Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Ndidem 6;1-33

6  Ndien nditọ+ mme prọfet ẹdọhọ Elisha ẹte: “Sese! Ebiet+ emi nnyịn idụn̄de mi ke iso fo afaha+ nnyịn akaha.  Mbọk, yak nnyịn owo kiet kiet ika n̄kan̄ Jordan oko, ikada eto ibọp ebietidụn̄ do inọ idem nnyịn.”+ Ndien enye ete: “Ẹka.”  Ndien owo kiet ọdọhọ ete: “Mbọk, disan̄a ye mme asan̄autom fo ka.” Ndien enye ete: “Ami nyasan̄a ye mbufo n̄ka.”  Ntre enye asan̄a ye mmọ, ndien mmọ ẹdi ẹdisịm Jordan ẹnyụn̄ ẹtọn̄ọ ndikpen̄e eto.+  Edikem nte owo kiet ekpide eto esie, ekụri+ otorode odụk mmọn̄. Ndien enye ofiori ete: “O, ete mi,+ n̄kọbọbuọt!”+  Ndien owo ata Abasi oro obụp enye ete: “Enye ọkọduọ odụk m̀mọ̀n̄?” Ntre enye owụt enye ebiet oro. Kpa idahaoro enye esịbe ekpri eto otop esịn do ndien ekụri oro ọwọrọ ọfiọrọ.+  Ndien enye ọdọhọ enye ete: “Sịn ubọk sio.” Ndien inikiet inikiet enye esịn ubọk osio.  Edikem edidem Syria+ aka ndin̄wana ekọn̄ ye Israel. Ndien enye odụk ediomi ye mme asan̄autom esie+ ete: “Mbufo ẹyenam nnaekọn̄ ye ami ke itie ntem ye ntem.”+  Ndien owo ata Abasi+ ọdọn̄ etop ọnọ edidem Israel, ete: “Kpeme idem, kûsan̄a ke ebiet emi ube,+ koro do ke mbon Syria ẹsụhọde ẹka.”+ 10  Ntre edidem Israel ọdọn̄ mme owo ẹka ebiet oro owo ata Abasi ọkọdọhọde enye.+ Ndien enye akpan+ enye, enye onyụn̄ ekpeme idem ikaha do, idịghe ini kiet m̀mê ikaba. 11  Mmọdo n̄kpọ emi ayat edidem Syria esịt,+ ntre enye okot mme asan̄autom esie ẹdi onyụn̄ obụp mmọ ete: “Nte mbufo iditịn̄ke inọ mi m̀mê anie ke otu nnyịn edi owo emi adade ye edidem Israel?”+ 12  Ndien owo kiet ke otu mme asan̄autom esie ọbọrọ ete: “Ọbọn̄ mi edidem, idụhe owo nnyịn emi adade ye enye, akam edi prọfet Elisha+ emi odude ke Israel asian+ edidem Israel n̄kpọ emi afo esịnede ke esịt ubet fo etịn̄.”+ 13  Ntre enye ọdọhọ ete: “Mbufo ẹka ẹkeyep ebiet emi enye odude, man ndọn̄ ẹkeda enye ẹdi.”+ Ekem ẹditịn̄ ẹnọ enye ẹte: “Enye do ke Dothan.”+ 14  Ndien enye awara ọdọn̄ mme enan̄-mbakara ye chariot ekọn̄ ye akwa udịmekọn̄+ ẹka do; ndien mmọ ẹsan̄a ke okoneyo ẹka ẹkekan obio oro ẹkụk. 15  Ke ini asan̄autom+ owo ata Abasi oro abakde edemede ọwọrọ, sese, udịmekọn̄ ẹma ẹkan obio oro ẹkụk ye mme enan̄-mbakara ye chariot ekọn̄. Ndien asan̄autom esie ọdọhọ enye ete: “O, ete mi!+ Nnyịn idinam didie?” 16  Edi enye ọdọhọ ete: “Kûfehe ndịk,+ koro mbon emi ẹdude ye nnyịn ẹwakde ẹkan mbon emi ẹdude ye mmọ.”+ 17  Ndien Elisha ọbọn̄ akam,+ ete: “O Jehovah, mbọk tat enye enyịn+ man enye okụt.” Ke ndondo oro Jehovah atat asan̄autom oro enyịn, enye onyụn̄ okụt; ndien sese! mme enan̄-mbakara ye chariot ekọn̄+ emi ẹsakde ikan̄ ẹyọhọ obot obot ikpehe oro ẹkanade Elisha ẹkụk.+ 18  Ke ini mmọ ẹsụhọrede ẹbịne enye, Elisha ọbọn̄ akam ọnọ Jehovah, ete: “Mbọk, nam enyịn ekịm+ idụt emi.” Ndien enye anam enyịn ekịm mmọ ke uyo Elisha. 19  Ndien Elisha ọdọhọ mmọ ete: “Idịghe usụn̄ edi emi, inyụn̄ idịghe obio oro edi emi. Mbufo ẹtiene mi, yak nda mbufo n̄kowụt owo emi mbufo ẹyomde.” Ndien enye ada mmọ aka Samaria.+ 20  Edikem ke ndondo oro mmọ ẹsịmde Samaria, Elisha ọdọhọ ete: “O Jehovah, tat mbon emi enyịn man mmọ ẹkụt usụn̄.”+ Ke ndondo oro Jehovah atat mmọ enyịn, mmọ ẹnyụn̄ ẹkụt usụn̄; ndien sese mmọ ẹdu ke esịt Samaria. 21  Ke ndondo oro edidem Israel okụtde mmọ, enye obụp Elisha ete: “Ete mi,+ nte n̄wot mmọ, nte n̄wot mmọ?”+ 22  Edi enye ọbọrọ ete: “Kûwot mmọ. Nte oyom ndiwot mbon emi afo akadade akan̄kan̄ fo ye utịgha fo ada nte mbuotekọn̄?+ Da uyo ye mmọn̄ nịm mmọ ke iso man mmọ ẹta ẹnyụn̄ ẹn̄wọn̄+ ẹnyụn̄ ẹnyọn̄ ẹtiene ọbọn̄ mmọ.” 23  Ntem enye anam akamba usọrọ ọnọ mmọ; ndien mmọ ẹdia ẹnyụn̄ ẹn̄wọn̄, ekem enye ọnọ mmọ ẹnyọn̄ọ ndien mmọ ẹnyọn̄ ẹtiene ọbọn̄ mmọ. Ndien otu mbon n̄wo+ Syria itọn̄ọke aba ntak idụk isọn̄ Israel. 24  Ekem ke oro ebede, Ben-hadad edidem Syria etịm ofụri udịmekọn̄ esie ọdọk akanam nna akanade Samaria okụk.+ 25  Ekem ọkpọsọn̄ akan̄ odu ke Samaria,+ ndien mmọ ẹka iso ẹkan enye ẹkụk tutu ekọmurua ibuot ass+ kiet ọdọk esịm mbak silver anan̄, udomo ifuọ+ ibiom emi edide mbahade cab kiet ke itie inan̄ onyụn̄ akpa mbak silver ition. 26  Edikem nte edidem Israel asan̄ade ke enyọn̄ ibibene ebe, n̄wan kiet ofiori, ọdọhọ enye ete: “O ọbọn̄ mi edidem, nyan̄a mi!”+ 27  Ndien enye ọdọhọ ete: “Edieke Jehovah mînyan̄ake fi, ami ndida nso nnyan̄a fi?+ nte ndida se itode ke ọtọ udịghi wheat m̀mê ebiet unyịmi wine m̀mê aran?” 28  Edidem onyụn̄ ọdọhọ enye ete: “Nso idi mfịna fo?” Ndien enye ọbọrọ ete: “N̄wan emi ọkọdọhọ mi ete, ‘Men eyen fo di nnyịn ita mfịn, n̄kpọn̄ nnyịn ita eyen mi.’+ 29  Ndien nnyịn item+ eyen mi ita.+ Ekem ndọhọ enye ke ndan̄nsiere nte, ‘Men eyen fo di nnyịn ita.’ Edi enye emen eyen esie edịp.” 30  Edikem ke ndondo oro edidem okopde ikọ an̄wan emi, enye awak+ ọfọn̄idem esie; ndien nte enye asan̄ade ke enyọn̄ ibibene ebe, mme owo ẹkụt enye, ndien sese! enye esịne ọfọn̄ ntuan̄a ke idakidem. 31  Ndien enye ọdọhọ ete: “Yak Abasi anam ntre ye ami onyụn̄ ọdọdiọn̄ anam, edieke Elisha eyen Shaphat edisụk eyịrede ibuot mfịn emi!”+ 32  Elisha eketie ke ufọk esie, mbiowo ẹnyụn̄ ẹtie ye enye+ ke ini edidem okosiode owo ọdọn̄ utom. Mbemiso isụn̄utom oro odụkde edisịm enye, enye ọdọhọ mbiowo oro ete: “Mbufo ẹmekụt nte eyen owotowo+ emi ọdọn̄de ẹdibịghi mi ibuot? Mbufo ẹse: ke ndondo oro isụn̄utom oro edide, ẹberi usụn̄, ẹnyụn̄ ẹda usụn̄ oro ẹnụk enye ẹsio. Nte ntịm+ ikpat ọbọn̄ esie itieneke enye ke edem?” 33  Ke adan̄aemi enye osụk etịn̄de emi ye mmọ, sese, isụn̄utom oro osụhọde edisịm enye, ndien edidem ọdọhọ ete: “Nnanenyịn emi oto Jehovah.+ Ntak n̄kposụk mbetde Jehovah?”+

Mme Ikọ Idakisọn̄