nte enye etịn̄de n̄ko ke kpukpru mme leta esie. Ndien ndusụk n̄kpọ ẹdu ke esịt eke ẹsọn̄de owo ndifiọk, emi mme ọkọi ye mbon oro mînyeneke iwụk ẹyụrọrede ẹda ẹsobo idemmọ, kpa nte mmọ ẹnamde ye mme itie N̄wed Abasi eken.+ 17  Ke ntre, ndima, sia mbufo ẹma ẹkebem iso ẹnyene ifiọk emi,+ ẹkpeme idem mbak ndudue mme abiatibet edida mbufo awaha ọkpọn̄ usụn̄ onyụn̄ anam mbufo ẹduọ ẹkpọn̄ nsọn̄ọnda mbufo.+ 18  Edi, ẹka iso ẹkọri ke mfọnido oro owo mîdotke ye ifiọk Ọbọn̄ ye Andinyan̄a nnyịn Jesus Christ.+ Yak ubọn̄ enyene enye ke emi ye ke nsinsi.+

Mme Ikọ Idakisọn̄