Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Peter 2;1-22

2  Edi mme prọfet nsu ẹma ẹdidu n̄ko ke otu mme owo, kpa nte nsunsu mme andikpep ẹdide ẹdidu n̄ko ke otu mbufo.+ Mmọ ẹyesan̄a ndịbe ndịbe ẹda n̄ka emi akamade nsobo ẹdi, ẹyenyụn̄ ẹkan̄ andinyene oro ekedepde mmọ,+ ẹwarade ẹda nsobo ẹsọk idemmọ.  N̄ko-n̄ko, ediwak owo ẹyetiene+ mbukpo ido+ mmọ, ndien oto mmọ mme owo ẹyetịn̄ idiọk ẹdian usụn̄ akpanikọ.+  N̄ko, mmọ ke idiọkitọn̄* ẹyeda ikọ abian̄a ẹkama mbufo ẹnam mbubịne.+ Edi ubiereikpe emi ẹkenịmde ẹnọ mmọ tutuko+ inuọnke, nsobo mmọ inyụn̄ iyetke idap.+  Ke akpanikọ edieke Abasi mîketreke ndinọ mme angel+ oro ẹkenamde idiọkn̄kpọ ufen, edi, otopde mmọ ọdọn̄ ke Tartarus,+ ntem ayakde mmọ ẹdu ke n̄kịmn̄kịm ukpe ẹbet ubiereikpe;+  edieke enye mîkonyụn̄ itreke ndinọ ererimbot eset ufen,+ edi anyan̄ade Noah, ọkwọrọ edinen ido,+ ye owo itiaba efen+ ke ini enye adade ukwọ+ ofụk ererimbot mbon unana uten̄e Abasi;  ndien ke ndifọp obio Sodom ye Gomorrah ẹkabade ntọn̄ enye obiom mmọ ikpe,+ enịmde uwụtn̄kpọ ọnọ mbon emi mîten̄eke Abasi kaban̄a mme n̄kpọ emi ẹdidide;+  edi anyan̄ade edinen owo oro Lot,+ emi okofụhọde etieti aban̄a obukpo ido emi mme abiatibet ẹkesịnde idem ẹnam+  koro se edinen owo emi okokụtde onyụn̄ okopde ke usen ke usen ke adan̄aemi enye odụn̄de ke otu mmọ ama otụhọde edinen ukpọn̄ esie ke ntak ukwan̄ edinam mmọ—  Jehovah ọfiọk nte anyan̄ade mbon oro ẹten̄ede Enye osio ke idomo,+ edi enịm mme anam ukwan̄ido ebet edisịbe mfep ke usen ubiereikpe,+ 10  edi akpan akpan mbon oro ẹtienede obụkidem ẹnyụn̄ ẹyomde ndisabade enye,+ emi ẹnyụn̄ ẹsede itie ubọn̄ ke usụhọde.+ Mbon emiom, mme itụn, emi idem mînyekke iban̄a mme akama itie ubọn̄ edi ẹtịn̄de ikọ isụn̄i ẹdian mmọ,+ 11  ke adan̄aemi mme angel, idem okposụkedi ẹkponide ẹkan mmọ ke ukeme ye odudu, mîdaha ikọ isụn̄i+ idori mmọ ikọ, mmọ ẹtre ndinam emi koro mmọ ẹkponode Jehovah.+ 12  Edi mbon emi, ukem nte mme unam eke mîkereke n̄kpọ, emi ẹmanade man ẹkpemụm mmọ ẹwot, ẹyekụt nsobo oto idiọk usụn̄ uwem mmọ ke mme n̄kpọ eke mmọ mînyeneke ifiọk iban̄a edi ẹtịn̄de ikọ isụn̄i ẹdian,+ 13  ntem ẹbakde ibak ye idemmọ+ nte utịp idiọk edinam mmọ.+ Mmọ ẹbat akwa udia-uwem ke uwemeyo nte n̄kpọ inemesịt.+ Mmọ ẹdi mme ntọi ye mme ndo, ẹkop ebeubọk inemesịt ke mme ukpepn̄kpọ abian̄a mmọ, ke adan̄aemi ẹdiade usọrọ ọtọkiet ye mbufo.+ 14  Mmọ ẹnyene enyịn eke ẹyọhọde ye efịbe+ inyụn̄ ikemeke ndision̄o idem n̄kpọn̄ idiọkn̄kpọ,+ ndien mmọ ẹtap mme ukpọn̄ eke mînyeneke iwụk. Mmọ ẹnyene esịt emi ọbọde ukpep idiọkitọn̄.*+ Mmọ ẹnyụn̄ ẹdi nditọ isụn̄i.+ 15  Mmọ ẹmekpọn̄ nnennen usụn̄, ndien ẹtụn mmọ usụn̄. Mmọ ẹtiene afan̄ Balaam,+ eyen Beor, emi akamade utịp idiọk edinam,+ 16  edi ọbọ nsuannọ ke enye nditre ndinam se inende.+ Unam mbiomo eke mîsitịn̄ke ikọ, etịn̄ ikọ ke uyo owo,+ ọbiọn̄ọ ndisịme ido prọfet oro.+ 17  Mmọ emi ẹdi idịm eke mîsiahake mmọn̄,+ ye ntụhube eke ọkpọsọn̄ oyobio emende ebe, ndien ẹnịm makmak ekịm ẹnọ mmọ.+ 18  Koro mmọ ẹtịn̄de ikọ iseri emi mînyeneke ufọn, ẹnyụn̄ ẹda mme udọn̄ obụkidem+ ye mme etịme etịme edu ẹtap+ mbon emi ẹsụk ẹbọhọde+ mme anam ukwan̄n̄kpọ. 19  Ke adan̄aemi ẹn̄wọn̄ọde ndinọ mmọ ifụre,+ mmọ ke idemmọ ẹdu ke ufụn mbiara.+ Koro owo ekededi emi ayakde owo en̄wen akan enye odụk ufụn ọnọ owo oro.+ 20  Koro edieke mmọ ẹma ẹkebọhọ se isabarede owo ke ererimbot+ oto ke ndinyene nnennen ifiọk aban̄ade Jesus Christ kpa Ọbọn̄ ye Andinyan̄a nnyịn, mmọ ẹfiak ẹsịn idem ke mme n̄kpọ emi tutu mme n̄kpọ emi ẹkan mmọ ubọk,+ akpatre itie mmọ akabade ọdiọk akan akpa.+ 21  Koro ọkpọkọfọn mmọ nditre nditịm mfiọk usụn̄ edinen ido+ akan ndidi ke ẹma ẹketịm ẹfiọk ẹma, mmọ ẹwọn̄ọde ẹkpọn̄ edisana ewụhọ oro ẹkenọde mmọ.+ 22  Ikọ n̄ke akpanikọ emi osu mmọ ke idem, ete: “Ebua+ afiak akadia ikpọhi esie, ndien edi emi ẹkeyetde mmọn̄ afiak ekewere ke mbat.”+

Mme Ikọ Idakisọn̄

M̀mê, “edisịn esịt ke n̄kpọ owo.”
Se ik. id. uf. 3.